TI'INAANGW 19:18 - Biblía Axweesantá Hhohho' ar Mungú 2004

¹⁸ AAKOÓ MUNGÚ ina aweér gawaá tloomár Sinai ar baraá asla, tloomadá' iri qaba'át quuiro adór quuír asltá gufteeri ar taa slaáx ló'wa ale, tloomadá' sleémeero iri ló'wa diingít.

TI'INAANGW 19:18 Iomraidhean Croise

IIMU/UUNGW 11:5

AAKOÓ MUNGÚ nay aweér baraá yaamu as gixsa nee tsitsini ngiwa ari, tidá' taa tleéhh nee muu.

IIMU/UUNGW 15:17

Tam qoomár looa iwa dát, iimi iwa gíp, hutloó quuír wa haáts nina ti'iít, nee tsaa'astá asltá koom ina waaráhh ar baraá tla/eeriidaá fu'unaydá'.

IIMU/UUNGW 19:28

Inós iri qaytsiít bihhaá Sodoma nee Gomora, nee yaamu sleémeero awa ayaadá', ga/aaweek, quuír naa yaamuú wa tleer gari ár, adór ira tsa/aán, adór quuír gufteeri.

NEHEMIA 9:13

Nina gawaá doorí wa awét ay gawaá tloomár Sinai, tari axwés nee inooín. Kiri kángw hhó' beér, dabér ló' kari hanís, nee kaahír hhoe nee hara'ayaro.

WARA'AMI 104:32

Mungú yaamu birnga i qaytsiít, nin daaraxatiyá'. Tlom'i birnga kwatiít, nay quuiyá'!

WARA'AMI 114:4

Tlom'i nay gáwtí /akumiitiyé' adór gwaanduú wa ale, tlom'aá ninakw nay /akumiitiyé' adór deeloó bee/aangw!

WARA'AMI 114:7

Kuungá' yaámu, daaraxaté', dír geeraá AAKOÓ MUNGÚ, eeít, dír geeraá Munguú Yakobo,

WARA'AMI 144:5

AAKOÓ MUNGÚ waáy, dooriwók mahhatiisang Tlom'i kwatiiteek, inooín quui ngi duuxiye'.

WARA'AMI 18:9

Doori gina kiís iri aweér, iri sihhiít gawaá tlaftá huunkír iiloo'.

WARA'AMI 68:9

Mungú, kuúng tluwoó yaariír nguna baraá yaamií hanís, yaamuuwók niwa slaaqatiyé' kuúng ina /uuruú /abén i hanís.

WARA'AMI 77:18

Kwarara/a i harweeririín, mankari yaamu gay tsaa'ás, yaamu nay daaraxaatiyé' nari diingitiyé'.

WARA'AMI 77:19

Irwaarók aa baraá tlawtár waaráhh, nee loohirók ina waaráhh ar baraá ma'aá yaariir, ala digiruuwók kwa ariiká.

TI'INAANGW 19:13

Heedaádá' tlooma gaa kwatiit mukuwa kwatiit nee hee, asma inós a gaasa ar tlaa/e, laqaá ar maheeri. Umuúqo gár tloomadá' gaa kwatit ta hee, laqaá ta makiito'o aqo gaasa. Ala qoomár tarumbeéta barka ufaáhh, muu sleémeero i tseewuy dír afaá tlooma.»

TI'INAANGW 19:17

Mose muu guri ateét baraá xafáy wa ale, guri geerahaár amór tlooma as nee Mungú tiwa doogiyá', sleémeero nari sihhiitiyé' afaá tlooma.

TI'INAANGW 20:18

Qoomár muu sleémeero kwarara/aadá' kawa axaás, nee mankaro kawa ár, nee afór tarumbeéta kawa axaás, nee quuidá' gawaá tloomár wa ti'imiit kawa ár, tari ló'wa da'ayuút sleémeero tari daraáx, tay amór saáw i sihhiít.

TI'INAANGW 24:17

Xirfuuduú AAKOÓ MUNGÚ a adór asltá gawaá ságw tloomár wa oh, slám ku geehhoó' dír múk Israeliwo.

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

TI'INAANGW 34:2

Kuúng ti amohhe'es, matlaatlér boo/e ni tseewa ti'ít, ni tsa/aán gawaá tloomár Sinai, ni dir'eéní hardát gawaá tsitsantá tlooma.

ISAYA 6:4

Afor'ín iihhafiirír doó Mungú gari diingís, nee do' iri haáts quuiro.

ISAYA 64:1

«Ahaá gár kuúng doori ngis feehhiská niri yaamií awét, as tlom'i niwa daaraxiya' kuúng bura ariyé'.

YEREMIA 4:24

Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

HABAKUKI 3:6

In sihhiit yaamu giri diingiis. Iri qaytsiit xoordu giri kwisltis. Tlom'iidaá alhhe'eesay wasl niri feehhamiitiyá', nee gongooamadá hotaatimá' niri sluk'umitiyá', lohduuwós awa alhhe'eesay wasl.

SEKARIA 14:5

Kuungá' a ta'aaindá' ar baraá xatstidár tla/eeraá tlom'aá tsár awa AAKOÓ MUNGÚ, a ta'aaindá' adór baabi'iihúng nira kunseelír wa ta'aainé' qoomár waawutmoó yaamaá Yuda tawa Usia, aluuwo AAKOÓ MUNGÚ, Munguúhúng niri hardah dinkwa nee mukós kudá' hhohhó'.

Matayo 24:7

Asma xooro i slaqwarár eér amór xoororqá'. Nee waawuti'iima i slaqwarár eér amór waawuti'iimár hatlá'. Slám giyeé ni tleér, nee yaamaá yaariire kunseeli ni ti'ít.

DABE 33:2

Ina oó', «AAKOÓ MUNGÚ amór tloomár Sinai ngina daáhh, tina amór tloomár Seirír wa harati'iít, tina amór tloomár Paranír wa i gwa/aát, nina baraá tla/ángw malaykér yaariír wa ti'iít, nee asla ina ót gawaá dakós oo doó /iyáy wa ale.

DABE 4:36

Afoorós ana axasé' gawaá doorí ale as kuungá' nuwa intsaahhatisi. Baraakaá yaamuwo kuungá' asltá ur kawa aanda' nee axweesantós dír tla/ángw asltadá' wa ale.

DABE 5:22

«Kaangwí an axweesanaydá' AAKOÓ MUNGÚ naa dír dinku'uumarhúng sleémeero wa axweés ar afór ur gawaá tloomár wa ale, baraá tla/ángw asltá wa ale, nee baraá huunki nee baraá ma/amír aa qipit, tam axweesantá aa doók i káhh. Axweesantí gari gooín gawaá tlaa/eedá' tsár awa parereehhayen ngiri dir'eéní haniís.

DABE 5:4

AAKOÓ MUNGÚ nee kuungá' ana dír tloomár wa axwesé' ar afe adór hee nee kuqá'. Inós kuungá' nuna i axweés baraá tla/ángw asltá wa ale.

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

Ebrania 12:18

Asma tloomár kuungá' taa i hardaté' a tidá' kwatiitaro ta aleeslayká dabaawo, a tloomár Sináirooká, tidár múk Israeli aa i hardáh aáng. Slám kuungá' asltadá' gawaadá' wa oh aga i hardati'iiká, laqaá tlaangídá' bo/ ar gawaadá' i dirii', nee ma/ami nee bambaao,

Ebrania 12:26

Qoomaadae afór Mungú yaamu gina diingís. Ala hamí al'axweesani ngaa oó', iwa kaahi «Yaamu in diingiís malé ale sagaáwa wake, ala a yaamu kiloseeká, tam doori sleeme.»

2 Petro 3:10

Ala deelór Aako i hardát adór fisusmoó ar alé. Baldá' doori ni ilaá wa qwaariyá' ar kududuhoó úr, nee tsatse/ asla gu ót nee iri weeq. Yaamu nee muruú baraawós i dirií' sleémeero niri qwaariyá'.

Geehhoeemaá 15:8

Doó Mungú iri haáts quuiro, tidá' amór xirfuú Mungú daahh nee amór aleesleemuuwós. Slám heé dahmuú baraá Doó Mungú gwa aleeslay i kaahh ay dír malaykeedá' faanqw muxtaadá' faanqw ngay hhe'es.

Geehhoeemaá 9:2

Tsatsee/irí bohongwdá' nguwa gwét, quui niri baraá bohongwdá' wa ti'ít adór quuír baraá bohóngw asltá ur. Tsee/amá nee doori kiri giwís nee quuír baraá bohongwdá' daahh.

HAR'OHUUSE 5:5

Tlom'i niri diingitiyé' dír geeraá AAKOÓ MUNGÚ wa ale, eeít, tloomár Sinai ina diingít geeraá AAKOÓ MUNGÚ, Munguú Israelír wa ale.