TI'INAANGW 19:14 - Biblía Axweesantá Hhohho' ar Mungú 2004

¹⁴ Naagáy Mose iri gawaá tloomár wa aweér, muu guri hhoohhooeés, tlabaaín ngiri hhuuntsiyé'.

TI'INAANGW 19:14 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

1 QOM'I 15:12

Daudi inooín giri báy, «Kuungá' a múk urén dír afér maraá hhay Laáwiwo, ti hheehhe'ese' kuungá' nee hhaeehunge, as kahhó' sandakmoó alqadór AAKOÓ MUNGÚ, Munguú Israeli, nguwa huba' amór kitangwdá' aníng naa amohhe'eés inós wa alé.

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:13

Heedaádá' tlooma gaa kwatiit mukuwa kwatiit nee hee, asma inós a gaasa ar tlaa/e, laqaá ar maheeri. Umuúqo gár tloomadá' gaa kwatit ta hee, laqaá ta makiito'o aqo gaasa. Ala qoomár tarumbeéta barka ufaáhh, muu sleémeero i tseewuy dír afaá tlooma.»

TI'INAANGW 19:15

Mose muu guri báy, «Ti amohhe'eese' as balooqa, hhaawata miwa amór /ameenír káy.»

FAARO 31:23

Muruudá' sleémeero asla i /akká hhohhoeesaak ar asla, daqaní aa hhoohhooúy. Tam adoorihe muruudá' a hheehhe'eesa ar ma'aydaá hheehhe'eemis. Mura' sleémeero kudá' baraá asltií qaasa ga ya/aamaaká, ku hheehhe'eesi ar ma'aydaá hheehhe'eemis.

1 SAMUELI 21:5

Daudi iri oó', «Ar ló' hariimaro bar tláw baraá muruú slahhaá' tlehhmuuwo, aqo tin paraatlaán nee /ameena! Adoorí an adór slaqwaá masoombar'eé' kir hhohhoeemisi bar baraá gadiyeduurén kudaá /iisí diriaán. Xáy i ak hariíndaáke bar baraá gadiyeérí slahhaá' í diriiaán?»