TI'INAANGW 17:2 - Biblía Axweesantá Hhohho' ar Mungú 2004

² Gawaá adoorihe Mose nguri i qununu/iyé' ta kaahi, «Ma'aá wahaangw haniisang.» Mose giri báy, «Ahaá mas aníngí qununu/á'? Mas AAKOÓ MUNGÚ iiara'adá'?»

TI'INAANGW 17:2 Iomraidhean Croise

WARA'AMI 106:13

Ala gadiyeédár Mungú ngari gaanslár gunqareesiyé', tam gurbu'ungós ngwa dani'iiká.

WARA'AMI 106:14

Ilatleeri giri eér tawa baraá darma, Mungú nguri iiara'ariyé' baraá xaanxáy wa ale.

WARA'AMI 78:18

Baraá muner'ine Mungú nguna iiaraa'ariyé', ar muruú /aymár ta slai nguwa iinuusiya'.

WARA'AMI 78:41

Tana alií kií/, Mungú kway iiaraa'ár, kudá' Hhoohhoó' oo Israeli nguri buhhtisiyé'.

WARA'AMI 78:56

Ala tam adoorihe Munguú Gáwtí dirií' nguna iiaraa'ariyé', ngway si'iyé', tam kaahirós ngaa iialooeesi'iiká.

WARA'AMI 95:8

Munerhúng ma gawdesaara', adór kangwdá' aa tleehharuut didár Meribár wa ale, nee didár Masa baraá xaanxaay.

WARA'AMI 95:9

Amoodae aníng tina iiár nee baabi'iihúng as iwa waqaaqaiya', tam tlehhmi'iieé' kudaá waa/oo/amo ngaa geerií ari'i.

TI'INAANGW 15:24

Naagáy muu Mose guri i qununuú/, ta kaahi, «Gár ta wahaan a milá?»

TI'INAANGW 16:8

Mose iri oó', «AAKOÓ MUNGÚ kuungá' nu fu'unáy haniis tsiindoowo, nee matlaatleero nun mikaáteérí haniis, gur'erhúng kari dal/aandá', asma inós qununu/ayhúng gwa axaás. Kawa xua' atén tiwa i qununu/a a múk adoomá? Ma qununu/aara' amooréní ale, amór AAKOÓ MUNGÚ nay qununu/aak.»

TI'INAANGW 17:7

Didaádá' Mose gari umií tsát gari bay «Masa» nee «Meriba» asma xoorór Israeli AAKOÓ MUNGÚ guna i qununú/ nee guna iiara'át i kaahiya', «Aqo tsuwa lóe, AAKOÓ MUNGÚ iqo tsuwa dinkwa nee aténe?»

TI'INAANGW 5:21

Ga/aawuuseedá' Mose nee Aroni giri beér, «AAKOÓ MUNGÚ kuungá' nu i qayti, nee qaa/aywí ngu tsati, asma atén kuungá' taa tli/isé' dír geeraá Farao nee geeraharuuseero, kuungá' kiri pa/ángwií hanisé' as atén tiwa tsu/iya'.»

ISAYA 7:12

Ahasi guri mu/aywaáts, iri oó', «Laya a firimaaká! AAKOÓ MUNGÚ nguwa iiar a sla'aaká.»

MALAKI 3:15

Adór atén kar tsatsahhaamana múk sagegawdén an ak múk amohhoó', nee múk slasla/aruú tlehhiít, an múk gár slasláw. Nee kudá' Mungú ngu iiara'ará', an múk aa /uy.› »

FAARO 14:2

Mose nee Aroni ngina ló'wa i qununu/iyé', tawa kaahi, «A tsiní geeraawo bara qatlaán baraá yaamaá Misrír i ale, laqaá tsiní bara qatlaán baraá xaanxaywí!

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

Matayo 4:7

Yesu guri báy, «Ala tí sleeme kaa gooín, ‹Aakoó Munguúwók mu iiaraa'araar.› »

Luka 15:12

Garmaadá' niiná baabuúwós guna báy, ‹Baabá, baraá muruuwoge kudá' aníng wa hariím qasiisang.› Muruuwós kudií kon guri inooín i qasmiís.

Luka 4:12

Yesu iri oó', «Kaa oó' sleeme, ‹Aakoó Munguúwók mu iiaraa'araar.› »

Tlehhema'aá ya/Abuuse 15:10

Gawaá adoorihe kuungá' mas Mungú iiara'adá' ar huwár iiloo' kawa tsa/amisa' gawaá sum'aá eeharuuse? Huwaarí baabi'iirén laqaá tam atén awa kilá' aga aleeslawaaniiká gagaararo.

Tlehhema'aá ya/Abuuse 5:9

Petro iri oó', «Kiíng nee hhawaatuuwók Qeeruú Aako adór al/aymaaro kura qitlé' a adoomá? Qaytsiít mukdá' aakoowók gwa foolár áy hanoos i dír afkú do'. Nee hám kiíng sleeme ti tsee/áy huuw.»

1 Korinto 10:9

Nee slám atén Aako muwa iiara'araán adór inooín bahh'alé ngura iiariyé', nee kiri hhaamiís nee dayshe.

DABE 6:16

«AAKOÓ MUNGÚ, Munguúhúng mu iiaraara' adoodá' kura baraá Masár wa iiadé'.

DABE 9:22

«Slám kuungá' AAKOÓ MUNGÚ, Munguúhúng una baraá Tabera wa buhhtisé', nee Masa, nee Kibrot-hata'afa.

Ebrania 3:9

Baabi'iihúng tlehhemi'iieé' ngaa ariyé', kudá' naa baraá xaanxáy wa tlehhiít kureeraá mibeeraá tsiyahhe. Ala tam adoorihe inooín aníng ina iiara'ariyé' nee iri daawitisiyé'.

1 SAMUELI 8:6

Ala axweesantír xoorór Israeli iwa waawutmoó iinus Samueli guri gurboo/és, Samueli AAKOÓ MUNGÚ guri firór áy.