TI'INAANGW 14:10 - Biblía Axweesantá Hhohho' ar Mungú 2004

¹⁰ Qoomár Farao iwa tseewúy didií alé nee múk Misriro, múk Israeli gari ár, múk Israeli iri amór AAKOÓ MUNGÚ i /aa/amín ar daér yaariir.

TI'INAANGW 14:10 Iomraidhean Croise

2 QOM'I 18:31

Geeraharuuseedá' gaardaá madiit Yehoshafati nguwa ariyé', tari oó', «Waawutmoó Israeli areengw.» Nguri i warqayé' slaqwaraaro. Yehoshafati iri gáwtí tseé', AAKOÓ MUNGÚ guri alee/iís, mukdá' inós gwa i haratlay guri hingeés.

NEHEMIA 9:9

«Slahh'ámuú baabi'iirén una aán qoomár iwa baraá yaamaá Misrírí dirii'iya' nee alee/isaywók nguwa firiné' dír afaá tlawtá Shamuwo, kuúng ina iiárií qás.

WARA'AMI 106:44

Ala tam adoorihe Mungú slahh'amuuín guna gaárí xuú', qoomár /aa/eeín ngiwa axaás,

WARA'AMI 107:13

Baraá slahh'amuine AAKOÓ MUNGÚ kuri i /aá/, inós giri ba/amís baraá slahh'amuú wa ale.

WARA'AMI 107:19

Baraá slahh'amuine AAKOÓ MUNGÚ kuna i /aá/, inós giri ba/amís baraá slahh'amuine.

WARA'AMI 107:28

Baraá slahh'amuuine AAKOÓ MUNGÚ kuri i /aá/, inós giri ba/amís baraá slahh'amuuine.

WARA'AMI 107:6

Baraá slahh'amuine AAKOÓ MUNGÚ kuri i /aa/amín, inós giri ba/amís baraá slahh'amaayer'ine.

WARA'AMI 34:17

Qoomár múk ganaá' bir /aa/amín amór AAKOÓ MUNGÚ, gin iiárií qaas, giri ba/amis baraá slahh'amaayer'ine.

WARA'AMI 53:5

Didae dae giri eér, daér taa baloó xuiiká. Asma Mungú fadaá múk tlákw gi tsiyayaax. Giri mureekees, asma AAKOÓ MUNGÚ inooín gaa sií'.

WARA'AMI 81:7

Qoomár slahh'amaayeero ina atét, uri ba/amís, una mu/aywaáts baraá lu/aaroó mankarto, una iiár dír ma'aá Meribár wa ale.

TI'INAANGW 13:17

Qoomár Farao múk Israeli nguwa geemáy, Mungú gaa slaiiká ngiwa waarahhaasi ar baraá yaamaá Filisti, loohidá' tam ka tseewe, asma Mungú ina oó', «Mukwí bar nee slaqwaruuse taa doogiyé' i daba' tsatitiyá', ki/imaá Misri ngiri fitliná'.»

TI'INAANGW 15:25

Inós iri /aá/ amór AAKOÓ MUNGÚ, AAKOÓ MUNGÚ guri xa'anoó i laqán, inós guri /aytiís baraá ma'aydá', ma'aay niri tsuuiyé'. Didae AAKOÓ MUNGÚ xoorór Israeli gana kaahirós i haniís nee hara'ayaro. Diirihe inós gina iiár.

ISAYA 26:16

Aá AAKOÓ MUNGÚ, qoomár niwa slahhahhaiya' nina amorógí /akumitiyé', qoomár kuúng kiwa slahh'eemís, kuúng uri firariné'.

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

YEREMIA 22:23

Kuungá' yaamuloouusér Lebanoni, handá' maraá hotaangw iga tlehhé' tla/eeraá xaa'aá sahhta, xáy adór tir tu/a' a adoomá dír slahh'amuudá' hi'iita, slahh'amuú adór kuquú /ameenír xwayla.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

YOSHUA 24:6

Baabi'iihúng ngiri baraá Mísrír wa duúx, tari hardaté' afaá tlawtá Shamu. Aluuwo xoorór Misri xwaylitérhúng ngiri aluú wa gús. Múk farsuú i tsa/aa/ám kuri ya/aáw nee gaarduuín awa muqsla ay afaá tlawtá Shamu.

YOSHUA 24:7

Xoorór Israeli niwa amór AAKOÓ MUNGÚ wí /aa/ír, aníng giwti ngari tla/angwhúngí qaás nee múk Misri, ma'aá tlawi ngiri gawaaíní xoptís. Kuungá' ilahunge muruudá' naa tlehhiít ugwa aandé'.› «Aluuwo kureeraá yaariire tari baraá xaanxáy wa hoté'.

1 Yohana 4:18

Baraá sla'aariro dae i káhh. Ala sla'aarír ganaa' dae gan hingés. Asma dae i sakwasleemár koón. Heé da'ayuumiít baraá sla'aariro aa ganaiiká.