TI'INAANGW 15:26 - Biblía Axweesantá Hhohho' ar Mungú 2004

²⁶ Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

TI'INAANGW 15:26 Iomraidhean Croise

1 WAAWITÁ 11:33

Aníng adoorí a tleéhh asma Solomon aníng iwa geexáy, munguaá hatlá' gina sluufmisuú áy, kudá' ta bay Ashtaroti, munguú /ameeni kuduú múk Sidoni, nee Kemoshi, munguú múk Moabu, nee Milkomu, munguú múk Amoni. Solomon aa dee/aanuút, tlakweema gaa tleéhh dír geeraaeene, nee kaahir'eé' gaa oohiiká nee axweesante'eene. Adoodá' baabuúwós Daudi aa tleéhh inós gaa eehariiká.

1 WAAWITÁ 11:38

Kuúng tidá' aníng naa oó' bara harmagáhh nee bara hót ar adoodá' aníng ni slaa', nee tidá' aníng ni slaa' bara tléhh, nee kaahir'eé' bara ót nee hara'ayar'eene, ar adoodá' sagadiyusmooeé' Daudi aa tleéhh, daqaní aníng nee kuúng a dinkwa. Aníng waawuti'iimarók a gawdeés adór ar Daudi ngira gawdeés nee múk Israeli ngu kuúngií haniís.

2 WAAWITÁ 2:21

Elisha iri tláy, ay didá' tsiinqár ma'aay i diri', diwtidá' gari kwaáhh baraá ma'áy ale, iri oó', «AAKOÓ MUNGÚ i kaahi, ‹Ma'ayká' iga tsuu'uús, iimír hamí gwa'ara ngi baloó huwiaaká, laqaá /ameena gur'e ga kwakwahhaká.› »

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

2 WAAWITÁ 22:2

Yosia adór ganaa' gana tleéhh, AAKOÓ MUNGÚ guri sla'atís. Inós adoodá' baabuúwós waawutmo Daudi aa tleéhh gana eehár, inós hara'ayár AAKOÓ MUNGÚ sleémeero gana iialooeés.

YOBU 5:18

Asma inós hee gun slahh'eemiis, slamí guri malé hubín baraá slahh'amuuwo, Inós hee gun muux guri hungu/uumiis.

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

WARA'AMI 147:3

Kudaádá' naa mune si'iye' gin hungu/umiis, inkahhi'ii'ín gin tsegiit ar warqama'.

WARA'AMI 81:9

Gár taa tleéhh ar slaqsoó Mungú ma sluufisaar, tam sleeme ma i tumbararaa'ataar.

TI'INAANGW 12:29

Xweeraá dakiingo AAKOÓ MUNGÚ na/aá baris sleémeero awa múk Misri gina tsuú/, iimír na/oó baris oo Farao wa tleemu, kuduú gawaá kitángw waawuti'iima, ay na/oó baris oo heé baraá tseegamórí dirií', nee na/aá baris sleémeero awa makaá ta de'en.

TI'INAANGW 19:5

Hám daxta kuungá' bar axweesanay'eé' ugwa iialooesé' nee alqador'eé' aga oté', daqaní kuungá' a muk'eé' oo aalir'eé' baraá tla/ángw xoordaá hatlae, asma tam xoordaá hatlá' sleémeero sleeme a kwe'eé'.

TI'INAANGW 19:6

Kuungá' dir'eene tari waawuti'iimár kaahamuusér Mungú nee xoorór hhoohhoo' ar Mungú.› Axweesanaywí an kudá' ta o' dír múk Israeli.»

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 23:25

Kuungá' aqo AAKOÓ MUNGÚ Munguúhúng un sluufmisá', nee aníng muruú /aymarhúng nee ma'aá wahangwhunge in tsuúq, slám aníng tiqti an hingeés baraá tla/angwhunge.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 57:18

Aníng lohduuín iga ár, ala in hungu/uús aníng inooín in geerahaár ngiri gurkwa/ás, sleeme kudá' tsuunqumisá' in harhheehhe'eés.»

YEREMIA 11:7

Asma baabi'iihúng ina ló'wa gurbuú' qoomár ngiwa duúx baraá yaamaá Misrír wa aleeró, nee ana kumamiít nanaqaango ay laarí niwa kah, ‹Afór'eé' iialooeesaak.›

YEREMIA 17:24

AAKOÓ MUNGÚ i kaahi, «Ala barnaxes aníng iga iiárií qasé', nee huwa ngi dahmisa'aaká baraá gixsa baalaarír Sabaátoro, ala deelór Sabaáto kari hhohhoesé', nee gadiyeedu kiri meeré' baalaadae,

YEREMIA 30:17

AAKOÓ MUNGÚ i kaahi, aníng kuungá' nu slaqwa hhooárí ki/ís nee inkahhi'iihúng i hungu/uús. Tam kuungá' tunda bayi, ‹Múk taa kwaáhh, gixsár Siyoni, tidá' ta amohhe'eemisiiká.› »

YEREMIA 33:6

Tam adoorihe aníng gixsarí a hungu/uús, nee mukós nguri slaqwa hhooár i ki/ís, aníng gixsarí ngiri wayduú yaariírií haniís nee saxareemawo.

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

ESEKIELI 18:5

«Hee barnaxes i gan'amuú kón, inós bar muruú ganaá' gu tlehhiit nee oo qoóm,

HOSEA 11:3

Aníng múk Israeli una intsaahhatís hi'iitanooro, anuú kilá' ina amohhe'eemiís ar dabaaeé', ala inooín ngaa xui'iiká adór ngira amohhe'eemiís.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

TLAHHOÓ LAÁWI 26:13

Aníng an AAKOÓ MUNGÚ, Munguúhúng, kudá' kuungá' naa baraá Misrír wa duux as tawa lawaalér múk Misrirooká. Aníng taaqwani aga geeqáw tidá' taa tseék gawaá isoohúng, as kahhó' tawa hota' ar amohhooa.»

TLAHHOÓ LAÁWI 26:3

«Barnaxes daber'eé' aga eehadé' nee kaahir'eé' kay oté',

FAARO 12:13

Mose iri /aa/aá ay dír AAKOÓ MUNGÚ iwa kaahi, «AAKOÓ MUNGÚ, aníng kuúng un fiririím, hungu/uuseek.»

DABE 12:25

Tseere ma /ayaara', asma bar aga /agi'iiká, adór hhoo' aga tlehhé' dír geeraá AAKOÓ Munguhe, nee diihhooa a sleerá', kuungá' nee na/iihunge.

DABE 12:28

Ti ló'wa harmagahhe' axweesantí naa bawi iialooeesé', as kuungá' diihhooa kawa sleera' dinkwa nee na/iihúng awa aluúwaá hardahá' ay alhhe'eesay wasle, asma kuungá' adoorihe adoodá' hhoo' aga tlehhé' dír geeraá AAKOÓ MUNGÚ, Munguúhunge.

DABE 13:18

inós adoorí gan tleehh barnaxes kuungá' afór AAKOÓ MUNGÚ, Munguúhúng aga iialooeesé', hara'ayaarós sleémeero kari oté', tí laarí ni kuungá' babaw nee adór qoom bara tlehhé' dír geeraá AAKOÓ MUNGÚ, Munguúhunge.»

DABE 28:27

AAKOÓ MUNGÚ kuúng un slaahh ar um'iidaá múk Misri, nee ar inkahha'aá gur'e, nee tiqtír qulhháy, nee deei tidá' baloó hungu/aaká.

DABE 28:58

«Barnaxes kuúng aga magahhká dabeerí taa baraá kitaábuuwí gooín kawa boo/es, nee barnaxes aga iialooeská, nee umuudá' ló'wa dae tlaáq, xiríf oo AAKOÓ MUNGÚ, Munguúwók bur da'ayumitká,

DABE 28:60

Nee tiqtidá' ta da'ayumit ngin malé i kwaahh, tidá' taa baraá yaamaá Misrír wa aán, uri alkomkaakón umuú daqto.

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

DABE 7:15

AAKOÓ MUNGÚ tiqti sleémeero ga hingees dirhunge, nee kuungá' tiqtír nu slaw i káhh tam ar niiná ar dae tlaaq adór tidá' kuungá' naa sleer qoomár tawa baraá yaamaá Misrír i diria'. Ala inós wakuuserhúng ga tiqtidií tlees.