TI'INAANGW 17:7 - Biblía Axweesantá Hhohho' ar Mungú 2004

⁷ Didaádá' Mose gari umií tsát gari bay «Masa» nee «Meriba» asma xoorór Israeli AAKOÓ MUNGÚ guna i qununú/ nee guna iiara'át i kaahiya', «Aqo tsuwa lóe, AAKOÓ MUNGÚ iqo tsuwa dinkwa nee aténe?»

TI'INAANGW 17:7 Iomraidhean Croise

WARA'AMI 106:32

Mungú kuna buhhtís dír ma'aá Meribár wa ale. Mose slahh'amu guri sláy as inooín.

WARA'AMI 78:18

Baraá muner'ine Mungú nguna iiaraa'ariyé', ar muruú /aymár ta slai nguwa iinuusiya'.

WARA'AMI 81:7

Qoomár slahh'amaayeero ina atét, uri ba/amís, una mu/aywaáts baraá lu/aaroó mankarto, una iiár dír ma'aá Meribár wa ale.

WARA'AMI 81:8

Muk'eé' án iiárií qaasaré', aníng kuungá' nu gurbuú'. Alók geeraawo a gár hhoo' diroge bar aníng iga iiárií qás.

WARA'AMI 95:8

Munerhúng ma gawdesaara', adór kangwdá' aa tleehharuut didár Meribár wa ale, nee didár Masa baraá xaanxaay.

TI'INAANGW 17:2

Gawaá adoorihe Mose nguri i qununu/iyé' ta kaahi, «Ma'aá wahaangw haniisang.» Mose giri báy, «Ahaá mas aníngí qununu/á'? Mas AAKOÓ MUNGÚ iiara'adá'?»

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 20:13

Gaarí an ma'aá Meriba, didá' múk Israeli iwa qununuú/ dír AAKOÓ MUNGÚ, nee inós tiri dir'ín i laqán ar hhohhoaarirós baraá tla/angw'ine.

FAARO 20:24

«Aroni i gwaa', i dahiiká baraá yaamuudá' ni dír múk Israelírí haniis, asma kuungá' tsaraawo hara'ayar'eé' ana sié' baraá Meribaro.

FAARO 27:14

Asma kuungá' axweesante'eé' ana sié' baraá xaanxayduú Siniro. Qoomár dinku'uuma sleémeero ar Israeli iwa qununú/ daanduueene, kuungá' hhohhoaarir'eé' aga laqaandi'iiká dír ilaá múk Israeliro, dír ma'aydae.» (Ma'ayká' a kudaá baraá Meribár baraá Kadeshi, tidár baraá xaanxoó Sini).

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.

DABE 33:8

Daanduú tlahhoó Laáwiwo ina oó', «Múk tlahhoó Laáwi tlaa/eedaá Tumimu nee Urimu, kudá' sla'aarirók kar tsatsahhan haniseek, dír kudá' inkihhimuú koomá', kudá' taa iiara'át dír Masár wa ale, kudá' kuúng taa xuuxú' ar looeema dír ma'aá Meribaro.

DABE 6:16

«AAKOÓ MUNGÚ, Munguúhúng mu iiaraara' adoodá' kura baraá Masár wa iiadé'.

DABE 9:22

«Slám kuungá' AAKOÓ MUNGÚ, Munguúhúng una baraá Tabera wa buhhtisé', nee Masa, nee Kibrot-hata'afa.

YOSHUA 22:31

Finehasi garmoó Eleasari, kuduú kaahamusmoó Mungú tlahhi'iidaá Reubeni nee Gadi nee Manase giri báy, «Atén laarí aga tsaahhaán adór AAKOÓ MUNGÚ ir dinkwa nee atén, asma kuungá' inós ugwa ahhi'iiká nee as tlehhmusinge kuungá' xoorór Israeli aga tu/é' baraá xaraasleemaá AAKOÓ MUNGUHE.»