TI'INAANGW 14:8 - Biblía Axweesantá Hhohho' ar Mungú 2004

⁸ AAKOÓ MUNGÚ muunuú Farao, waawutmoó Misri, guri gawdeés, inós múk Israeli guri aluú wa eehár, asma múk Israeli ina ti'iít ar pihh'uuma.

TI'INAANGW 14:8 Iomraidhean Croise

WARA'AMI 105:43

Mukós guri duúx ar bara/, mukós oo aa tsawaár guri duúx ar daa'ángw qwala/.

WARA'AMI 86:13

Asma sla'aarirók ar warqawaaká ka yaariir dir'eene, hhiintluueé' ugwa tú/ baraá gi'ií wa aleeró.

TI'INAANGW 10:27

Ala AAKOÓ MUNGÚ muunuú Farao guri gawdeés, inós iri sií' múk Israeli geemawto.

TI'INAANGW 13:16

Tlehhmuusíng iri adór mulkír gawaá dakók tleehhiit, laqaá ar gawaá gitsee/a, ar ti inslawtamis adór atén AAKOÓ MUNGÚ tira baraá yaamaá Misrír wa tuú/ ar dákw /uuruú koóm.»

TI'INAANGW 13:18

As adoorí Mungú inooín gina geerahaár ar loohír harweeramo ar baraá xaanxaay, tidá' aa amór tlawtá Shamúr xu'. Xoorór Israeli iri tleér yaamaá Misrír wa ale taa amohhe'eesiyé' slaqwaraaro.

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

TI'INAANGW 14:7

Slamí gaardaá tsiire lahhoó' awa taa amohhe'eés girir tláy, nee gaardaá Misri sleémeero, nee geeraharuusér gaarduudá' gi sagesihhmiit.

TI'INAANGW 15:9

Wakusmo iri oó', ‹In aluú wa alkoóm ngiri ohiím, haasaánguueé' un qasmiís, ay dír haayir'eé' i waya'. Paángar'eé' an óh, inooín ngiri hhaamiís.›

TI'INAANGW 4:21

AAKOÓ MUNGÚ Mose guri báy, «Qoomár bar aga kí/ baraá yaamaá Misri, qaytsiít tlehhmi'iidaá sleémeero awa waa/oo/amo, kudá' aníng kuúng uwa aleesleemúy haniís, tleehheek dír Farao wa ale. Ala aníng muunaáwós u gawdeés, nee inós kuungá' nu geemayká.

TI'INAANGW 6:1

AAKOÓ MUNGÚ Mose guri báy, «Daxta kuúng adór aníng Farao ngu /imiis a aán. Asma ar dákw /uuruú kooma inós ku harakees muu nguwa geemay. Ar dákw /uuruú kooma inós gay guus baraá yaamuuwose.»

TI'INAANGW 9:12

Ala AAKOÓ MUNGÚ muunuú Farao guri gawdeés, as inós inooín ngiwa iiárií qaasiiká, adoodá' AAKOÓ MUNGÚ ngira oó'.

WA/AA/I 3:65

Mune daktu'uweek nee ki lu'ús.

TLAHHOÓ LAÁWI 26:13

Aníng an AAKOÓ MUNGÚ, Munguúhúng, kudá' kuungá' naa baraá Misrír wa duux as tawa lawaalér múk Misrirooká. Aníng taaqwani aga geeqáw tidá' taa tseék gawaá isoohúng, as kahhó' tawa hota' ar amohhooa.»

FAARO 33:3

Múk Israeli tindina gixsár Ramesesír wa tláy bál slahhángw geera tawa mibaá nee kooán, baalaadár alaá baalár Pasaáka. Tindina tláy dír ilaá múk Misri sleémeero wa ale ar pihhaay.

Tlehhema'aá ya/Abuuse 13:17

Munguú mukuú Israeli baabi'iirén gina tsawaár, giri xoorór ur tleéhh, qoomár tawa lawaale baraá yaamaá Misriro. Inós ngiri baraadá' wa duúx ar /uuruuwós.

DABE 26:8

Naagáy AAKOÓ MUNGÚ, atén tiri duúx baraá yaamaá Misrír wa ale ar /uuruuwós, nee ar dakós kudá' aa tleés, nee ar dae tlaqa, nee ar aleesleemu, nee layu nee muruú waa/oo/amo.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

YOSHUA 11:20

Adoorí an adór AAKOÓ MUNGÚ kilós aa slaá'. Mukduú xoordaá hatlá' guna mune gawdeés as kahhó' nee inooín tawa slaqwi. Ina tsabín kiwa gurtlayká, ala masók kin qororo'oos, ar adór AAKOÓ MUNGÚ ngira hara'ayín dír Mose.

HAR'OHUUSE 4:7

Aníng hamí Sisera geeraharusmoó slaqwaruusér Yabini ngu tleés dinkwa nee gaarduuwós nee slaqwaruseerose, tari dogá' dír yaaér Kishoni, daqaní aníng ngu qaás gawaá dabaawók.› »