TI'INAANGW 15:25 - Biblía Axweesantá Hhohho' ar Mungú 2004

²⁵ Inós iri /aá/ amór AAKOÓ MUNGÚ, AAKOÓ MUNGÚ guri xa'anoó i laqán, inós guri /aytiís baraá ma'aydá', ma'aay niri tsuuiyé'. Didae AAKOÓ MUNGÚ xoorór Israeli gana kaahirós i haniís nee hara'ayaro. Diirihe inós gina iiár.

TI'INAANGW 15:25 Iomraidhean Croise

2 WAAWITÁ 2:21

Elisha iri tláy, ay didá' tsiinqár ma'aay i diri', diwtidá' gari kwaáhh baraá ma'áy ale, iri oó', «AAKOÓ MUNGÚ i kaahi, ‹Ma'ayká' iga tsuu'uús, iimír hamí gwa'ara ngi baloó huwiaaká, laqaá /ameena gur'e ga kwakwahhaká.› »

2 WAAWITÁ 4:41

Elisha iri oó', «Puurú huwaare'.» Puurú kuri huúw, inós guri ku'uús baraá hutlaay, iri oó', «Daxta muruú /ayma slawaak ta /ayin.» Tari /ayín, heé tiqti aa ót i kaahh.

2 WAAWITÁ 6:6

Elisha guri yaahaás, «Dír i /ét a diimá?» Heedaádá' didá' tsawo i /ét gari laqán, Elisha xwaytsi gari tsaát gari kwaáhh baraá ma'aay didá' tsawo i /ét, tsawo niri ti'ít gawaá daanduú ma'aay.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 66:10

Aá Mungú, atén kuúng taa iiát, adoodá' muqslír /awaak kar kwahhaahhuuti, qoomár bar ka peésa tlehhiit.

WARA'AMI 81:7

Qoomár slahh'amaayeero ina atét, uri ba/amís, una mu/aywaáts baraá lu/aaroó mankarto, una iiár dír ma'aá Meribár wa ale.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

TI'INAANGW 14:10

Qoomár Farao iwa tseewúy didií alé nee múk Misriro, múk Israeli gari ár, múk Israeli iri amór AAKOÓ MUNGÚ i /aa/amín ar daér yaariir.

TI'INAANGW 16:4

Aluuwo AAKOÓ MUNGÚ Mose guri báy, «Aníng mikaáte ngi gawaá doorí wa /aytiís, umuú baalaaro muu mikaátér /aymár looár wake bu'uut ngi burumburi, ar loohirihe aníng i iartá wa slaá', áx daber'eé' ngi oohiía laqaá aasla'áy.

TI'INAANGW 17:4

Mose iri /aá/ amór AAKOÓ MUNGÚ, iri oó', «Mungú, aníng mukwí adór ngu laaq a adoomá? Asma inooín i aníng tlaqutuú wa slaiyá' ar tlaa/e.»

TI'INAANGW 20:20

Mose muu sleémeero guri báy, «Ma da'ayumiitaara', asma Mungú nina hardáh as kuungá' nuwa iiari as kahhó' kuungá' inós kuwa ilaiwawa/a' umuú daqto nee tlakweema kiwa tlehha'aaká.»

AXWEESANOÓ SAGALOOA 17:3

Sahaábuú gawít laqaá muqslidár peésa ar gawit aqo kan iiar ar asla. Ala munér muu AAKOÓ MUNGÚ gan iiara'ar.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 9:7

Gawaá adoorihe AAKOÓ MUNGÚ Aleesleemusmo i kaahi, «Aníng in hhohhoeés nee in iiár. Xáy gár hatlá' ar muk'eé' ngway tleehh a milá?

ESEKIELI 47:7

Niwa amoodá' i hardáh xaa'aá ló'wa yaariir ina ár i gawaá gangeefír yaae.

ESEKIELI 47:8

Iri báy, «Ma'ayká' in wa/aminá' baraaká guruú yaamu nginar ohiiyá' ay yaamaá Araba, nee birna hardihiyé' ma'aay tlawtá diwi ngi tsuu'usiyá'.

1 Korinto 1:18

Asma kángw msalaába dír mukdá' qwaqwadiima a dakti'iima, ala dír ateéká' ta ba/amiimisi a /uuruú Mungú.

DABE 13:3

axweesanoó aaruusér adór tí mu iiárií qaasara', laqaá heé adoorír tlatitiím mu iiárií qaasara'. Asma AAKOÓ MUNGÚ, Munguúhúng inooín gin ar gadiyuus as kuungá' nuwa iiari, as inós ngiwa xu'utír wa slai, áx kuungá' inós u ló'wa sla'á'a ar munerhúng sleémeero nee qeereemoohunge.

DABE 8:16

Slám inós an kudá' kuungá' naa /aymiis maánaro qoomár tawa baraá xaanxaay, muruú /aymaadá' baabi'iihúng ta baloó xuiiká. Adoorí gana tleéhh as kuungá' nuwa niinaweesi, niwa iiari as nuwa xuxuui, nee alhhe'eesaywo nuwa hhooeemáy tleehhi.

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

HAR'OHUUSE 2:22

as kahhó' aníng múk Israeli nguwa iiar ar xoorduuká', áx loohir'eé' ngi eehariía adór xwayliitér'ín wa ale, láq aasla'áy.»

HAR'OHUUSE 3:1

Xoorduuká' an kudá' AAKOÓ MUNGÚ aa máy, as múk Israeli kudá' slaqwarár yaamaá Kana'ani ga xuaaká nguwa iiari.

HAR'OHUUSE 3:4

Inós gina máy as múk Israeli nguwa iiari ar xoorduudá', as ngiwa tsaahhi, áx hara'ayár AAKOÓ MUNGÚ ngi iialoeesiía, tidá' aa baabi'ii'ín i oó' ar loohír Mose.