TI'INAANGW 16:25 - Biblía Axweesantá Hhohho' ar Mungú 2004

²⁵ Aluuwo Mose giri báy, «Gimsé', muruú /aymasíng taa meetisé' /isá' /ayaak, asma laarí a Sabaátór AAKOÓ MUNGÚ. Laarí kuungá' u sleera'aaká amoosír tsee/aawo.

TI'INAANGW 16:25 Iomraidhean Croise

NEHEMIA 9:14

Ar loohír Mose sagadiyusmoowoge kiri xu'utís deeloorók tidá' hhoohhoo' ar Sabaátoro, nee kiri ádbeér hara'ayarók kawa eehari nee dabeero nee kaahiroge.

TI'INAANGW 16:23

Mose giri báy, «Adoosíng taa tlehhé' an hara'ayár AAKOÓ MUNGÚ. Asma matlo a baalár hhoohhoo' ar huungu/uusa, a deelór Sabaátór hhoohhoo' ar AAKOÓ MUNGÚ. Gimsé' tlawsé', muruú /aymár ta kwasasahhaasár wa sla'a' kwasasahhasaak, nee oo ta humrór wa sla'a' humimaak, nee oo aa meet amohhe'esaak ay matlo.»

TI'INAANGW 16:24

Adoodá' Mose aa oó' ngiri tleehhiyé', muruú /aymár aa meet kuri amohhe'eés ay looaytleerós. Matlaatleero kuwa artá áy, naxés gár gwa eer i káhh, aa dixiiká, tam naanaga gwa eeriiká.

TI'INAANGW 16:26

Deelo lahhooe muruú /aymaasíng un sleemisá', ala bál faanqwe u sleera'aaká, asma bál faanqw a deelór Sabaáto.»

TI'INAANGW 16:29

Ga/aawaak, AAKOÓ MUNGÚ deelór Sabaátó ngina haniís. An gár bál lahhooe muruú /ayma kungusa tlahhás ay deelo tsár. Gimsé', umuú heewo i hungu/uusi dír do'ós i alé, hee miwa hi'iitanór áy bál faanqwe.»