TI'INAANGW 15:17 - Biblía Axweesantá Hhohho' ar Mungú 2004

¹⁷ Aá AAKOÓ MUNGÚ, kuúng inooín in húp, kiri qás gawaá tloomadár aalirók, didá' taa tléhh tawa dír hotaawók. Aá AAKOÓ MUNGÚ, in húp ay didá' hhoohhoo' taa tléhh ar dabaawók.

TI'INAANGW 15:17 Iomraidhean Croise

2 SAMUELI 7:10

Aníng dír muk'eé' iwa hooti an tsawaár, inooín ngiri didií dahaás, as tawa didá' wa hooti inooín kilooín, mikiwa daawitamiís male ale, as kahhó' múk tlákw oo /uureemooínár slaáqw, mingiwa male slahh'eemiís adoodár bál geeraá wa ale.

1 WAAWITÁ 8:13

Ar looeemaawo doó hotaawók ngwaa tleéhh, tawa dír hotaawók ay alhhe'eesay wasle.»

WARA'AMI 114:2

Yuda tari xooroodá' hhoohhoo' ar Mungú, múk Israeli tari mukós oo kilá'.

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 44:2

Kuúngú kilá' múk xoordaá hatlá' una tlatlahhás ar /uuruuwók, ala yaamuuín kiri mukók i dahás, xoordaá hatlá' kiri slahh'eemís, ala baabi'iirén kiri diihhooatís.

WARA'AMI 68:16

Aá tloomár tleer ar tsitseeno yaariir, kiíng mas tloomár AAKOÓ MUNGÚ ga/eér ar da/i, tidá' inós aa tsawaár hotaangós wa ale ay alhhe'eesay wasle?

WARA'AMI 76:2

Xaftós i baraá Salemu, hotaarirós i Siyonírií dirí'.

WARA'AMI 80:15

Nee hatlituudá' taa hátl ar dakók oo doó /iyáy, nee yaeemidá' kuúng taa tsawát kawa amohhe'eemis as iwa gawduur.

WARA'AMI 80:8

Sabiíbuú Misrír daáhh nguna húp, xoordu kiri gús kway dahás.

TI'INAANGW 15:13

Kuúng mukók oo taa ba/amís una geerahát ar sla'aarirók tidá' warqawaaká. Ina geerahát ar /uuruuwók ay didá' hhoohhoo' ar hotaawók.

TI'INAANGW 23:20

«Qaytsiít aníng malaykamo u geeraahúng wa ya/aáw as kuungá' nuwa xun, nee nuwa huwi ay baraá yaamuudá' naa amohhe'eés.

TI'INAANGW 25:8

Inooín dír hotaaeé' ngi tleehhiye', as kahhó' niwa baraá tla/angw'ín wa hoot.

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

YEREMIA 31:23

AAKOÓ MUNGÚ Aleesleemusmo, Munguú Israeli i kaahi, «Qoomár múk Yuda bura diihhooárí ki/ís, inooín baraá yaamaá Yudawo nee gixsadaá Yudawo tari malé ooi, ‹AAKOÓ MUNGÚ nu tsuuqi, aá yaamuloouusér hota ganaa', i tsuuqi kiíng tloomár hhoohhoo'.›

YEREMIA 32:41

Aníng in saqwalaá/ ngiwa hhooeemáy tlehhiit, nee aníng inooín in baraá yaamuukií qaás ar inkihhimu nee ar muunaáeé' sleémeero, nee ar qeeruueé' sleémeero.»

ESEKIELI 37:26

Aníng alqadór wayda an tleéhh nee inooín, alqadoorí tari ar alhhe'eesay wasle. Aníng inooín i tsuúq, yaamu ngiri dala/iyá', nee hotaaeé' ngiri tleéhh baraá tla/angw'ín ay alhhe'eesay wasle.

ESEKIELI 37:28

Qoomár bar aníng dír hotaaeé' aga baraá tla/angw'ínií tleéhh ay alhhe'eesay wasle, xoordu ngin tsaahhiyá' adór anuú AAKOÓ MUNGÚ, múk Israeli ngur heehhe'eemiís.»

DABE 33:19

Inooín muu kun ateet gawaá tlom'ii'ín, nee amoodae muu giri ilahhooár ganaa' ar muruú ta tsú/í hanmiis. Asma daqaari'iimar'ín ngi baraá tlawtá wa slayá', nee muruú yaariír oo taa luú/ ngu baraá hhasángw afaá tlawtá slayá'.»

YOSHUA 22:19

Ala bar baraá ayaahunge dabaá tlakw i dayá', Mungú kuwa ilahhooárí hanmisa' baraá ayaahúng wa ale bir ya/aandaaká, qwalaasaré' gayuú ayaarén i waaraahhare' amoorí heémár AAKOÓ MUNGÚ i diri', nee aalirhúng baraá tla/angwrén tiwa sleere'. Ala AAKOÓ MUNGÚ mu siaara' nee atene as kitángw hatlá' oo ilahhooa kuwa tlehhtuú eera' ta kuduú AAKOÓ MUNGÚ, Munguúrén.