TI'INAANGW 15:14 - Biblía Axweesantá Hhohho' ar Mungú 2004

¹⁴ Xoordu ngiwa axaasiyé' inooín niri daaraxiyé'. Kudá' baraá yaamaá Filistír wa hootá' naa daandeemo feehhamiitiyé'.

TI'INAANGW 15:14 Iomraidhean Croise

1 QOM'I 14:17

Daudi iri iia tleerúy ay baraá yaamu sleémeero. AAKOÓ MUNGÚ xoordu sleémeero gay daeérí tleés, inooín Daudi kuri da'ayumiiít.

WARA'AMI 48:6

Daaraxaay giri áy didaádí ale, tari daandeemo feehhamiít daero, slahh'amuú adór kuquú /ameenír xwayla nguri slayé'.

WARA'AMI 48:7

Tay adór bambaaór da/aá daahh, ar miringér Tarshishi ga geqaaqaw.

ISAYA 14:29

«Kuungá' sleémeero awa múk Filisti ma qwalaala/aara', kawa xua' qawaydá' naa muux aa tsatiít. Asma dayshamo, dayshamoó qarkwá koóm gu laqwaal. Nee dayshamoó qarkwá koóm dayshamoó ti gileéhh gu laqwaal.

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 23:5

Kángw Tiro kawa hhaamiís, burkwa axaás baraá yaamaá Misriro, múk Misri iri slahhaa' ló'wa alé.

ESEKIELI 32:9

«Munér múk yaariír i slahhá' qoomár bar kaa axaás kuúng taa suqúy, qoomár bura lawaalmo tleéhh baraá xoordaá hatlá', yaamaá kuúng ta xu'ká.

HABAKUKI 3:6

In sihhiit yaamu giri diingiis. Iri qaytsiit xoordu giri kwisltis. Tlom'iidaá alhhe'eesay wasl niri feehhamiitiyá', nee gongooamadá hotaatimá' niri sluk'umitiyá', lohduuwós awa alhhe'eesay wasl.

HABAKUKI 3:7

Múk Kushani una ár iwa slahhahhai, nee múk yaamaá Midiani iwa daaraaxi.

FAARO 14:14

yaamuloouusér yaamuuká' kan kaangwí báy. Inooín ngaa qaroó axaasiyé' adór kuúng AAKOÓ MUNGÚ tar dinkwa nee atén, asma kuúng AAKOÓ MUNGÚ tina laqaán ar uhumoó huunki iwa gawaá daanduú heémarí sihhiít, nee kuúng tina geeraahát tlatla/ango ar uhumoó huunki nee xweeraawo ar uhumoó asla.

FAARO 22:5

Balaki ya/abuuse gari ya/aáw amór Bala'amu, garmoó Beori, amór yaamaá Petori, iisapoó yaaér Eufrate, amór yaamaá Amawi. Bala'amu kuri báy, «Xoororka Misrír daahh yaamu gina al'ót, slám yaamuueé' ki hayohár wa slaa'.

DABE 2:25

Aníng laarí muu sleémeero baraá yaamuwo u de'eérí tleés nee hor/iro as kuungá'. Inooín kangwhúng burngwa axaasiyé', tari daraxaat nee tari amoqwaqwadín.›

YOSHUA 10:2

Kaangwí de'ér ur gari huúw baraá Yerusalemuro, asma gixsár Gibeoni a gixsár iiatleer baraá gixsadaá taa sawaawuti'ii'ín nee waawitá. Slám gixsár Gibeoni ka ur ta ar Aiwo, nee hhawaataá gixsár Gibeoni sleémeero a miguusér slaqwara.

YOSHUA 2:11

Kaangwí nguwa sa axaasaán gur'eerén ma'aay ngina dalaa/iyé', dír atene migi iri fák as kuungá'. Asma atén aga tsaahhaán adór AAKOÓ MUNGÚ, Munguúhúng tar Mungú, gawaá dooriwo nee baraá yaamuwo.

YOSHUA 9:24

Inooín nari ooiyé', «Atén a xuaán adór AAKOÓ MUNGÚ, Munguúhúng, sagadiyusmoowós Mose ngura ádbáy múk baraá yaamuuká' nguwa hhaamisi, nee yaamuuká' ngiwa kuungá' i haniisi. Gawaá adoorihe atén ana da'ayuutaán. An gár adoorí ngisa tleehhaán.

YOSHUA 9:9

Inooín nay ooiyé', «Atén amór ta dahhaan a amór yaamaá saawá', asma atén aga axasaán daanduú AAKOÓ MUNGÚ, Munguúhunge, tidá' inós aa tleéhh dír múk yaamaá Misri,

1 SAMUELI 4:7

tari da'ayuút. Tari oó', «Mungui naa hardihiyé' baraá xafoó xoorór Israeli, a tsaxwaarén! Gár adór tí aga baloó araaniiká.

1 SAMUELI 4:8

A tsaxwaarén! Heé atén ti ba/amís baraá dabaá munguaá aleesleemuú kooma'a a heemá? Munguiiqá' an kudá' múk Misri ngwa faakiye' tsu/utaaro baraá xaanxáy ale ar muxtár da'aweemaá dimbadimbé.