TI'INAANGW 17:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ Mose guri báy, «Kaangwí gooimeek baraá kitaábu, as kahhó' kuwa inslay. Slám dír Yoshuawo gawdeeseek ooaro adór xoorór Amaleki ngir fiíts baraá daanduú yaamuwo.»

TI'INAANGW 17:14 Iomraidhean Croise

2 SAMUELI 1:1

Alaá gwa'arár Saulowo, Daudi múk Amaleki guna baál baraá slaqwaraaro, niwa waátl iri Siklagír wa hoót deelo tsare.

2 SAMUELI 8:12

Muruuwí nguna hayóh baraá ayeemooká' wa ale, Edomu, nee Moabu, nee Amoni, nee Filisti, nee Amaleki dinkwa nee haasaáng kudá' naa hayóh dír Hadadeseérí wa alé, garmoó Rehobu, waawutmoó Soba.

1 QOM'I 4:42

Baraá tla/angw'ine múk tsiire kooán oo tlahhoó Simeon tay tláy ay tloomár Seiri, inooín kina geerahaár nee Pelatia nee Nearia, nee Refaya, nee Usieli, daaqoó Ishi.

1 QOM'I 4:43

Inooín mukduú Amaleki aa /uy kuri tsuú/, inooín ta yaamuudá' hoot tam ay laarí.

ESRA 9:14

Xáy hara'ayaarók an mawaána tiri duxuutaán nee múk muruudá' ta waki gu tlehhahhiít, xáy, kuúng a buhhkáhe as atén tiri qwaarés tam heé meét iri kaahh?

YOBU 18:17

Gawaá daanduú yaamuwo heé inós gu insláw i kaahh, tam umuuwós ku baloó ooiiká.

YOBU 19:23

Geera masók axweesante'eé' kana gooín, masók kana gooín baraá kitaábu.

WARA'AMI 9:6

Wakuuse aa hhaán ay alhhe'eesay wasle, nee gixsaduín kiri hhitiín, inooín kay gunqaareés baraá inslawaywo.

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

TI'INAANGW 17:13

Yoshua xooroodár Amaleki gari hhaamiís.

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

TI'INAANGW 32:33

Ala AAKOÓ MUNGÚ Mose guri báy, «Umuúqo heé aníng iga tlakweemaá i tleehh, an kudá' aníng ni fiits baraá kitaábuueene.

TI'INAANGW 34:27

AAKOÓ MUNGÚ Mose guri báy, «/Aymi'iiká' gooimeek, asma baraá /aymi'iikae aníng alqado aga tleéhh nee kuúng nee múk Israeli.»

AXWEESANOÓ SAGALOOA 10:7

Múk gan'amuú koóm bur inslasleér a tsuuqa, ala umuú heé tlaákw a adór gár aa dix.

YEREMIA 30:2

«Anuú AAKOÓ MUNGÚ, Munguú Israeli a kah, axweesantí sleémeero ugwa báw gooimeek baraá kitaábu.

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

FAARO 24:20

Aluuwo Bala'amu múk Amaleki guri i qaytsiít, aarirós tí gari oó', «Amaleki a xoorór /uuruú koom ta xoordaá hatlá' sleémeerowo, ala alhhe'eesaywo kin hhaamiis ay alhhe'eesay wasle.»

FAARO 33:2

Mose umér yaamaá xafay'ín nguy tlehhiitiyé' baraá aaii'ine gana gooín ar adoodá' kwaa báy nee AAKOÓ MUNGÚ. Adoorí an adór digir wakeetíngw aaii'ín i dirii'i iimír tindiwa tláy.

DABE 31:9

Mose dabeedá' gana gooín, gari haniís dír kaahamuusér Mungú ar tlahhoó Laáwi, kudá' sandakmoó alqadór AAKOÓ MUNGÚ loohiisá', nee dír bariise sleémeero ar múk Israeli.

YOSHUA 4:7

Kuungá' ki beera', ‹Sandakmooduú alqadór AAKOÓ MUNGÚ kuwa waarahhamisi yaaér Yordaniro, ma'aá yaaér Yordani nina tla/a qasiitiyé'.› As adoorí tlaa/eeká' an inslaslángw tlehhmuuwí dír xoorór Israeliwo ay kureeraá kureér.»

1 SAMUELI 15:18

AAKOÓ MUNGÚ uri ya/aáw as gadiyeérós iwa oó', ‹Tláw mukduú Amaleki oo tlakuuse tsu/a/imeek ay dír kway hhaamis.›

1 SAMUELI 30:1

Bál tám aluudae, Daudi nee mukós tana kií/ ay Siklagi. Múk Amaleki yaamaá Negebu gaa qaroó i haratláy dinkwa nee gixsadaá Siklagi, kiri daá/ ar asla.

1 SAMUELI 30:17

Daudi gina harati'iít matlaatleero, gina laaláy muxtaaro ay tsiindaá bál tsár. Tam hhawaatuú aa /úy i kaahh, aqo har daaqayko tsiire tsiyáhh oo aa tsa/a/an gawaá daandemaá angamía, tari goów.