TI'INAANGW 19:1 - Biblía Axweesantá Hhohho' ar Mungú 2004

¹ Slahhángw tám iwa iimu/ún iimír xoorór Israeli iwa ti'ít baraá yaamaá Misriír wa ale, tana hardáh baraá xaanxoó Sinai.

TI'INAANGW 19:1 Iomraidhean Croise

TI'INAANGW 12:2

«Slahhaangwí daqaní a slahhángw geera baraá slahheeraá kurko dirhunge.

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 12:6

Deelmoosíng un amohhe'eemamisá' ay bál slahhaangwí bar mibaá nee tsiyáhh. Baalaasinge xooro sleémeero ar Israeli deeláysíng gun tsú/ tsiindoowo.

TI'INAANGW 16:1

Xoorór Israeli sleémeero iri kumít aaii'ine, niri Elimúr wa tlayé' tay hardáh xaanxoó ta bay Sini. Diirí a tla/ángw tloomár Sinai nee Elimu, ay diirí slahhángw wák ngwaa faakiyé' iimír inooín niwa baraá yaamaá Misrír wa ti'iitiyé'.

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

TI'INAANGW 40:2

«Slahhángw geera bál bar wak heémár Mungú ka kikí'.

ESEKIELI 20:10

«Naagáy aníng ina duúx baraá yaamaá Misrír wa alé ngiri huúw baraá xaanxaay.

FAARO 1:1

Bál slahhángw tsár tawa wak oo kurkú tsár iimír múk Israeli tindiwa baraá yaamaá Misri wa ti'iít, AAKOÓ MUNGÚ ina axweés dír Mose baraá heémadár Mungú wa ale, baraá xaanxoó Sinai, iwa kaahi,

FAARO 10:12

nee múk Israeli loohaay guri iimu/ún amór xaanxoó Sinai wa ale. Huunkidá' iri sihhít baraá xaanxoó Parani.

FAARO 3:14

Aluuwo AAKOÓ MUNGÚ Mose guna i axweés qoomár iwa baraá xaanxoó Sinaír i dirii'i, iwa kaahi,

FAARO 33:15

Tari Refidimúr wa tláy ay xaanxoó Sinai, xafay'ín kuri didií tleéhh.

DABE 1:6

«Qoomár tawa dír tloomár Sinaír i diriaan, AAKOÓ MUNGÚ, Munguúrén, atén tina báy, ‹Qoomár bu'uut aga hoté' bihhaá tloomarihe.

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

DABE 4:15

«Gawaá adoorihe, ti harmagahhe', ma gunqarutara' baldá' AAKOÓ MUNGÚ iwa axweés nee kuungá' didár tloomár Horebúr wa ale baraá tla/ángw asla, kuungá' ugwa aandi'iiká adór i dirii'i. Gawaá adoorihe ti ló'wa harmagahhe'.

DABE 5:2

AAKOÓ MUNGÚ, Munguúrén alqado gana tleéhh nee atén dír tloomár Horebú wá ale.