TI'INAANGW 15:7 - Biblía Axweesantá Hhohho' ar Mungú 2004

⁷ Ar aleesleemuuwók kudá' yaariire waakuuseerók aga hhaamís. Inooín kiwa i búhh kiri daá/ adór hhaanslaá kaaharen.

TI'INAANGW 15:7 Iomraidhean Croise

YOBU 9:4

Inós sagalooár yaariir ga kón, nee /uuruú yaariír gu kón, heé gu qiítl tlampa'aasaro nee iri baalín a heemá?

WARA'AMI 148:13

Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 59:13

Hhaamiiseek ar buhhtaawók i qororo'ootiye', as kahhó' muu ngi xui adór Mungú tar waawutmo baraá xwaylár Yakobowo, tam ay alhhe'eesoó yaamu sleémeero.

WARA'AMI 68:33

Munguú doorií dirií', kuduú iimír qaro, ina ilawaáts ar afór /uuruú koom.

WARA'AMI 83:13

Mungú, inooín diyaa/eek adór teerír wa ale, adór hhaanslaá tar tlatlay nee bambaao,

TI'INAANGW 14:27

Mose dakós guri looloqoós gawaá daanduú tláwtí ale. Nee looa niwa tleér, ma'aá tlawi niri dinkwár i ki/iyé' ar /uuru. Múk Misri iri ta'aaín geeraá tlawtá wa ale, ala AAKOÓ MUNGÚ slaqwaruusér Misri gari hhaamiís baraá tla/ángw tlawi.

TI'INAANGW 5:12

Aluuwo mukdá' sleémeero yaamaá Misri sleémeero giri altsiyayaaxaát as xwaansloó baraá qamu kuwa huwi kitángw gitsór wa alé.

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

ISAYA 37:17

Aá AAKOÓ MUNGÚ, iia qaaseek, axamiís. Aá AAKOÓ MUNGÚ, ilawoge qaytsiít, ta xumís, axweesanaywí sleémeero oo Senakeribu axaaseek, kwí naa ya/aáw iwa Munguú slaáf niqin.

ISAYA 37:23

Ala kuúng heé taa niqiín kuri /ooslisliín a heemá? Heedaá heemá taa daanda axwés, heedá' taa niqiín kuri biibisiín a heemá? An aníng kudá' hhoohhoó' oo Israeli.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 37:38

Looarka wake waawutmo ina sluufmisuú áy baraá doó munguúwós kudá' ta bay Nisroki. Daaqaywós kudá' ta bay Adrameleki nee Shareseri nguri gaasiyé' ar paánga, niri /akumiitiyé' yaamaá Ararati. Naagáy garmaawós kudá' ta bay Esarhadoni iri waawuti'ín kitaangós wa alé.

ISAYA 47:14

Ga/aawaak, inooín a adór hhaanslaá kaaharen awa asla i /ak. Inooín dír /uuruú tsángw aslto ti aleeslay'aaká /iisaro. Gaarí a asltá hhamhhám, ka axwanemamisiiká.

ISAYA 5:16

Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

MIKA 4:11

Hám daxta xoordaá yaariir naa burumburitiyé', gixsár Yerusalemu ngaa harweeriyé', as kuungá' múk Yerusalemu tunduwa i haratlay, ta kaahi, «Gixsár Yerusalemu ka hhitin. Ilaarén taangór gixsarí ngi ariye'.»

SEKARIA 14:3

Diirí an dír AAKOÓ MUNGÚ niwa ti'iiti, inós nee xoorduuká' tiri muxiyá' adór /iisí ir slaqwaaqun.

SEKARIA 14:8

Baalaadae ma'aá slafiingw ni baraá gixsár Yerusalemúr wa ti'iitiyá', tlaqtaín in bihhaá tlawtá da/aáw xú', tlaqtaín ar hatlá' in wá/ amór tlawtá /uwa. Ma'ayká' aqo nin kumaamitiyá' wa/amiingo age nee buhaareewo.

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

Ebrania 12:29

Asma ar ló', Munguúrén an asltá mura' sleémeero gu /aay.