TI'INAANGW 13:7 - Biblía Axweesantá Hhohho' ar Mungú 2004

⁷ Mikaátér ta sluuftisiiká an /agá' deelo faanqw, ala mikaátér taa sluuftís nee gadaádá' kar sluuftimamisi miwa baloó deeruút baraá ayahunge.

TI'INAANGW 13:7 Iomraidhean Croise

TI'INAANGW 12:15

«Mikaátér taa sluuftisiiká an /agá' deelo faanqw. Bál geeraawo muruudá' taa sluuftís sleémeero un duxá' baraá marayhunge, asma umuúqo heé gár taa sluuftís gaa /aay iimír bál geraá wá ale ay bál faanqw, heé adoosíng a tlatlahhasa baraá xoorór Israeliwo.

TI'INAANGW 12:19

Baraá deeloosíng faanqwe gár sluuftimis miwa deerút baraá marayhunge, asma umuúqo heé gár taa sluuftís gaa /aay, heesíng aqo kun tlatlahhaas dír múk Israeliwo, a gaarooká inós bar hoomo laqaá bar heé Israeli.

Matayo 16:6

Yesu iri oó', «Qaytsité', ti harmagahhe' nee gadaádá' ta mikaátér sluuftimiisi ar múk Farisayo nee ar múk Sadukayo.»

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.

DABE 16:4

Har afiqoomár deelo faanqw hee baraá yaamuuhunge gadaádá' mikaáte kar sluuftimisi mingiwa baáts baraá do'ós, nee fu'unaá makiito'oodá' taa gaás tsiindaá bál Pasaáka kuwa iimu/u/uunda', mindiwa meetiyé' baraá do' ay matlaatle.

YOSHUA 5:11

Looaytleérós alaá deeloodár Pasaákuwo balángw yaamuudá' ngway /ayiyé'. Kooko nguna pu/áy tleehhiyé', nee oo hatlá' ngway tleehhiyé' ar mikaátér taa sluuftisiiká.