TI'INAANGW 15:2 - Biblía Axweesantá Hhohho' ar Mungú 2004

² AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

TI'INAANGW 15:2 Iomraidhean Croise

IIMU/UUNGW 17:7

«Alqador'eé' an gawdeés tla/ángw án nee kuunge, nee xwaylarók nee xwaylár na/aá na/iiwók nee xwaylar'ín, as tawa alqadór alhhe'eesay wasle, adór aníng tar Mungú diroge nee dír xwaylarók ar kumiit aluuwoge.

IIMU/UUNGW 49:18

«Aníng ba/amarók an daamaraám, aá Aakoó Mungú.»

2 SAMUELI 22:3

A Munguúeé' nee tlaa/ar'eé', nee an dír guway'eé' ar amoohhoo', a baqmór'eé', a /uuruú ba/amar'eé', a koo/ir'eé' ar gawit nee dír guway'eé', a ba/amusmooeé' in ba/amimis dír múk gurtleemu wasle.

2 SAMUELI 22:47

«AAKOÓ MUNGÚ i slaaf! I xirfuuti inoósuuduú tlaa/ar'eé'! I xirfuuti Munguúeé', tlaa/ár anií ba/amis.

2 SAMUELI 22:51

Mungú waawutmo gwa arba/atír úrí haniís, sla'aarirós ar warqawaaká gan laqán dír kudá' taa iimbalaáx ar di/i, dír Daudi nee xwaylarós ay kureerisleém.»

2 SAMUELI 7:24

Kuúng mukók oo Israeli ugwa kángw kilá' wa gawdés as tawa mukók kureerisleém, kuúng AAKOÓ MUNGÚ an Munguín.

2 SAMUELI 7:5

«Tláw, sagadiyusmooeé' Daudi kaangwí baweek, AAKOÓ MUNGÚ i kaahi, ‹Xáy kuúng doó aníng ni hoot uqo tléhha?

1 WAAWITÁ 8:13

Ar looeemaawo doó hotaawók ngwaa tleéhh, tawa dír hotaawók ay alhhe'eesay wasle.»

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

1 QOM'I 16:14

Inós an AAKOÓ MUNGÚ, Munguúrén, baraá yaamu sleémeero kwasleemarós i deer.

WARA'AMI 109:1

Aníng a kuúng xirfayeemiís, Mungú, ma xasliitaar!

WARA'AMI 118:14

AAKOÓ MUNGÚ an /uuruueé' nee daa'angw'eé', inós ina ba/amís.

WARA'AMI 118:21

AAKOÓ MUNGÚ án kuúng u sluufiís, asma iga iiárií qás, nee iri ba/amís.

WARA'AMI 118:28

Kuúng a Munguúeé', u sluufmiís, u diidi'iimiís, Munguúeé' a kuúng.

WARA'AMI 132:5

ay dír hotaá AAKOÓ MUNGÚ ngay slaw, dír hotaá Kudá' /Uuruú koóm oo Yakobo.»

WARA'AMI 140:7

AAKOÓ MUNGÚ, kuúng an Munguúeé', kuúng an ba/amusmooeé' oo úr. Sagw'eé' una báq qoomár slaqwaraaro.

WARA'AMI 145:1

Aá Munguúeé', kuúng an waawutmooeé', án kuúng u iiatleés. Umuuwók un diidi'iimaamiís ay alhhe'eesay wasle.

WARA'AMI 18:46

AAKOÓ MUNGÚ an kudá' slaáf, i xirfuuti kuduú baqmór'eé'. Diidi'iimisaak Munguúduú ba/amar'eé'.

WARA'AMI 22:10

Iimír tiwa laqwaál kuúng ina deaeén. Iimidaádae, kuúng an Munguúeé'.

WARA'AMI 22:3

Ala kuúng aqo kudá' hhoohhoó', kuúng a waawutmoó ta xirfayeemisi nee múk Israeli.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 28:8

AAKOÓ MUNGÚ a /uuruú mukós. Waawutmoowós kudá' aa tsawaár gun baaq guri ba/amis.

WARA'AMI 30:1

AAKOÓ MUNGÚ, án kuúng u xirfayeemiís, asma iga ki/ís afkú bohóngw wa ale, nee wakuuser'eé' aga ya/aandiiká iwa qwalaala/ daandueene.

WARA'AMI 34:3

Gimsé', AAKOÓ MUNGÚ xirfayeemisaare' dinkwa nee aníng, inós u aldiidi'iisaán.

WARA'AMI 48:14

«Adoorí an adór AAKOÓ MUNGÚ i dirii'i, Munguúrén i alhhe'eesoó konká. Inós atén tin geerahaar ay kureeraá kureér.»

WARA'AMI 59:17

Kuúng an /uuruueé', án xirfuuwók u daá'. Asma kuúng Mungú, an baqmor'eé', Munguúeé' kuduú sla'aaridá' warqawaaká nga dir'eéni laqan.

WARA'AMI 68:20

Mungú direne a Munguú ba/amiimís. AAKOÓ MUNGÚ kilós an kudá' atén ti ba/amís baraá gwa'araro.

WARA'AMI 99:5

AAKOÓ MUNGÚ, Munguúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

WARA'AMI 99:9

AAKOÓ MUNGÚ, Munguúrén, xirfayeemisaak. Tumbarara'aaté' gawaá tloomarós tidá' hhoohhoo' wa ale, asma inós an AAKOÓ Munguúdá' Hhoohhoó'.

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

TI'INAANGW 4:22

Kuúng Farao ku beer: AAKOÓ MUNGÚ i kaahi, ‹Israeli a garmaaeé' oo baris.

TI'INAANGW 40:34

Aluuwo huunki heémadár Mungú gari tuuntúk, nee xirfuú AAKOÓ MUNGÚ heémadá' gari dalaá/.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

YEREMIA 3:23

Looeemaawo taa kiloorén al/ayaán tawa munguaá hatlá' sluufmisuú awaán gawaá sagér tlom'i. Looeemaawo ba/amár múk Israeli amór ni dahh a amór AAKOÓ MUNGÚ, Munguúrén.

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

YEREMIA 32:38

Inooín tari muk'eé', nee aníng tari Munguúín.

HABAKUKI 3:13

Tari tleér as mukók kuwa ba/amis, nee as heewók kudá' taa iimbaláx kuwa ba/amis. Kuúng geeraharusmoó múk tlákw un suwa tsát, nee eeharuuseerós kari hhaamís.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Luka 1:77

nee kángw ba/ama kuwa dír mukós i xu'utis ar tlakweemaaín kiwa gurtlay

Luka 2:30

asma ilaaeé' ba/amarók ngaa ariyé',

Yohana 4:22

Kuungá' oo ta sluufmisa' u xua'aaká. Ala atén Mungú ta sluufmisaan u xuaán. Asma ba/ama amór ni dahh a amór múk Yahudi.

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

2 korinto 5:19

Gídaabárós a tí, «Mungú muu guna haraki/ís nee inós ar baraá Kristo, as muu munguwa tlakweemaaín i harafaár. Nee slám axweesantá haraki/isa ngaa qaás baraá muneeréní alé.»

Efeso 2:22

Baraawose kuungá' tundu tlehhiit dinkwa nee inooín, tawa doó Mungú iwa hooti ar Qeeruuwós.

DABE 10:21

Inós an xirfuuhúng, an Munguúhúng kudá' naa muruuwí urén i tleehh, nee oo waa/oo/amo kudá' taa aandé' ilahunge.

Filipi 2:11

Nee umuúqo heewo i ooi, «Yesu Kristo a Aako,» as Mungú Baabá kuwa xirfayeesi.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Kolosai 2:9

Asma Mungú nee munguiimarós sleémeero i baraá Kristó wa hoot, gídaabá baraá slaqwtós.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 19:1

Alaá muruuwihe afór ur ngiri axaás ar adór afór boo/oó yaariír oo gawaá doori. Afoorí iri ó', «Mungú i xirfuuti!» Ba/ama ar Munguúrén, nee xirif nee /uuru.

HAR'OHUUSE 5:21

Yaaér Kishoni giri ar wá/ amór saáw i alé, eeít, ma'aá yaaér Kishoni ngiri ar wa/iyé'. Aníng an geerií kumiít ar pihh'uuma.