TI'INAANGW 19:17 - Biblía Axweesantá Hhohho' ar Mungú 2004

¹⁷ Mose muu guri ateét baraá xafáy wa ale, guri geerahaár amór tlooma as nee Mungú tiwa doogiyá', sleémeero nari sihhiitiyé' afaá tlooma.

TI'INAANGW 19:17 Iomraidhean Croise

TI'INAANGW 19:13

Heedaádá' tlooma gaa kwatiit mukuwa kwatiit nee hee, asma inós a gaasa ar tlaa/e, laqaá ar maheeri. Umuúqo gár tloomadá' gaa kwatit ta hee, laqaá ta makiito'o aqo gaasa. Ala qoomár tarumbeéta barka ufaáhh, muu sleémeero i tseewuy dír afaá tlooma.»

TI'INAANGW 19:16

Bál tám matlaatleero naxés gaa a kwarara/a nee mankaro, slám huunkír qo iloo' i gawaá tlooma, afór tarumbeéta i ló'wa tseeamiín. Muu sleémeero baraá xafaywo iri ló'wa da'ayuút.

TI'INAANGW 19:18

AAKOÓ MUNGÚ ina aweér gawaá tloomár Sinai ar baraá asla, tloomadá' iri qaba'át quuiro adór quuír asltá gufteeri ar taa slaáx ló'wa ale, tloomadá' sleémeero iri ló'wa diingít.

TLAHHOÓ LAÁWI 9:5

Xoorór Israeli muruuwí sleémeero kuri huúw dír geeraá heémár Mungú, adoodá' Mose ngira hara'ayín. Xooro sleémeero iri tseewuúr, iri sihhít dír geeraá AAKOÓ MUNGÚ.

Tlehhema'aá ya/Abuuse 7:38

Qoomár muu iwa burumburiít baraá xaanxaywo, Mose ina sihhiít tla/ángw bariiseerén nee malaykamo, kudá' aa axwees nee inós gawaá tloomár Sinaír wa ale. Inós axweesanoó slafiingw nguna ilaaóh, as nguwa atén i haniisi.

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

DABE 4:11

«Naagáy, qoomaadae nina tsewuuré', tari sihhité' dír gamuú tloomaadá' asla iwa gáwtí tsa/aán ay doori, ar taa tuuntuúk nee giwti nee huunkoó bó/.

DABE 5:5

Qoomaadae aníng ana sihhiít tla/ángw kuungá' nee AAKOÓ MUNGÚ, nee tidá' inós naa káh, aníng ngiri dirhúng i ilaahanmiís, asma kuungá' asltadá' ana da'ayuté', nee aga gawaá tloomadá' i tsa/aandi'iiká. «AAKOÓ MUNGÚ ina oó',