TI'INAANGW 14:30 - Biblía Axweesantá Hhohho' ar Mungú 2004

³⁰ Adoorí an adór AAKOÓ MUNGÚ múk Israeli ngura ba/amís baalaadae dír múk Misriro. Múk Israeli tuaá slaqwaruusér Misri ngiri ariyé' afaá tláwtí ale.

TI'INAANGW 14:30 Iomraidhean Croise

2 QOM'I 32:22

Naagáy AAKOÓ MUNGÚ waawutmo Hesekia guri ba/amís, nee yaamuloouusér Yerusalemu sleémeero, gawaá dabaá waawutmo Senakeribu oo Ashuru wa ale, nee gawaá dabaá wakuuser'ín sleémeerowo. Múk Yuda wayda gway ar hoót deelo sleémeerowo.

WARA'AMI 106:10

Gina ba/amís gawaá dabaá mukduú wakuusér wa ale, giri hingeés dír /uuruú wakusmooine.

WARA'AMI 106:8

Ala tam adoorihe gina ba/amís as umuuwós, as aleesleemuuwós oo úr nguwa laqan.

WARA'AMI 58:10

Heé hota ganaá' i qwalalaa/ bar ngaa ár wakuuse kaa li/áy buú'. Ya'aawós gin hamaatl ar tseerér múk hota ganaa'aaká.

WARA'AMI 59:10

Mungú kuduú sla'aarirós warqawaaká ni hardah. Mungú aníng i aleesleemuú i haniis wakuuser'eé' ngiwa arbaa/.

WARA'AMI 91:8

Ala ar ilaawoge an aán, nee bu'utuú múk hota ganaa'aaká u aán.

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.

HAR'OHUUSE 10:11

AAKOÓ MUNGÚ múk Israeli guri báy, «Xáy, aníng kuungá' naa tu/iikáhe dír múk Misriro, nee dír múk Amoriro, nee múk Amoniro, nee dír múk Filistiro?

1 SAMUELI 11:13

Ala Saulo iri oó', «Heé laarí ta gaasi i kaahh, asma laarí AAKOÓ MUNGÚ múk Israeli ngwaa tuú/.»

1 SAMUELI 14:23

Adoorí an adór baalaadae AAKOÓ MUNGÚ múk Israeli ngura tuú/. Baalaadae slaqwara ina kumít, iri waaráhh Bet-afeniro.