TI'INAANGW 14:16 - Biblía Axweesantá Hhohho' ar Mungú 2004

¹⁶ Kuúng hhartók gáwtí tleeseek, ka looloqós gawaá tlawi, ka qasís, múk Israeli tlawi ngi tla/a waaraahhi ar baraá yaamaá kaahaar.

TI'INAANGW 14:16 Iomraidhean Croise

2 WAAWITÁ 4:29

Gehasi guri báy, «Siinootiím, are hhartaeé' tisíng huweek, gaanslár tlaw. Ma sihhiitaar, baraá loohiro hee mu laaw'eesaar, tam heé kuúng ugwa laaw'ees baraá loohiro ma ilawatsaar. Humaamísh amór do', hhartaeé' tí qaaseek gawaá gitsee/aá na/aay.»

TI'INAANGW 14:15

AAKOÓ MUNGÚ Mose guri báy, «Waáy, án mis i /aa/aamiín? Múk Israeli ádbaweek tawa geerií kumiiti.

TI'INAANGW 14:26

AAKOÓ MUNGÚ Mose guri báy, «Dakók looloqooseek gawaá daanduú tlawi, as ma'aay niwa ki/iya' gawaá múk Misri, nee gawaá gaarduuín, nee gawaá mukdá' gaardaá madiít!»

TI'INAANGW 17:5

AAKOÓ MUNGÚ Mose guri báy, «Kuúng nee bariisér Israeliro geeraá muksíng i waarahhaak, hhartók tidá' yaaér Nili kara sláhh, masók a koón dakoge.

TI'INAANGW 17:6

Ga/aaweek, aníng a sihhiít geerawógí ale gawaá daanduú tlaa/adár Horebu, kuúng daqaní tlaa/adá' ka sláhh, nee ma'aay niqo ti'iitiyá' as muu iwa wahi.» Mose adoodá' gari tleéhh dír geeraá bariisér Israeli wa alé.

TI'INAANGW 4:17

Kuúng hhartí dakoge ooheek, nee ar hhartihe layuuká' kiri tléhh.»

TI'INAANGW 4:2

AAKOÓ MUNGÚ guri báy, «Gaasíng ta koon a milá baraá dakoge?» Mose iri oó' «A hhara.»

TI'INAANGW 4:20

Naagáy Mose hareerós nee daaqaywose giri tsa/aás gawaá daqwaay, iri kií/ baraá Misri. Mose baraá dakose i hhartadár Mungú kón.

TI'INAANGW 7:19

AAKOÓ MUNGÚ Mose guri báy, «Aroni ku beer, ‹Hhartók taatahheek, gáwtí tleeseek gawaá ma'aá yaamaá Misri, gawaá ya'aá Misri nee mapeero, nee tlahheeso, nee tlahheesooín sleémeero awa taa tlehhiiti, sleémeero niri tseerdu tleehhitiyá' baraá yaamaá Misri sleémeero, tam kudaá baraá xooslaá xaai nee awa tlaa/eewo.› »

TI'INAANGW 7:9

«Qoomár Farao burna báy, ‹Waa/oo/amo tleehhaak,› daqaní kuúng Aroni ku beer, ‹Hhartók taatahheek, dír geeraá Farao ti kwahh, daqaní i dayshamo tleehhít.› »

ISAYA 10:26

AAKOÓ MUNGÚ Aleesleemusmo qawaywós gun gáwtí tleés, adoodá' múk Midiani ngura muúx dír tlaa/ár Orebu wa ale, hhartós gan looloqoos gawaá daanduú tlawi. Inós ga gáwtí tlees ar adoodá' aa tleéhh dír múk Misri.

HABAKUKI 3:8

Aá AAKOÓ MUNGÚ, kuúng anaqo búhhi gawaá yau? Laqaá anaqo tláwtí búhhi? Qoomár tawa tsa/aán gawaá farsuuwók, nee tawa tsa/aán gawaá gaarduwók kudaá arba/ati.

FAARO 20:11

Naagáy Mose dakós guri gáwtí tleés, tlaa/a gari sagaáwa tsár wa slaáhh ar hhartós. Ma'aá yaariir niri wa/iyé', muu nee hikwaine niri wahiyé'.

YOSHUA 8:18

Aluuwo AAKOÓ MUNGÚ Yoshua guri báy, «Lawaalaasír gawaá dakók loloqooseek amór Ai, aníng Ai ngi gawaá dabaawók i qaás.» Yoshua lawaaladá' gay looloqoós amór gixsadár Ai.