TI'INAANGW 16:15 - Biblía Axweesantá Hhohho' ar Mungú 2004

¹⁵ Múk Israeli gaarí kawa ár, tina kilooín yaahamisiyé', i kaahiya', «Gaarí a milá?» Asma ngaa tsaahhi'iiká. Mose giri báy, «Gaarí an mikaáteedá' AAKOÓ MUNGÚ naa haniís as kawa /aga'.

TI'INAANGW 16:15 Iomraidhean Croise

NEHEMIA 9:15

«Qoomár tawa qwariiti, ina muruú /aymár gawaá dooraá daáhh i hanís. Qoomár tawa waxiít, ma'aá wahaangw ina baraá tlaa/ár wa dúx. Sleeme kiri ádbeér yaamuudá' taa al'axwés kiwa aali.

NEHEMIA 9:20

Ina qeeruuwók kudá' hhoóí hanís as ngiwa hara'ayin, maána ana hanís tawa muruú /aymar'ín nee ma'aá wahaangw as waxer'ín ngiwa tse'eesiya'.

WARA'AMI 105:40

Qoomár iwa fu'unaá slaiyá' giri xooyángw i huúw, giri /aymiís ar mikaátér yaariir ar gawaá dooraá daahh.

WARA'AMI 78:24

Inós muruú /aymaadá' ta babay maána, nguna gawaá doorií wa paahhamiís as inooín nguwa /ayiya', muruú /ayma nguna gáwtá wa haniís.

TI'INAANGW 16:31

Xoorór Israeli umuú muruú /aymaadá' guri beér, «Maána». Bur ga/eér a adór /awaaka, nee bura tsáq a adór mukaatmoó niiná oo taa danúr sliík.

TI'INAANGW 16:33

Mose Aroni guri báy, «Sirwír wák taataahheek, maánár harqoomoó piíshír wák ka baraadií báts, daqaní ka dír geeraá AAKOÓ MUNGÚ i qás as iwa inslaslaangw tleehhit dír qartá hi'iita.»

TI'INAANGW 16:4

Aluuwo AAKOÓ MUNGÚ Mose guri báy, «Aníng mikaáte ngi gawaá doorí wa /aytiís, umuú baalaaro muu mikaátér /aymár looár wake bu'uut ngi burumburi, ar loohirihe aníng i iartá wa slaá', áx daber'eé' ngi oohiía laqaá aasla'áy.

AXWEESANOÓ SAGALOOA 9:5

«Qwaláng muruú /aymar'eé' awang, nee difaáir'eé' tí naa tleéhh wahtá awang.

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

Luka 12:30

Asma múk xoordu tí sleémeero gan leelehhiit. Ala Baabuúhúng ga xuu', adór muruuwí kuungá' kur sla'á'.

Yohana 6:49

Baabi'iihúng maána kana /aáy baraá xaanxáy wa ale, ala qatlo kaa mayká.

Yohana 6:58

Tí an mikaáteedá' naa gawaá doorí wa awet. Mikaáteerí nee tidá' baabi'iihúng naa /ayiyé' a wakeeká. Asma inooín tam mikaáteedá' kaa /ayi, ala qatlo kaa mayká. Ala heé mikaáteerí ga /aáy i slaaf ay alhhe'eesay wasle.»

1 Korinto 10:3

Inooín sleémeero muruú /aymár qeeru oo taa /aáy a wak.

DABE 8:16

Slám inós an kudá' kuungá' naa /aymiis maánaro qoomár tawa baraá xaanxaay, muruú /aymaadá' baabi'iihúng ta baloó xuiiká. Adoorí gana tleéhh as kuungá' nuwa niinaweesi, niwa iiari as nuwa xuxuui, nee alhhe'eesaywo nuwa hhooeemáy tleehhi.

DABE 8:3

Nuna ala qwárkwí máy as tiwa niinaweesa', aluuwo muruú /aymaadá' ta bay maána nguri haniís, muruú /aymár kuungá' ta baloó xua'aaká, laqaá baabi'iihúng sleeme ngwa xui'iiká. Adoorí gana /iís asma nuwa intsaahhatisi, adór hee ir hootiiká ar muruú /ayma kilós, ala aqo ar axweesantá amór AAKOÓ MUNGÚ daahh.

Ebrania 9:4

Baraadae kitángw ilahhooa i deer oo taa tleéhh ar sahaábu. Kitaangwí kun ilahhooár mooyángw tsuú í da/aa/an. Gár hatlá' baraadane a sandakmooduú alqado, oo taa ninkiriíts ar sahaábu umuúqo barto. Muruú baraá sandakmoowí a sirwír taa tleéhh ar sahaábu, tidá' muruudá' ta babay maána gu koom, nee hhartá Aroni, tidá' naa harma/, nee tlaa/eedá' tsár awa taa axweesantá alqadór i gooín.

YOSHUA 5:12

Baalaadár kilae muruú /aymaadá' ta /aa/ayi ta bay maána iri alhhe'eesuút. Iimír baalaadae Mungú maána gaa malé hanisiiká. Inooín gár taa /aáy a balángw kurkudae taa doósl baraá yaamaá Kana'anír wa ale.

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»