TI'INAANGW 16:35 - Biblía Axweesantá Hhohho' ar Mungú 2004

³⁵ Xoorór Israeli muruú /aymaadár maána nguna /aa/ayiyé' ay kureeri mibeeri tsiyáhh, ay ngar wa hardihiyé' yaamuudá' hariimá' hotaawo digmuú yaamaá Kana'ani.

TI'INAANGW 16:35 Iomraidhean Croise

NEHEMIA 9:15

«Qoomár tawa qwariiti, ina muruú /aymár gawaá dooraá daáhh i hanís. Qoomár tawa waxiít, ma'aá wahaangw ina baraá tlaa/ár wa dúx. Sleeme kiri ádbeér yaamuudá' taa al'axwés kiwa aali.

FAARO 32:13

AAKOÓ MUNGÚ ina daa/atúy buhhtaawo amór múk Israeli, giri baraá xaanxáy wa harweeritamaamís kureeri mibeeri tsiyáhh, qartadá' sleémeero tlakweema gaa tlehh dír geeraawose iri hhaán.

FAARO 33:38

Kaahamusmo Aroni iri tsa/án gawaá tloomár Hori ar adoodá' kura hara'ayín nee AAKOÓ MUNGÚ, inós iri gawaadá' i gwaá', bál slahhángw kooán tawa wak, oo kurkú mibeeri tsiyáhh iimír múk Israeli niwa yaamaá Misrír wa tláy.

Tlehhema'aá ya/Abuuse 7:36

Kwí an kudá' inooín nga duux, layu gina tlehhiít nee muruú waa/oo/amór koóm baraá yaamaá Misriro, nee baraá tlawtá Shamú wa ale, nee baraá xaanxaay, ar har kureeri mibeeri tsiyáhh.

1 Korinto 10:3

Inooín sleémeero muruú /aymár qeeru oo taa /aáy a wak.

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

DABE 29:4

Ala tam ay laarí AAKOÓ MUNGÚ fuqurángw muruuwí kur tsahha' nee ilaá tar xumisa', nee iaá tar axasa' nga hanisiiká.

DABE 8:4

Qoomaarí ar kureeraá mibeeraá tsiyahhe tlabaahúng naa slaxarumiti'iiká, laqaá ya'aahúng naa xir'imiti'iiká.

YOSHUA 5:12

Baalaadár kilae muruú /aymaadá' ta /aa/ayi ta bay maána iri alhhe'eesuút. Iimír baalaadae Mungú maána gaa malé hanisiiká. Inooín gár taa /aáy a balángw kurkudae taa doósl baraá yaamaá Kana'anír wa ale.