TI'INAANGW 16:23 - Biblía Axweesantá Hhohho' ar Mungú 2004

²³ Mose giri báy, «Adoosíng taa tlehhé' an hara'ayár AAKOÓ MUNGÚ. Asma matlo a baalár hhoohhoo' ar huungu/uusa, a deelór Sabaátór hhoohhoo' ar AAKOÓ MUNGÚ. Gimsé' tlawsé', muruú /aymár ta kwasasahhaasár wa sla'a' kwasasahhasaak, nee oo ta humrór wa sla'a' humimaak, nee oo aa meet amohhe'esaak ay matlo.»

TI'INAANGW 16:23 Iomraidhean Croise

NEHEMIA 9:13

Nina gawaá doorí wa awét ay gawaá tloomár Sinai, tari axwés nee inooín. Kiri kángw hhó' beér, dabér ló' kari hanís, nee kaahír hhoe nee hara'ayaro.

NEHEMIA 9:14

Ar loohír Mose sagadiyusmoowoge kiri xu'utís deeloorók tidá' hhoohhoo' ar Sabaátoro, nee kiri ádbeér hara'ayarók kawa eehari nee dabeero nee kaahiroge.

TI'INAANGW 16:19

Mose giri báy, «Hee ló' muruú /aymasíng munguwa meetiís ay matlaatle.»

TI'INAANGW 23:12

«Deelo lahhooe gadiyuús, ala bál faanqwe ta hungu/ús, sleerók nee daqwaywoge sleeme i hungu/usiye', nee na/aá lawaalo'oorók nee dahaaymoó do'oge i hungu/usiye'.

TI'INAANGW 31:15

Gadiyeduhúng tleehhaak deelo lahhooe, ala bál faanqw a baalár Sabaáto ar hungu/uma ar taa paraátl as anuú AAKOÓ MUNGÚ. Heé aa gadiyuus baalaarír Sabaátoro gár kuwa hariím a gaasa.

YEREMIA 17:22

Nee deelór Sabaátoro huwa mar ti'iitaara' nee gadiyeé tam ar niiná ma kwatiitara'. Deelór Sabaáto boo/eesaak adór deelór hhoohhoo', adoodá' ngira qaroó oó' dír baabi'iihúng.

TLAHHOÓ LAÁWI 23:3

Deelo lahhooe gadiyeé an tlehhá', ala bál faanqw a baalár Sabaáto. Baalaarihe a gadiyusa'aaká, dinku'uumár hhoohhoo' an tlehhá'. Bál faanqwe a gadiyusa'aaká, an Sabaáto, an baalár taa paraátl as anuú AAKOÓ MUNGÚ baraá hotaahúng sleémeero umuúqo diiro.

FAARO 11:7

Gaarí ta bay maána uraraango a adór ileelaá maangwaré', kalaywós a booreék.

FAARO 11:8

Muu ina harweerirín as ngiwa sleemisi nee ngiwa burumbuurina', aluuwo kari xoosl laqaá kan tu'uut baraá kune, nee kari qaas baraá hutlaay nee maandasi kuri tleehh. Tsuaarirós a adór mandaásoó taa garangaár ar di/i.

Luka 23:56

Tari waátl, mooyaangw kuri amohhe'eés nee di/i. Nee bál deelór Sabaátoro tari hungu/uús, ar adoodá' kara hara'ayín.

DABE 5:12

«Deelór Sabaáto harmagaahheek, ka hhoohhooés, adoodá' AAKOÓ MUNGÚ, Munguúwók ngira oó'.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.