TI'INAANGW 16:20 - Biblía Axweesantá Hhohho' ar Mungú 2004

²⁰ Ala muu Mose gu iiárií qaasiiká. Bahh'ale muruú /aymaadá' nguna meetisiyé' ay matlaatle. Naxés matlaatleero muruú /aymaadá' aa diíx, nee nanaaga gwa eér. Mose iri buúhh amór múkí ale.

TI'INAANGW 16:20 Iomraidhean Croise

TI'INAANGW 16:19

Mose giri báy, «Hee ló' muruú /aymasíng munguwa meetiís ay matlaatle.»

TI'INAANGW 16:21

Nee umuúqo matlaatlér xawa muu muruú /aymaadá' guna sleemiís ar harqoomoó /aymaaro ta aleeslay. Ala iimi bira axwaanuúr muruú /aymaadá' in weeq.

TI'INAANGW 16:24

Adoodá' Mose aa oó' ngiri tleehhiyé', muruú /aymár aa meet kuri amohhe'eés ay looaytleerós. Matlaatleero kuwa artá áy, naxés gár gwa eer i káhh, aa dixiiká, tam naanaga gwa eeriiká.

FAARO 12:3

(Mose a heé ló'wa tsatsaa'aár ta muu sleémeero oo baraakaá yaamuwo.)

FAARO 16:15

Mose iri ló'wa buúhh, AAKOÓ MUNGÚ guri báy, «Ilahhooár mukwí ma oohaar. Aníng daqoó hee oo naa ar tláw i kaahh, laqaá heé naa slahh'eés i kaahh.»

Matayo 6:19

«Daqaari'iimarhúng ma baraá yaamií qamiimara', didár babi nee kútu ngiwa hhitina', nee didá' fisuuse ngiwa hara dat gari fís.

Marko 10:14

Ala Yesu adoodá' ngiwa ár, iri ló'wa buúhh, giri báy, «Na/aá ninakw mawaagáy i amor'eé' hardihiye', mi ila/aamara'. Asma awa adór kuká' waawuti'iimár Mungú a tooín.

Marko 3:5

Iri gurhaamuút asma gawdeemaá muner'ín, giri ilií duxún bihhe sleémeero ar buhhta, heedaádá' guri báy, «Dakók gan'aaseek.» Heedaádá' dakós guri gan'aás, dakós iri hunguú/.

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Efeso 4:26

Kuungá' bar aga buhhabuhhé', ti harmagahhe', tlakweema mi tleehhara'. Nee buhhtaasíng mindiwa baraá munerhúng wa kumiitiyé' looa gar wa dát.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»