TI'INAANGW 14:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ kuungá' nu aleslaaqw, kuungá' garhúng a tawo xasliita kilós.»

TI'INAANGW 14:14 Iomraidhean Croise

2 QOM'I 20:15

Yahasieli iri oó', «Iia qaasaak, kuungaá múk Yuda nee yaamuloouusér Yerusalemu dinkwa nee waawutmo Yehoshafati! AAKOÓ MUNGÚ i kaahi, ‹Ma da'ayuumitaara', laqaá ma amoqwaqwadimara' as slaqwaruuseerí yaariir. Slaqwararí a toohungeeká, slaqwaraarí ar Mungú.

2 QOM'I 20:17

Kuungá' a slaqwa'aaká nee inooín, kuungá' ti amohhe'ese' daqaní ka daandá', kuungá' aqo aandá' adór anuú AAKOÓ MUNGÚ nir kitangwhúng wa slaáqw. Kuungá' múk Yuda nee oo Yerusalemu, ma da'ayuumitaara', laqaá ma amoqwaqwadimara'. Tlawsé', slaqwara awaak matlo, AAKOÓ MUNGÚ a dinkwa nee kuungá'.› »

2 QOM'I 20:29

Waawituú xoordaá hatlá' kaangwí kuwa axaás, oo AAKOÓ MUNGÚ wakuusér múk Israeli ngiwa baál, inooín Mungú nguri da'ayuutiyé'.

NEHEMIA 4:14

Ngiwa ár adór muu ir daimiít, múk urén nee geeraharuuse nee muu sleémeero una báw, «Ma da'ayuumitaara' tam adór niiná, Aako na iinslawaak, adór kur úr, nee ir dae tlaáq, ala hhaeehúng na sageslaqwaak nee daaqayhunge nee dasuuhunge nee tlaawayhunge nee marayhunge.»

NEHEMIA 4:20

Umuúqo dír ti diria ar tawa gadiyus bar tarumbeéta aga axás, ta'aimáng amoorén ar gaanslaay. Munguúrén atén ti sageslaaqw.»

NEHEMIA 9:11

Tlawi ana tla/aa qasís dír ilaaín wa aleeró, inooín tay waraáhh ar baraá tla/ángw tlawi ar yaamaá kaahaar. Ala múk Misri kudá' gaa eehar kiri kwáhh adór tlaa/anoó iiloó' i baraá ma'aá yaariir.

WARA'AMI 35:1

AAKOÓ MUNGÚ kudá' aníng i il/aamá', ila/eek, aleeslaqwáng dír mukdá' nee án slaqwa'a.

WARA'AMI 50:3

Munguúrén ni hardah, slám ni qawti hardihiiká, asltá /ayiim i dír geeraawós wa hi'ít, nee bambaaór duhhúm i fukuukú' nguwa harwedit badu sleémeero.

WARA'AMI 83:1

Aá Mungú, kuúng ma xasliitaar, Aakoó Mungú, kuúng ma dirógií xasliitaar.

TI'INAANGW 14:15

AAKOÓ MUNGÚ Mose guri báy, «Waáy, án mis i /aa/aamiín? Múk Israeli ádbaweek tawa geerií kumiiti.

TI'INAANGW 14:25

Ya'aá gaarduuín giri hhitín, gaardu nari hi'iimitiyé' ar tseegamis, múk Misri iri oó', «Gusé', a guwaán geeraá múk Israeli wa ale, asma AAKOÓ MUNGÚ i barti'ín wa slaaqw amoorén i ale.»

TI'INAANGW 15:3

AAKOÓ MUNGÚ an migusmoó slaqwara, umuuwós an AAKOÓ MUNGÚ.

ISAYA 30:15

Asma Aakoó MUNGÚ, Kudá' Hhoohhoó' oo Israeli i kaahi, «Kuungá' an ba/aandá' ar loohír niwa amor'eéní ki/a' nee tawa dir'eéní xaslita'. Kuungá' bara xaslité' nee aníng bira harahhifé', daqaní /uuru u sleerá'.» Ala kuungá' adoorí aga slai'iiká.

WA/AA/I 3:26

A gár hhoo' hee ba/amár AAKOÓ MUNGÚ ngiwa daamaaran ar qitla.

DABE 1:30

AAKOÓ MUNGÚ, Munguúhúng kudá' kuungá' nu geerahaar inós kuungá' nu aleeslaaqw adoodá' aáng aa dír geeraahúng wa tleéhh baraá yaamaá Misriro, nee

DABE 20:4

Asma AAKOÓ MUNGÚ, Munguúhúng i dinkwa nee kuungá' baraá slaqwaraaro. Inós i slaaqw kitangwhúng wa ale, amór wakuuserhúng, nee nuri baalírí haniis.›

DABE 3:22

Mada'ayumiitaara', asma AAKOÓ MUNGÚ, Munguúhúng kuungá' nu aleeslaáqw.›

YOSHUA 10:10

AAKOÓ MUNGÚ múk Amori guri dae tsaát dír slaqwaruusér Israelír wa aleeró. Múk yaariír kuri tsuú/ nee múk Israeli baraá Gibeonír wa ale, kuri eehár ay Bet-horoni, kuri alkón, kuri puruúts ay Aseka nee Makeda. Amoodae múk yaariír kuri tsuú/ sleeme.

YOSHUA 10:14

Baalár adoorí aa baloó tleehharutká nee deelór adór tí i kaakáhh sleeme, ar AAKOÓ MUNGÚ afór hee ngiwa axaás. Asma AAKOÓ MUNGÚ ina bartá múk Israeli áy slaqwaraaro.

YOSHUA 10:42

Yoshua waawitaáwí sleémeero guna baál ar wa'aá wák, nee yaamuuín giri hayóh. Inós adoorí gana aleesláy tleehhamooro asma kuna aleeslaáqw nee AAKOÓ MUNGÚ, Munguú Israeli.

YOSHUA 23:10

Heé wák baraá tla/angwhunge kumuú xooro gun tlatlahhaas, asma AAKOÓ MUNGÚ Munguúhúng kuungá' nun aleeslaaqw ar adoodá' ngira al'axweés.

YOSHUA 23:3

kuungá' tlehhmi'iidá' sleémeero AAKOÓ MUNGÚ aa tlehhaahhiít as kuungá' dír xoordudá' baraá yaamuuká' hootá' iga aandé'. Asma AAKOÓ MUNGÚ, Munguúhúng, kuungá' nuna aleeslaáqw.

HAR'OHUUSE 5:20

Tsatse/uú gawaá doori ina dinku'uús baraá slaqwararo, loohir'ín gana eehár tari slaáqw nee Sisera.

1 SAMUELI 4:7

tari da'ayuút. Tari oó', «Mungui naa hardihiyé' baraá xafoó xoorór Israeli, a tsaxwaarén! Gár adór tí aga baloó araaniiká.