TI'INAANGW 19:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:10 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

2 SAMUELI 19:24

Mefibosheti, garmoó nángw Saulo, ina daqáy baraá al'awér waawutmo Daudi. Iimír baalaadá' iwa Yerusalemúr wa tláy, ngar wa kií/ ar saxareema, iimidae Mefibosheti ya'aawós gaa baloó hamaatliiká, tam daamoórós gaa deeqwiiká, nee inqwaruwós gwa gaárií xuiiká hhuntsaro.

2 QOM'I 29:34

Kaahamuusér Mungú muruudá' daqarooro gway harslaaqát, asma inooín ki ureeká. Gawaá adoorihe, hhaeeín kudaá tlahhoó Laáwi daqarooro ngay alee/iisiyé' kari hhe'eés. Qoomaarihe kaahamuusér Mungú ar yaariir taa hhoohhooés (Asma múk Laáwi oo taa hhoohhooees ku úr ta kaahamuuseero).

2 QOM'I 29:5

giri báy, «Aníng iiárií qaasaré' kuungaákaá tlahhoó Laáwi, ti kiloohúng hhoohhooeese', nee Doó AAKOÓ MUNGÚ, Munguú baabi'iihúng, ku hhoohhooeesá'. Xwaansláy sleémeero oo didá' hhoohhoó' i dirií' tsee/áy kwahhaak.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

TLAHHOÓ LAÁWI 11:25

Bar hee fu'unaá tuua gaa baraaka ar tláy, inós kwaa meetagaás ay tsiindo, tlabaawós gár kiwa hariím a kin hhuunts.

TLAHHOÓ LAÁWI 15:5

Umuúqo heé qatanír heewí gaa qoo kwatiiti harihhoóarós a tlabaawós gin hhuunts, nee slaqwtós gari ma'ár hamaatl, nee inós i baraá meeta ay tsiindo.

FAARO 11:18

Nee muu ku beer, ti kiloohúng hheehhe'eese' as matlo, nee fu'unaay i /agá'. Asma kuungá' AAKOÓ MUNGÚ una /aa/amiindé' tawa katé', ‹Ís hee hamí adór fu'unaay ngir slay! Atén tawa baraá yaamaá Misrír diriaan ti slaqo hhó'.› Ala hamí daxta AAKOÓ MUNGÚ fu'unaay ngi sláy, kuungá' kiri /agá'.

FAARO 19:19

Bál tám nee bál faanqw, heé daba' hhohhó', heedaádá' baraá meetá i dirií' ngu ma'aydaá hheehhe'eesárí hikiisi, heedaádá' ngu hheehhe'eesi, heedaádá' baraá meetá i dirií', inós tlabaawós ngi hhuntsi nee i hamtlin, nee tsiindoowo meetaawós naa faakiyé'.

FAARO 31:23

Muruudá' sleémeero asla i /akká hhohhoeesaak ar asla, daqaní aa hhoohhooúy. Tam adoorihe muruudá' a hheehhe'eesa ar ma'aydaá hheehhe'eemis. Mura' sleémeero kudá' baraá asltií qaasa ga ya/aamaaká, ku hheehhe'eesi ar ma'aydaá hheehhe'eemis.

FAARO 31:24

Bál faanqwe tlabaahúng in hhuntsá', daqaní kuungá' aga hhoohhouuré', daqaní ta datá' baraá xafi.»

FAARO 8:21

Múk Laáwi tlakweemaaín ngiri hheehhe'eesiyé' nee tlabaaín ngina hhuntsiyé', inooín Aroni giri haniís tawa ilahhooár ta haniisi dír geeraá AAKOÓ MUNGÚ. Sleeme Aroni haraki/isa gari tleéhh as inooín ngiwa hheehhe'eesi.

FAARO 8:7

Adoorí an adór kir hheehhe'es: Ma'aá kir hheehhe'es ti tsipipi'is, nee slaqooín ngi deeqwiye' ar deeqwa, nee tlabaaín ngi hhuuntsiye' ti adoorír hheehhe'eesiye'.

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

YOSHUA 3:5

Yoshua muu guri báy, «Gimsé' ti kiloohúng hhoohhoese', asma matlo AAKOÓ MUNGÚ muruú waa/oo/amo gu tleehh baraá tla/angwhúng wa ale.»

YOSHUA 7:13

Sihhiít, muu hheehhe'eeseek nee ti amohhe'eesiye', matlo tindiwa dír geeraaeé' hardihi. Asma aníng AAKOÓ MUNGÚ, Munguú Israeli, muu gár ngu baw i deer. Asma xosluudá' aníng niwa oó', qororo'oosaak, i baraá tla/angwhúng i dirii'iyá'. Gawaá adoorihe kuungá' sihhtanór geeraá wakuuserhúng a aleesleera'aaká ay dír xosluudá' ki qororo'osa' baraá tla/angwhunge.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.

1 SAMUELI 16:5

Samueli iri oó', «Eeít, gár tlaakw i káhh. Nina hardáh as AAKOÓ MUNGÚ nguwa ilahhooárií gaas. Gimsé' ti hhohhoeese', daqaní ilahhooár gár ta gaasaan a dinkwár wa haniisaán.» Samueli Yese guri hhohhoeés nee daaqaywose, giri dahi'ís baraá dinku'uumár ilahhooár muruú ta tsu/i.