TI'INAANGW 14:22 - Biblía Axweesantá Hhohho' ar Mungú 2004

²² Xoorór Israeli iri dát baraá tla/ángw tlawi ar yaamaá kaahará', ma'aay niri koo/i tleehhitiyé' dir'ine dákw doó /iyáy nee oo doó basayhe.

TI'INAANGW 14:22 Iomraidhean Croise

2 WAAWITÁ 2:14

Tlawuuduú Eliya aa gawaawós huu' guri óh, ma'aay giri slaáhh iwa kaahi, «AAKOÓ MUNGÚ, Munguú Eliya i amá?» Qoomár ma'aay ngiwa slaáhh, ma'aay nay qasiitiyé' bihhe tsár, inós iri waaraáhh ay gayuú hatlá'.

2 WAAWITÁ 2:8

Eliya tlawuwós guri duúx guri marmaár, ma'aay giri slaáhh, ma'aay nay tla/aa qasitiyé' bihhe tsár, inooín tari yaamaá kaahaár waaraáhh ay gayuuqá'.

NEHEMIA 9:11

Tlawi ana tla/aa qasís dír ilaaín wa aleeró, inooín tay waraáhh ar baraá tla/ángw tlawi ar yaamaá kaahaar. Ala múk Misri kudá' gaa eehar kiri kwáhh adór tlaa/anoó iiloó' i baraá ma'aá yaariir.

WARA'AMI 106:9

Tlawtá Shamu gana iigahhaát iri kát, giri tla/angwdár waarahhaás adór yaamaá xaanxaay.

WARA'AMI 136:13

Inós tlawtá Shamu gaa qasiís, Asma sla'aarirós i warqeeraaká ay alhhe'eesay wasle!

WARA'AMI 136:14

Múk Israeli guna waarahhaás tla/angwdár ale, Asma sla'aarirós i warqeeraaká ay alhhe'eesay wasle!

WARA'AMI 66:6

Tlawi gana warqeés tari yaamaá kaahaar, baraá yaaeero muu iri waaraáhh ar ya'a'. Amoodá' an amór nguwa saqwalaala/iyé'.

WARA'AMI 74:15

Kuúng kutlaay nee yau ina duxuún, kuúng yauudá' uren ina kahamís.

WARA'AMI 78:13

Tlawi gana qasiís, inooín giri baraadár waarahhaás, ma'aay giri sihhtís adór koo/i.

TI'INAANGW 14:29

Ala múk Israeli ina hi'iimiít ar baraá yaamaá kaahaar baraá tla/ángw tlawto. Nee ma'aydá' niri koo/i tleehhitiyé' bihhaaín awa doó /iyáy nee awa doó basayhe.

TI'INAANGW 15:19

Qoomár farsuú Farao nee gaarduuwose nee mukdá' gaardaá madiita niwa baraá tláwtí dahiyé', AAKOÓ MUNGÚ ma'aá tlawi giri gawaaín i ki/ís. Ala xoorór Israeli baraá tla/ángw tlawto tana yaamaá kaahaár ar hi'iimiít.

TI'INAANGW 15:8

Ar hiinsluú dungaawoge ma'aay nay burumburitiyé'. Gwaanduú ma'aay iri sihhiít adór koo/i, iloodaá baraá tlawi tiri haragwaaiyé'.

ISAYA 11:15

AAKOÓ MUNGÚ tsifrángw tlawtá Misri gu /oomees, dakós gu maamukuus daanduú yaaér Eufratero, ar fur'aarós ar kahamiis, yaeedá' iri qasít, tari yau faanqw. Muu iri waraahh ar ya'a'.

ISAYA 11:16

Didá' iri loohír ur tleehhít ar Ashurúr daahh, asma panoó mukós kudaádá' aa Ashurúr i meet, adoodá' aa tleehharut qoomaadá' múk Israeli niwa yaamaá Misrír wa ti'iít.

ISAYA 43:16

AAKOÓ MUNGÚ i kaahi, «Kudá' loohi gaa tla/ángw tláwtár tleehh, kudá' loohi gaa tleehh ar baraá ma'aá yaariir.

ISAYA 51:10

Ahaá kudá' tlawi gaa kahaas a kuungekáhe? Kudá' iloodá' uren awa ma'aay gaa kahaas, kudá' loohi gaa baraá iltá ma'ár tleehh as kahhó' mukdá' taa ba/amís iwa waaraahhi.

ISAYA 63:12

Inós handá' ar /uuruuwose tlehhma'aá waa/oo/amo gina tleéhh ar dákw Mose. Kudá' tlawi gaa dír geeraaín wa tla/a tsaat as tiwa umuú alhhe'eesay wásl i slay.

ISAYA 63:13

Inós inooín gina geerahaár baraá iloodá' sawene, adór faraásír baraá xaanxaay, tam ya'aaín ngaa tunqala/ani'iiká.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

FAARO 33:8

Tari Pi-hahirotír wa tláy, tari waaraáhh ar baraá tla/ángw tlawtá Shamu, ay baraá xaanxoó Etamu. Tari baraá xaanxoó Etamúr wa hi'iimiít deelo tám, xafay'ín kuri tleéhh dír ta bay Mara.

1 Korinto 10:1

Hhaee'eé', aníng kuungá' nu inslawtisár wa slaá' kángw baabi'iirene. Qoomaadae inooín sleémeero ta baraá guruú huunki, sleémeero tana waraáhh ar baraá tlawi.

Ebrania 11:29

Múk Israeli iri waaraáhh ar haratlintaao ar baraá tla/ángw tlawtá Siria adór yaamaá kaahaár wa ale. Múk Misri adoodá' múk Israeli aa tleéhh kawa iiár eeharto, kiri guú/ nee ma'aay.

YOSHUA 3:16

ma'aydá' gáwtá wa wa/amiimá' niri sihhiitiyé' adór ufa, niri saweesiyé' ay amór yaamaá Adam, iisaapoó gixsár Saretani. Qoomár yaae wa/amíngw amór Tlawtá Diwi nguwa meér, muu iri waaraáhh gayuú Yeriko.

YOSHUA 3:17

Qoomár kaahamuuseedá' sandakmoó alqadór AAKOÓ MUNGÚ gu loohiis iwa sihhít baraá ma'aáy, ma'aá didá' niri /oné', inooín nina didá' wa sihhmamitiyé' ay qoomár muu sleémeero iwa faakiís warahhuuwo ar baraá yaamaá kaahaar.

YOSHUA 4:22

Daqaní ki beera', ‹Tlaa/eeká' atén ti inslawtimisiyá' daanduú bál xoorór Israeli yaaér Yordani ngiwa waaráhh ar yaamaá kaahaar.›

1 SAMUELI 25:16

Mukwí atén tina harweér adór slumtá atén taa baq xweera nee tlaatla/aango, qooma sleémeero tawa bee/ángw de'eemaán.