TI'INAANGW 14:21 - Biblía Axweesantá Hhohho' ar Mungú 2004

²¹ Mose dakós guri looloqoós gawaá daanduú tlawi. AAKOÓ MUNGÚ tlawi gari tla/a tsaát ar fur'ár da/aá daahh xweera sleémeero, tlawi iri yaamaá kaahaar tleehhít, ma'aay niri tla/a tsatiitiyé'.

TI'INAANGW 14:21 Iomraidhean Croise

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

2 WAAWITÁ 2:8

Eliya tlawuwós guri duúx guri marmaár, ma'aay giri slaáhh, ma'aay nay tla/aa qasitiyé' bihhe tsár, inooín tari yaamaá kaahaár waaraáhh ay gayuuqá'.

NEHEMIA 9:11

Tlawi ana tla/aa qasís dír ilaaín wa aleeró, inooín tay waraáhh ar baraá tla/ángw tlawi ar yaamaá kaahaar. Ala múk Misri kudá' gaa eehar kiri kwáhh adór tlaa/anoó iiloó' i baraá ma'aá yaariir.

YOBU 26:12

Ar /uuruuwose tlawi gan xasltis, nee ar tsaahharose makiito'odár baraá tlawi ta bay Rahabu gan tsaees.

YOBU 38:24

Loohír tar hardararahi didá' gwa/aateema kiwa amslaasliti a gaalá? Nee didá' fur'ár da/aá daahh kawa yaamií diyaa/i a diima?

WARA'AMI 136:13

Inós tlawtá Shamu gaa qasiís, Asma sla'aarirós i warqeeraaká ay alhhe'eesay wasle!

WARA'AMI 148:8

AAKOÓ MUNGÚ xirfayeesaak, kuungá' asla nee tluwoó tlaa/e, theluji nee tlaangú, fur'ár bambaao ar fukukuu', tidaádá' hara'ayaarós gaa boo/es.

WARA'AMI 66:6

Tlawi gana warqeés tari yaamaá kaahaar, baraá yaaeero muu iri waaraáhh ar ya'a'. Amoodá' an amór nguwa saqwalaala/iyé'.

WARA'AMI 74:13

Kuúng tlawi ana tla/aa feehhís ar /uuruuwók, sagér dayshedá' uren ar baraá tlawi ana naasuúr.

WARA'AMI 78:13

Tlawi gana qasiís, inooín giri baraadár waarahhaás, ma'aay giri sihhtís adór koo/i.

TI'INAANGW 14:16

Kuúng hhartók gáwtí tleeseek, ka looloqós gawaá tlawi, ka qasís, múk Israeli tlawi ngi tla/a waaraahhi ar baraá yaamaá kaahaar.

TI'INAANGW 14:20

Uhmoodá' iri sihhiít tla/ángw slaqwaruusér Misri nee xoorór Israeli. Uhmooduú huunki múk Misri guna giwís, ala múk Israeli xweeraawo guna i gwa/aát, gawaá adoorihe slaqwaruusér Misri múk Israeli gwa i tseewuuriiká xweera sleémeero.

TI'INAANGW 15:8

Ar hiinsluú dungaawoge ma'aay nay burumburitiyé'. Gwaanduú ma'aay iri sihhiít adór koo/i, iloodaá baraá tlawi tiri haragwaaiyé'.

TI'INAANGW 7:19

AAKOÓ MUNGÚ Mose guri báy, «Aroni ku beer, ‹Hhartók taatahheek, gáwtí tleeseek gawaá ma'aá yaamaá Misri, gawaá ya'aá Misri nee mapeero, nee tlahheeso, nee tlahheesooín sleémeero awa taa tlehhiiti, sleémeero niri tseerdu tleehhitiyá' baraá yaamaá Misri sleémeero, tam kudaá baraá xooslaá xaai nee awa tlaa/eewo.› »

ISAYA 23:11

Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ISAYA 43:16

AAKOÓ MUNGÚ i kaahi, «Kudá' loohi gaa tla/ángw tláwtár tleehh, kudá' loohi gaa tleehh ar baraá ma'aá yaariir.

ISAYA 44:27

Aníng an kudá' ilo gi babáw, «/Oomé'.» Nee yauuhúng in kahaás.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 51:10

Ahaá kudá' tlawi gaa kahaas a kuungekáhe? Kudá' iloodá' uren awa ma'aay gaa kahaas, kudá' loohi gaa baraá iltá ma'ár tleehh as kahhó' mukdá' taa ba/amís iwa waaraahhi.

ISAYA 51:15

Aníng a AAKOÓ MUNGÚ, Munguúwók, aníng tlawi an /eera gaás nee gwaanduú ma'aay iri /orootl. Umuueé' an AAKOÓ MUNGÚ Aleesleemusmo.

ISAYA 63:12

Inós handá' ar /uuruuwose tlehhma'aá waa/oo/amo gina tleéhh ar dákw Mose. Kudá' tlawi gaa dír geeraaín wa tla/a tsaat as tiwa umuú alhhe'eesay wásl i slay.

ISAYA 63:13

Inós inooín gina geerahaár baraá iloodá' sawene, adór faraásír baraá xaanxaay, tam ya'aaín ngaa tunqala/ani'iiká.

HABAKUKI 3:8

Aá AAKOÓ MUNGÚ, kuúng anaqo búhhi gawaá yau? Laqaá anaqo tláwtí búhhi? Qoomár tawa tsa/aán gawaá farsuuwók, nee tawa tsa/aán gawaá gaarduwók kudaá arba/ati.

Tlehhema'aá ya/Abuuse 7:36

Kwí an kudá' inooín nga duux, layu gina tlehhiít nee muruú waa/oo/amór koóm baraá yaamaá Misriro, nee baraá tlawtá Shamú wa ale, nee baraá xaanxaay, ar har kureeri mibeeri tsiyáhh.

YOSHUA 2:10

Asma aga axaasaán adoodá' AAKOÓ MUNGÚ tlawtá Shamu ngira kahaás geerahúng wa alé, qoomaadá' niwa baraá yaamaá Misrír wá ti'ité'. Slám atén aga malé axaasaán adoodá' kuungá' Sihoni nee Ogu kira tsu/é', waawituú tsár oo múk Amori kuduú gayuú da/aáw yaaér Yordaniro.

YOSHUA 3:17

Qoomár kaahamuuseedá' sandakmoó alqadór AAKOÓ MUNGÚ gu loohiis iwa sihhít baraá ma'aáy, ma'aá didá' niri /oné', inooín nina didá' wa sihhmamitiyé' ay qoomár muu sleémeero iwa faakiís warahhuuwo ar baraá yaamaá kaahaar.

YOSHUA 4:23

Asma AAKOÓ MUNGÚ, Munguúhúng, ma'aá yaaér Yordani gina kahaás as kuungá', ay qoomár kuungá' tawa waarahhé', ar adoodá' aa tleéhh dirén, qoomár tlawtá Shamu ngiwa kahaás, ay qoomár atén tawa waarahhaán.