TI'INAANGW 18:19 - Biblía Axweesantá Hhohho' ar Mungú 2004

¹⁹ Gím daxtá, hara'ayar'eé' iiárií qaaseek, Mungú masók a dinkwa nee kuúng. Kuúng gadiyeérók a an sihhít dír geeraá Mungú as daanduú mukwí, nee axweesanoó gawdén un amoorós i huwaahúp.

TI'INAANGW 18:19 Iomraidhean Croise

IIMU/UUNGW 39:2

Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

2 SAMUELI 14:17

Anír sagadiyuso'oorók ana baraá muunaáeé' oó', ‹Axweesantá aakooeé' waawutmo in waydií hanís baraá muunaáeene.› Asma kuúng aakooeé' waawutámo, kuúng a adór malaykamoó Mungú baraá tsaahhár muruú hhó' nee oo tlakwe. AAKOÓ MUNGÚ, Munguúwók, masók a dinkwa nee kuúng.»

TI'INAANGW 18:15

Mose taatoó hareerós guri báy, «Mukwí nina dir'eéní hardáh as sla'aarír Mungú ngiwa yaahamiisi.

TI'INAANGW 18:20

Nee inooín in intsaahhatimís kaahír Munguhe, nee adoodá' i slai, nee in xu'utís adoodá' kiwa hariím hotaawo nee tlehhtuuwo.

TI'INAANGW 18:24

Naagáy Mose axweesantá taatoó harerós gaa waa/akutiiká, ala adoodá' ngwa báy sleémeero gari tleéhh.

TI'INAANGW 20:19

Mose nguri bayé', «Kuúng amoorén nay axweesang, atén kuúng u iiárií qaasaán, ala Mungú mindiwa amoorén i axweés, as atén mawa qatlaán.»

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

TI'INAANGW 4:12

Daxta tláw, aníng kuúng u alee/iís gár ta oa, nee aníng gár kuúng ta o' ngi oó'.»

TI'INAANGW 4:16

Aroni múk Israeli gun daanduuwók wa i axwees, inós an adór afkók, nee kuúng an adór Mungú dirose.

AXWEESANOÓ SAGALOOA 9:9

Heé sagaloó' intsaahhatiseek, daqaní sagalooarós i kumít, Heé ganaá' intsaahhatiseek, daqaní tsaahharós i doogiín.

FAARO 27:5

Naagáy Mose kangw'ín kwí guri huúw dír geeraá AAKOÓ MUNGÚ.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

DABE 5:5

Qoomaadae aníng ana sihhiít tla/ángw kuungá' nee AAKOÓ MUNGÚ, nee tidá' inós naa káh, aníng ngiri dirhúng i ilaahanmiís, asma kuungá' asltadá' ana da'ayuté', nee aga gawaá tloomadá' i tsa/aandi'iiká. «AAKOÓ MUNGÚ ina oó',

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»