TI'INAANGW 18:7 - Biblía Axweesantá Hhohho' ar Mungú 2004

⁷ Mose iri tláy as ngiwa al'ay. Tiwa doogiyé', iri tumbarara'aát dír geeraá taatoó hareerós, guri ma'aás. Saayú nguwa hhe'eesiyé' hayooharo, tari dáh baraá heéma.

TI'INAANGW 18:7 Iomraidhean Croise

IIMU/UUNGW 14:17

Abramu Kedorlaomeri nguwa baál nee waawitaádá' nee inós ti alkoomá', waawutmoó Sodoma nina tláy as Abramu nguwa al'ay amór xatstá Shafe, nee an xatstá ta bay xatstá Waawutmo.

IIMU/UUNGW 18:2

Iri qaytsiít, ga/aaweek, múk tám aa sihhiít dír geeraawós. Abrahamu ngiwa ár, iri ta'aaín iimír afkú heémarós wa alé as ngiwa al'ay, iri tumbarara'aát.

IIMU/UUNGW 19:1

Naagáy malaykeedá' tsár iri hardát ay Sodoma tsiindoowo, nee Loti aa iwiít afkú gixsár Sodomár i alé. Loti malaykeedá' gari ár. Ngiwa ár iri tláy as ngiwa ilaoohi, iri tumbarara'aát dír geeraaín i ale.

IIMU/UUNGW 29:13

Labani kángw Yakobo oohho'oówós nguwa axaás, ina ta'aaín nguwa al'ay. Guri slaqwtósí óh, guri ma'aás, guri do'ós i dahi'ís. Yakobo kangwdá' sleémeero aa tleehharuut guri alki/iít.

IIMU/UUNGW 31:28

Baré pa/aangw ngwaa hanisiiká oo dasuueé' nee na/aá dasuueé' ngiwa deeloórí oo'? Adoorí aga daktu'umár tléhh!

IIMU/UUNGW 43:26

Yosefu iwa hardáh dír do', qeemuudá' kway amoorós huúw, kudá' taa dabaaín ar kon, kuri baraadií huúw amór Yosefu, kuri i tumbarara'aát.

IIMU/UUNGW 45:15

Yosefu iwa baraá /aa/eé kahhi, hhaeewós giri ma'amiís, nee hhaeewós tari axweemaamiís.

IIMU/UUNGW 46:29

Yosefu gaárirós gari tlabií hhaáf, ina tsa/án iwa baabuúín al'ay Gosheni. Iwa hardáh dír baabuúwose, guri hara/akuút, guri isa almarmariít, iri /aa/amín afi qoomár hhaawaakahe.

2 SAMUELI 11:7

Uria iwa hardáh amoorós, Daudi guri yaahaás saayuú Yoabuwo, nee oo muu sleémeero, nee adór slaqwara i diri'.

1 WAAWITÁ 2:19

Naagáy Bat-sheba iri dát amór waawutmo Solomon as tawa axweesi daanduú Adoniawo. Waawutmo iri sihhiít nee inós tiri doogiyé', iri dír geeraawós i tumbarara'aát, aluuwo iri kií/ gawaá kitaangós kuduú waawuti'iima, iri oó', «Aayír waawutmo kitaángwí haniisaak.» Bat-sheba iri iwít dákw doó /iyáy oo waawutmo.

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

TI'INAANGW 18:6

Mose kuna kángw báy adór taatoó hareerós nee hareerose nee daaqaywós tsaraawo nir amoorós kayá'.

TI'INAANGW 33:7

Mose alhotaariro heémaadá' hhoohhoo' gana kikií' amorqá' saáw i ale dír xafaywo. Umuú heémaadá' guri báy a Heémár Mungú. Nee umuúqo heewo oo axweesantá koóm nee AAKOÓ MUNGÚ in amoodá' i hardah, didá' saaw dír xafaywo.

TI'INAANGW 4:27

AAKOÓ MUNGÚ Aroni guri báy, «Tláw baraá xaanxaay nee Mose ti doge'.» Aroni iri tláy, tiri doogiyé' baraá tloomár Mungú, guri ma'aás.

FAARO 22:36

Balaki kaangwí nguwa axaás adór Bala'amu nir hi'iít, iri tláy nguwa al'ay amór gixsár Ari, gixsár tseew afaá yaaér Arnoni, tidár digima nee yaamaá Moabu.

Luka 7:45

Án kuúng iga ma'asiká, ala /ameenirí iimír án niwa dáh, ya'aaeé' gina ló'wa ma'amaamís.

Tlehhema'aá ya/Abuuse 20:37

Sleémeero tari ló'wa /aa/amín, Paulo kuri slaqooín i ohín kuri ma'amiís.

Tlehhema'aá ya/Abuuse 28:15

Amoodae hhae kangwrén nguna axaasiyé', atén tiri al'ayé' dirka mura' kuwa weerimaamisi ar ta bay Apio, nee dirka ta bay «Maraá tám awa /ayma.» Paulo hhae ngiwa ár, Mungú guri sluufiís, iri gurkwaá/.

HAR'OHUUSE 11:34

Qoomár Yefta iwa waátl baraá slaqwararo amór do'ós baraá Mispárí ale, dasiirós guna al'eér ar neeto nee daa'aangw, i hara mitingaroó tsingili'imís. Dasiirí aayorose a wak, na/oó hatlá' i kaahh. Yefta na/oó hatlá' oo garma laqaá oo dasi gu konká.

1 SAMUELI 17:18

Nee geeraharusmooduú slaqwaruusér múk kumuú wák di/tá /awak ti hup. Hhaeewók ngi aán adór i diri'iya', áx ki amohhoóe, kangwsíng daqaní ngu ar kí/ amor'eé'.»

1 SAMUELI 17:22

Daudi muruudaá huúw guna adaá saayín dír heedaádá' xooslár xuúm, iri adaá ta'aa'ín amór slawtá múk Israeli, hhaeewós giri taaqweés.