TI'INAANGW 15:1 - Biblía Axweesantá Hhohho' ar Mungú 2004

¹ Naagáy Mose nee xoorór Israeli AAKOÓ MUNGÚ kuri daa'angwí daá', «AAKOÓ MUNGÚ un sa daá', asma aa ló'wa xirfuút, faras nee mukdá' gi madiita gaa kwaáhh baraá tlawi.

TI'INAANGW 15:1 Iomraidhean Croise

NEHEMIA 9:11

Tlawi ana tla/aa qasís dír ilaaín wa aleeró, inooín tay waraáhh ar baraá tla/ángw tlawi ar yaamaá kaahaar. Ala múk Misri kudá' gaa eehar kiri kwáhh adór tlaa/anoó iiloó' i baraá ma'aá yaariir.

YOBU 36:24

Gadiyér Mungú inslaweek kawa diidi'iís, gadiyeérí múk yaariír gana qaroó waaraá'.

WARA'AMI 105:43

Mukós guri duúx ar bara/, mukós oo aa tsawaár guri duúx ar daa'ángw qwala/.

WARA'AMI 106:12

Mukós axweesantós gay haratlintií', daa'ángw kur xirfayeemisi kuri daá'.

WARA'AMI 107:15

AAKOÓ MUNGÚ ngu sluufmiisiye' asma sla'aarirós ar warqawaaká, asma muruú waa/oo/amo oo aa dir'ín i tlehhiít.

WARA'AMI 107:8

AAKOÓ MUNGÚ ngu sluufmisiye', asma sla'aarirós ar warqawaaká, asma muruú waa/oo/amo oo aa múkií tlehhiít.

WARA'AMI 32:7

Kuúng an dír ni nahhaat, án kuúng in amohhe'eemís qoomár slahh'amuuwo, Án ba/amarók ngiri daá' ar qwala/, asma kuúng an baqmor'eé'.

WARA'AMI 76:6

Kuúng, Munguú Yakobo, bara gahhát, múk faras ngwa i tsa/an nee farsuine nari slar/amiitiyé' /araraango.

WARA'AMI 76:7

Ala kuúng an dae tláq, kuúng kilók, kuúng bar aga búhh, heé sihhiít dír geeraawoge a heemá?

TI'INAANGW 14:26

AAKOÓ MUNGÚ Mose guri báy, «Dakók looloqooseek gawaá daanduú tlawi, as ma'aay niwa ki/iya' gawaá múk Misri, nee gawaá gaarduuín, nee gawaá mukdá' gaardaá madiít!»

TI'INAANGW 14:27

Mose dakós guri looloqoós gawaá daanduú tláwtí ale. Nee looa niwa tleér, ma'aá tlawi niri dinkwár i ki/iyé' ar /uuru. Múk Misri iri ta'aaín geeraá tlawtá wa ale, ala AAKOÓ MUNGÚ slaqwaruusér Misri gari hhaamiís baraá tla/ángw tlawi.

TI'INAANGW 15:21

Miriamu daa'aangw guri ót, «AAKOÓ MUNGÚ sa daa'aak, asma ina baalín ar xirif. Faras nee mukdá' gwaa i tsa/ani gaa kwaáhh baraá tlawi.»

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

AXWEESANOÓ SAGALOOA 29:6

Heé tlaákw kun nagwaahh nee tlakweemaawós awa kilá' Ala heé hota ganaá' in daa' nee in qwalalaa/.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

YEREMIA 51:21

Kuúng un farsúr tsuú/ nee slaqwaruuseedá' gaa i tsa/aandi, kuúng un gaardaá farsúr giqáw nee mukdá' gi madiita.

HOSEA 2:17

Umér munguiidá' ta bay Ba'ali qoomaadae a hingeés gawaá afkose, kiri baloó ooiiká.

HABAKUKI 3:18

aníng aqo an kumamiít AAKOÓ MUNGÚ nguwa saqwalalaa/, un saqwalalaá/ Munguúduú ba/amusmooeé'.

FAARO 21:17

Diirihe múk Israeli daa'aangw guri óh, «Aá hhálaangw, kutli duuxang, Ii daa'aak!

Kolosai 2:15

Gawaá msalaábaro Kristo baaluusér neetlaame /uuruuín guna hingeés, nee kudá' aleesleemuú koomá' aleesleemuuín guna hingeés. Nee inós inooín sleémeero ngiwa baál, gari geehhooatís adór i dirii'iya'.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.