TI'INAANGW 18:21 - Biblía Axweesantá Hhohho' ar Mungú 2004

²¹ Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 18:21 Iomraidhean Croise

IIMU/UUNGW 22:12

Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

IIMU/UUNGW 42:18

Bál tame Yosefu giri báy, «Asma án Mungú nguwa haratlintaatii', adoorí tleehhaak as tawa hota'.

IIMU/UUNGW 47:6

Ala yaamaá Misri i geeraawók, nee yaamuudá' ganaa'á' baabuúwók ti laqaan, inooín ta baraá yaamaá Goshenír wa hooti. Tla/angw'ine múk de'éngw xuú' bir deer, bur xú', qaaseek tawa múk hikwaaeé' gi sageesihhmiít.»

2 SAMUELI 18:1

Daudi múk nee inós ti alkoomá' guri faár, guri qasmiís baraá daqooráy. Umuúqo múk kumuwo guri geeraharusmooínií qaás, nee umuúqo múk tsiiruwo guri geeraharusmooíní qaás.

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

1 WAAWITÁ 18:3

Ahabu Obadia guri ateét, kuduú sagesihhitusmoó doó waawutmo. (Obadia a heé AAKOÓ MUNGÚ gu ló'wa ilaiwawaá/.

ESRA 7:25

«Nee kuúng, Esra, ar adór sagalooár Munguúwók i diria gawaá dabaawoge kwasleemuuse nee har'ohuuse qaaseek, as muu sleémeero kuduú ayeemaá gayuú /uwa yaaér Eufratero nguwa har'ohina'. Inooín masók a múk dabér Munguúwók ga xuú', kuúng na intsaahhatiseek.

NEHEMIA 5:9

Aluuwo ngiri báw, «Adoosíng ta tlehhita' i qoondaaká, xáy i harindaakáhe kuungá' Munguúrén kuwa ilaiwa/a' as xoordaá hatlá' kudaá wakuuseerén kiwa ilaa/i mitiwa niqimís.

NEHEMIA 7:2

aníng hhiyaeé' Hanani nguri ga/aawusmoó Yerusalemúr wa qaás nee Hanania tiwa alee/iimisiya', asma inós ku ló'wa inkihhím, nee a heé Munguú ilaiwawaá/ ta múk hatlae.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 29:16

Aníng ana baabuú narkutmo tleehhiít, nee hariímár heé ni xu'aaká ana alqaytsiít.

YOBU 31:13

Barnaxes kwasleemár lawaalmoó dooeé' aga waaqaá', laqaá tam ar lawalo'ór dooeé' sleeme, qoomár niwa dir'eéní qununu/iya',

WARA'AMI 15:1

AAKOÓ MUNGÚ, heé hotángw dír do'ók gu aleesláw a heemá? Nee hotángw gawaá tloomarók tidá' hhoohhoo' heé gu aleesláw a heemá?

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

TI'INAANGW 17:9

Mose Yoshua guri báy, «Tláw, hhawaate tsawaareek, ta slaqwarár eerá' amór xoorór Amaleki. Aníng matlo a tsa/ám gawaá ságw tlooma, nee hhartadár Mungú dakw'eene a koóm.»

TI'INAANGW 18:25

Mose múk aleesleemú koóm baraá tla/ángw xoorór Israeliro guri tsawaár giri geeraharuusér wa qaás, barakarka a geeraharuusér múk kumuú wák gu geeraharahaar, tooka geeraharuusér múk tsiiru gu geeraharahaar, tooka geeraharuusér múk mibeeraá kooán gu geeraharahaar, tiqá' a geeraharuusér múk mibaangw.

AXWEESANOÓ SAGALOOA 28:2

Xoorór gilaaliim waawitaawós ku yaariír. Ala as heé wák oo xu'utír koóm, nee oo muruú tsaatsahhaám, yaamu nin amohhoouyá'.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

ISAYA 16:5

Baraá doó Daudiwo heé sla'aari warqawaaká iri waawuti'ín, muu guri geerahaar ar inkihhimu. Inós kwasleemadu gin tleehh ar loohír ganaa', ku ló'wa inslaáhh gana'amu nguwa tleehhi.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

YEREMIA 5:1

Axáy baraá lohdaá Yerusalemu wa hi'iimitaak, xuuxuaak nee ka gooiindá'. Didá' boo/oó muu i dirii'i iwa xuuxu'uumaak, axáy heé gan'amúr hoót u sleerá'a, nee oo looeemaá leelehhiít. Bura sleeré', daqaní aníng múk Yerusalemu u gurtláw.

ESEKIELI 18:8

nee gaa birnga heéwí haniís aldaafi ga leelehhitiiká, tam slaasláwár ur ga leelehhitiiká, barnaxes dakós gwa ilaá/ dír gár tlaakwe, sakwasleema aqo gan tsaat ar gan'amu dír heé iinuús nee oo ta iinuusi,

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

SEKARIA 7:9

«Aáng muk'eé' una hara'ayaarí báw, ‹Áx sakwasleemár ganaa' tleehhaak nee hhooeemaawo, umuú heewo hhiyaawós ngu gurtlatlay.

SEKARIA 8:16

Adoorí na tleehhaak: Umuú heewo nee inslaawmoowós looeema ki axweesi, kwasleemadaá looeema na tleehhaak awa wayda ngu huwá' baraá marayhunge.

FAARO 1:16

Mukwí an geeraharuuseedá' taa tsawaár dír tla/ángw múk Israeli sleémeero. Inooín an adór geeraharuusér uren baraá tlahh'ii'ine nee baraá gur'ér maraá baabi'ii'ine.

FAARO 1:4

Nee hhawaatuú wák baraá umuúqo tlahhaywo masók a dinkwa nee kuungá', kuduú geeraharusmo baraá guruú doó baabuúwose.

FAARO 10:4

Ala tarumbeétár wák kilós barka ufaáhh, geeraharuusér tlahh'aá Israeli ni hardát dirók i ale.

Luka 18:2

Iri oó', «Har'ohusmooko baraá gixsarkaaro i deer. Inós i Mungú ilaiwa/aa/atiiká, slám inós muu gu gaárí xuiiká.

Luka 18:4

Nee har'ohusmoodá' iri ala sií', aluuwo iri baraá muunaáwósí oó', ‹Aníng a Mungú ilaiwa/aa/ataaká, slám muu u gaárí xuaaká.

Tlehhema'aá ya/Abuuse 20:33

Aníng peésár hee aga baloó slaiiká, laqaá sahaábu, laqaá tam inqwaruuwós.

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhooár i xua', nee oo taa hatsiís Qeeruú hhoohhoó' oo Munguhe nee sagalooa, as kiwa qaasaan baraá gadiyeérí.

DABE 22:18

Bariisér gixsadá' hhawaatudá' guri ót, guri múx.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

YOSHUA 22:14

Tari alkoné' nee geeraharuusér mibaangw ar tlahh'aá xoorór Israeli. Umuúqo heewo a heé úr baraá tlahhaywose.

1 SAMUELI 8:12

Inós bartaka gari qaas daanduuwós wa ale tawa geeraharuusér slaqwaruusér múk kume, nee tawa geeraharuusér slaqwaruusér múk mibeeri kooán, nee barakarka gan qaas qaymoorós ngiwa doosliya', nee balaangós nguwa bu'una' nee xoslaá slaqwara ngiwa tlehhiitiya', nee xooslaá gaarduuwose.

1 SAMUELI 8:3

Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.