TI'INAANGW 15:10 - Biblía Axweesantá Hhohho' ar Mungú 2004

¹⁰ Ala kuúng fur'aarók ana kwáhh, tlawi giri harakí/. Inooín niri /eetiyé' baraá ma'aá ur adór harsaási.

TI'INAANGW 15:10 Iomraidhean Croise

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

2 SAMUELI 18:8

Slaqwaraadá' aya sleémeero guri aleetsatát, nee múk yaariír iri qaátl baraá gara ta kudá' taa tsuú/ ar paánga ba/a baraá slaqwarár wa ale.

NEHEMIA 9:11

Tlawi ana tla/aa qasís dír ilaaín wa aleeró, inooín tay waraáhh ar baraá tla/ángw tlawi ar yaamaá kaahaar. Ala múk Misri kudá' gaa eehar kiri kwáhh adór tlaa/anoó iiloó' i baraá ma'aá yaariir.

WARA'AMI 135:7

Inós an kudá' huunkáy gu tlehhiít baraá yaamuú wa ale. Tluwoó mankarór koóm guri tleéhh, fur'a sleeme ngi huuw iimír didá' aa amohhe'eés wa ale.

WARA'AMI 147:18

/Aymuuwós ngun oo' tlaa/aá tluwaay giri weeqatis. Fur'aarós gan fukuku'uus ma'aay niri wa/iyá'.

TI'INAANGW 14:21

Mose dakós guri looloqoós gawaá daanduú tlawi. AAKOÓ MUNGÚ tlawi gari tla/a tsaát ar fur'ár da/aá daahh xweera sleémeero, tlawi iri yaamaá kaahaar tleehhít, ma'aay niri tla/a tsatiitiyé'.

TI'INAANGW 15:5

Inooín kaa guú/ nee ma'aydaá baraá ilo, Nina /eetiyé' baraá ilo adór tlaa/a.

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

ISAYA 11:15

AAKOÓ MUNGÚ tsifrángw tlawtá Misri gu /oomees, dakós gu maamukuus daanduú yaaér Eufratero, ar fur'aarós ar kahamiis, yaeedá' iri qasít, tari yau faanqw. Muu iri waraahh ar ya'a'.

YEREMIA 10:13

Qoomár inós birna ilawaáts ma'aá gawaá doori in xuuru'utiyá'. Inós tlaangú gun duxún baraá ku/iyá yaamú wa alé. Inós mankari gan war'eemiis qoomár tluwaywo. Nee fur'a ni ti'imít baraá kuuntaywós wa aleeró.

YEREMIA 46:17

Farao waawutmoó Misri umuú /abén ti tsate', ku beera', «Tseeór tawo ar looa dahamis.»

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

Matayo 8:27

Mukdá' iri waa/oó/, tari oó', «Heewí a heé adoomá, asma tam fur'a nee tlawto ngun ilaiwawa/iyá'.»

DABE 11:4

Adoodá' inslawaak aa tleéhh dír slaqwaruusér Misri, farsuuín nee garduuín kudaá slaqwara, nee adoodá' slaqwaruuser'ín tidá' kuungá' naa eehat ngira hhaamiís baraá tlawtá Shamu, adór AAKOÓ MUNGÚ ngira hhaamiís, tam ay laarí.