TI'INAANGW 15:11 - Biblía Axweesantá Hhohho' ar Mungú 2004

¹¹ Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 15:11 Iomraidhean Croise

2 SAMUELI 7:22

Baraá muruudá' sleémeero taa axamamisani, kuúng Aakoó MUNGÚ tu úr, oo adór kuúng i kaahh, nee Munguú hatlá' i kaahh aqo har kuúng.

1 WAAWITÁ 8:23

Iri oó', «Aá AAKOÓ MUNGÚ, Munguú Israeli, Munguú hatlá' oo adór kuúng i kaahh gawaá dooriwo, laqaá tam baraá yaamu sleémeero. Kuúng alqadoorók an boo/eemís, nee sla'aarír warqawaaká ana laqaán dír sagadiyuseerók tidá' ugwa ilaiwa/ ar muner'ín sleémeero.

1 QOM'I 16:25

Asma AAKOÓ MUNGÚ ku úr nee aa ló'wa xirfuút, inós i harín ilaiwa/ameero ta munguaá hatlae.

2 QOM'I 2:5

Aníng doó Mungú oo ni tleehhamór wa slaa' a doó úr, asma Munguúrén ku úr dír munguaá hatlae.

2 QOM'I 6:14

Inós iri firín iri oó', «Aá AAKOÓ MUNGÚ, Munguú Israeli, Mungú adór kuúng i kaahh gawaá dooriwo nee baraakaá yaamuwo, oo alqaduuwós gi ohiím nee sla'aarír warqawaaká gan laqaaqán dír sagadiyuuserós sleémeero ar gu ilaiwawaa/ ar muner'ín sleémeero.

WARA'AMI 113:5

AAKOÓ Munguúrén heé kur qoomeesi a heemá? Inós aa iwiít gawaá kitángw saáw gawaá doori,

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 136:4

Inós kilós muurú urén oo waa/oo/amór koóm gu tlehhiit, Asma sla'aarirós i warqeeraaká ay alhhe'eesay wasle!

WARA'AMI 145:17

AAKOÓ MUNGÚ i gan'amaayér kón baraá lohuwós sleémeero, nee ku hhoó' baraá umuúqo gár i /imiisi.

WARA'AMI 22:23

Kuungaásingaá AAKOÓ MUNGÚ ilaiwawa/á', xirfayeemisaak! Kuungaásingaá awa xwaylár Yakobo, diidi'iimiisaak, kuungá' sleémeero awa xwaylár Israeli, AAKOÓ MUNGÚ ilaiwawa/aak!

WARA'AMI 35:10

Aníng AAKOÓ MUNGÚ nguri baw ar muunaáeé' sleémeero, «AAKOÓ MUNGÚ, oo adór kuúng i kaahh. Kuúng liitlakuuse a ba/amiimís baraá dabaá múk /uuruú kooma. Eeít, narkutmo nee heé dawa kaahaár u ba/amís baraá dabaá malguuseero.»

WARA'AMI 60:2

Yaamu ina diingís, niri feehhitiyé'. Didá' aa feehhit amohhe'eeseek, asma i diingiín.

WARA'AMI 66:5

Qwalaasé', xuxuuaak tlehhma'aá Mungú aa tleéhh, tlehhma'aá Mungú aa tleéhh tla/ángw muko i dae tlaaqiyá'.

WARA'AMI 77:11

Tlehhma'aá AAKOÓ MUNGÚ in aldaákw, waa/oo/amoorók ar qár an insláw.

WARA'AMI 77:14

Kuúng an Munguú waa/oo/amór tlehhiít, aleesleemuuwók una geehhooatís tla/eeraá xoorduuwo.

WARA'AMI 77:19

Irwaarók aa baraá tlawtár waaráhh, nee loohirók ina waaráhh ar baraá ma'aá yaariir, ala digiruuwók kwa ariiká.

WARA'AMI 86:10

Asma kuúng tu úr, kuúng an kudá' tlehhma'aá waa/oo/amór tlehhiít. Kuúng kilók an Mungú.

WARA'AMI 86:8

Baraá yaamuwo Munguú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

WARA'AMI 89:18

Gaambór atén ti baqamiim ar AAKOÓ MUNGÚ, waawutmoorén amór i dahhi a amór AAKOÓ MUNGÚ, kudá' Hhoohhoó' oo Israeli.

WARA'AMI 90:11

A heemá heé buhhtaawók tsaahharo gi aleesláw? Adoodá' kuúng tur da'ayuumiti an adoodá' buhhtaawók ngir tsaahhiya'.

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

TI'INAANGW 20:3

«Munguaá hatlá' mi koomaar, aqo har aníng kilooeé'.

TI'INAANGW 3:20

Aníng dakw'eé' un gáwtí tleés, yaamaá Misri ngiri slaáhh ar waa/oo/amor'eé' sleémeero tidá' ni tleéhh tla/angw'ín wa alé, daqaní waawutmo nuri ya/ámár i haniis tawa tleera'.

TI'INAANGW 8:10

Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

TI'INAANGW 8:6

Naagáy Aroni hhartós gari looloqoós gawaá ma'aay sleémeero awa yaamaá Misri, aamaxupa niri ti'ít, yaamaá Misri giri tuuntúk.

TI'INAANGW 9:14

Asma qoomaarihe kuúng muxtar'eé' sleémeero u sleér, nee geeraharuuse nee mukók sleémeero, as kahhó' kawa tsahh adór oo nee aníng slaqmís ir kaáhh baraá yaamu sleémeero.

ISAYA 30:11

Warqawé', lohdaá looeema mawaak, atén ti meere' mawa kumitaán daanduú Mungú axamisuuwo, Kudá' Hhoohhoó' oo Israeli.› »

ISAYA 40:18

Xáy, Mungú nee heemá ki slaqamisi? Xáy heé kur qoomes a heemá?

ISAYA 40:25

Kudá' Hhoohhoó' i kaahi, Xáy, heé ta aníngár qoomesa' a heemá? Xáy, heé adór aníng i deéro?

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

TLAHHOÓ LAÁWI 19:2

«Xoorór Israeli sleémeero ka beer: Kuungá' masók tundu hhohhó', asma anuú AAKOÓ MUNGÚ, Munguúhúng ti hhoohhoó'.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

Luka 12:5

Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

DABE 1:30

AAKOÓ MUNGÚ, Munguúhúng kudá' kuungá' nu geerahaar inós kuungá' nu aleeslaaqw adoodá' aáng aa dír geeraahúng wa tleéhh baraá yaamaá Misriro, nee

DABE 3:24

‹Aá, AAKOÓ MUNGÚ, anuú sagadiyusmoowók a xuú' adór kuúng ira sangw aleesleemuuwók oo úr i laqaán. Asma a mungú gaalá gawaá dooriwo, laqaá baraá yaamuwo oo muruú urén nee oo waa/oo/amo oo adór kwí tleehharo gu aleesláw, kwí kuúng taa tlehhít?

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

Geehhoeemaá 13:4

Dayshamoodá' úr kuri sluufmiís asma adoodá' makiito'oodá' ngiwa aleesleemuú i haniís. Makiito'oodá' sleeme kari sluufmiís, tari káh, «Heé slaqás nee makiito'oorí a heemá? Nee slám heé makiito'oorí ga aleesláw slaqwaraaro a heemá?»

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.