TI'INAANGW 18:12 - Biblía Axweesantá Hhohho' ar Mungú 2004

¹² Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

TI'INAANGW 18:12 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 26:25

Gawaá adoorihe Isaka kitángw ilahhooa guri amoodií tleéhh, AAKOÓ MUNGÚ guri xirfayeemiís. Heémarós gari amoodií kikií', nee sagadiyuuseerós hhalaangw guri fól.

IIMU/UUNGW 26:30

Naagáy Isaka giri muruú /aymár i tleéhh, inooín tari al/ayín, tari wahán.

IIMU/UUNGW 31:54

Aluuwo Yakobo makiito'o gari gaás, gari ilahhooár wa haniís dír Mungú gawaadá' tloomár wa alé. Hhaeewós giri ateét tawa /ayin. Alaá /aymaaro tawa hhe'eés, tari deél gawaá tlooma.

IIMU/UUNGW 4:4

Abeli deelmoó geera oo makaydá' i deaaen guri gaás, wa/amedá' wahhaar gari ilahhooár wa haniís dír AAKOÓ MUNGÚ. Aakoó Mungú kuna qwal/atís nee Abeli nee ilahhooarós tidae.

IIMU/UUNGW 43:25

Qeemuudá' ta dír Yosefu haniisi kuri amohhe'eés, asma kaa axaás nee Yosefu tawa al/ayin tlaatla/aango.

IIMU/UUNGW 8:20

Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

2 SAMUELI 9:7

Daudi guri báy, «Ma da'ayumiitaar. Aníng kuúng u hhoeemií tleéhh, as Yonatan baabuúwók. Yaamuudá' sleémeero awa aakoowók Saulo ngi amoorogí ki/ís. Aníng nee kuúng an dinkwár wa al/ayimaán daqisleém.»

2 QOM'I 30:22

Waawutmo Hesekia múk tlahhoó Laáwi guri xirfayeés gay muunuú i qaás asma sluufmisuudá' nguna geerahariyé' ar sagalooár ur. Alaá deelo faanqw iwa waaráhh, nee muu /aymaro tawa hhe'eés, ilahhooár wayda ar muruú ta tsu/i nguri haniisiyé', AAKOÓ MUNGÚ, Munguú baabi'ii'ín, ngway sluufmiisiyé'.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

YOBU 42:11

Aluuwo Yobu hhaeewós awa daaqaay nee awa dasuuwo, nguri i daqayé' nee mulqeerose. Mukdá' aáng Yobu gu xuú' tari amór do'ós i daqáy, tari al/ayín, nguri gurkwa/amisiyé' as slahh'amudá' yaariír aa sláy oo AAKOÓ MUNGÚ aa dirós i huúw. Umuú heewo muqslidár peésa gana haniís nee mungoó wák oo sahaábuwo.

YOBU 42:8

Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

TI'INAANGW 18:13

Looaytleérós Mose iri dír tlahháy iwiít as kwasleemadaá muu i kon ngiwa tleehhi, naxés Mose kuna harweér nee muu iimír matlaatlér wa ale ay tsiindo.

TI'INAANGW 2:16

dasuú faanqw oo kaahamusmooko baraá yaamaá Midiani nina hardáh as ma'aá bee/ángw baabuú'ín nee aaraawo ngiwa iihheekiya'.

TI'INAANGW 2:20

Baabuúín giri yaahaás, «Heésíng i amá? Baré heesíng ugwa amoosíng i geexeeré'? Ateetare' i /ayin.»

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

TI'INAANGW 24:11

Ala geeraharuuseedár Israeli Mungú gár nga /iís i káhh, inooín Mungú nguri ariyé', niri /ayiné', nee niri wahané'.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

TI'INAANGW 33:7

Mose alhotaariro heémaadá' hhoohhoo' gana kikií' amorqá' saáw i ale dír xafaywo. Umuú heémaadá' guri báy a Heémár Mungú. Nee umuúqo heewo oo axweesantá koóm nee AAKOÓ MUNGÚ in amoodá' i hardah, didá' saaw dír xafaywo.

DANIELI 10:3

Muruú /aymár hhó' ugwa /ayiiká, fu'unaay laqaá difaái iga kwatitiiká nee sleeme di/i aga slikiiká har afiqoomár wiikidaá tame.

FAARO 10:29

Mose kumbu'uuwós, kudá' ta bay Hobabu garmoó taatoó hareerós Reueli, heé Midianír daáhh guna báy, «Atén a aa'aá kawaán amoodá' AAKOÓ MUNGÚ atén tiwa báy, ‹Yaamuudá' ngi kuungá' i haniís.› Gimáy góh ti alkoomaán, atén kuúng u adór hhoó' i tleehhaán, asma AAKOÓ MUNGÚ diihhooa gaa al'axweés dír múk Israeli.»

Luka 14:1

Looarka wake Yesu ina /aymár áy dír doó heeko úr oo múk Farisayo, baalaadá' a deelór Sabaáto. Muu gu hara gigidín.

Luka 14:15

Heeko wák aa dír muruú /aymárí iwiit, adoodá' ngiwa axaás, Yésú guri báy, «Heé amohhoó' a kudá' iwiít dír muruú /ayma baraá waawuti'iimár Munguhe.»

1 Korinto 10:18

Múk Yahudi ga/aawaak. Mukdá' fu'unaá taa ilahhooár wa haniís gi /aáy, inooín ta dinku'uumísiíke nee kitangwduú ilahhooa?

1 Korinto 10:21

I ya/aandaaká kuungá' xooslmoó Aako kuwa ar wahaanda', nee xooslmoó neetlaame sleeme kuri malé ar wahaandá'. I ya/aandaaká kuungá' tawa dinku'uumisa' dír meésár Aakoowo, nee tari malé dinku'uumisá' dír meésár neetlaame sleeme.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 27:7

Inós ilahhooár muruú ta tsu/i ti hanise', nee ka didá' wa /agá', nee ta qwalala/á' dír geeraá AAKOÓ MUNGÚ, Munguúhúng wa ale.