TI'INAANGW 18:1 - Biblía Axweesantá Hhohho' ar Mungú 2004

¹ Kaahamusmoó yaamaá Midiani oo ta bay Yetro, inós a taatoó harér Mose, kángw muruudá' Mungú aa tlehhaahhiít dír Mose nee xoorór Israeli, nee adór kingira duúx baraá Misrír wa ale, ngiwa axaás,

TI'INAANGW 18:1 Iomraidhean Croise

WARA'AMI 105:43

Mukós guri duúx ar bara/, mukós oo aa tsawaár guri duúx ar daa'ángw qwala/.

WARA'AMI 105:5

Inslawaagáy tlehhmi'iidá' waa/oo/amo inós aa tleéhh, waa/oo/amoorós nee kwasleemadá' aa tlaáq,

WARA'AMI 106:2

Muruudá' urén sleémeero oo AAKOÓ MUNGÚ aa tleéhh heé uingo gu aleesláw a heemá? Heé xirfuuwós alki/ituuwo gu aleesláw a heemá.

WARA'AMI 34:2

Muunaáeé' AAKOÓ MUNGÚ gu xirfayeemiis, múk slahhahhaá' tí ka axaasi, nee ta qwalaala/i.

WARA'AMI 44:1

Aá Mungú, atén kuúng ugwa axaasaán iiaarene. Bariiseerén ar qaro, muruú kuúng taa tlehhít qarti'ine ngwa diréní alki/iitiyé', tlehhmi'iidaá iimír bál qaro.

WARA'AMI 78:4

kaangwí u duquumanaaká dír na/iirene, tam qartaá aluú wa xaw ka kaangwí bawaán, xirfuú AAKOÓ MUNGÚ nee /uuruuwós, nee muruuduú waa/oo/amo oo aa tleéhh.

TI'INAANGW 2:16

dasuú faanqw oo kaahamusmooko baraá yaamaá Midiani nina hardáh as ma'aá bee/ángw baabuú'ín nee aaraawo ngiwa iihheekiya'.

TI'INAANGW 2:18

Qoomár inooín niwa watliyé' baabuuín Reueli giri báy, «Ahaá laarí baré naa muutlité'?»

TI'INAANGW 2:21

Mose iri ya/án iwa hooti doó heedaádá' wa ale. Heedaádá' guri dasiirós tidá' ta bay Sipora i haniís, ngiwa duuxi.

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

TI'INAANGW 4:18

Mose iri kií/ amór Yetro taatoó hareerós, guri báy, «Na'ás aníng geemawáng niwa amór hhaee'eé' kaw baraá Misri, ngiwa artá aw, áx i slafiía ay laarí.» Yetro Mose guri báy, «Tláw ar wayda.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

FAARO 10:29

Mose kumbu'uuwós, kudá' ta bay Hobabu garmoó taatoó hareerós Reueli, heé Midianír daáhh guna báy, «Atén a aa'aá kawaán amoodá' AAKOÓ MUNGÚ atén tiwa báy, ‹Yaamuudá' ngi kuungá' i haniís.› Gimáy góh ti alkoomaán, atén kuúng u adór hhoó' i tleehhaán, asma AAKOÓ MUNGÚ diihhooa gaa al'axweés dír múk Israeli.»

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Tlehhema'aá ya/Abuuse 15:12

Múk baraá dinkwadá' sleémeero iri xasliít, Barnaba nee Paulo kiri iiárií qamín. Inooín kángw layu nee muruú waa/oo/amo kuri alki/iít, kudá' Mungú aa tleéhh ar inooín tla/ángw xoordaá hatlá' wa ale.

Rumi 15:18

Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhmi'i,

YOSHUA 2:10

Asma aga axaasaán adoodá' AAKOÓ MUNGÚ tlawtá Shamu ngira kahaás geerahúng wa alé, qoomaadá' niwa baraá yaamaá Misrír wá ti'ité'. Slám atén aga malé axaasaán adoodá' kuungá' Sihoni nee Ogu kira tsu/é', waawituú tsár oo múk Amori kuduú gayuú da/aáw yaaér Yordaniro.

YOSHUA 9:9

Inooín nay ooiyé', «Atén amór ta dahhaan a amór yaamaá saawá', asma atén aga axasaán daanduú AAKOÓ MUNGÚ, Munguúhunge, tidá' inós aa tleéhh dír múk yaamaá Misri,

HAR'OHUUSE 1:16

Xwaylár Keni, taatoó harér Mose, nina gáwtí tsa/ané' iimír baraá gixsadár slaansla, dinkwa nee múk Yuda, tay dáh baraá xaanxoó Yuda, kuduú baraá Negebu bihhaá yaamaá Aradi, inooín nay tlayé', niri alhootiyé' nee múk yaamuudá'.

HAR'OHUUSE 4:11

Qoomaadae Heberi, heé xoorór Keni, tina paraátl dír múk Keniro, mukwí oo Keni, xwaylár Hobabu taatoó harér Mose. Heewí ta bay Heberi heémaarós gana siíhh baraá Sa'ananimu, ar iisaapoó Kedeshi.