TI'INAANGW 13:3 - Biblía Axweesantá Hhohho' ar Mungú 2004

³ Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 13:3 Iomraidhean Croise

IIMU/UUNGW 15:16

Xwaylarók nin diirí kí/ qoomár qartá tsiyahhe. Asma tlakweemaá múk Amoni sakwasleemar'ín aa xeeriiká.»

1 WAAWITÁ 8:42

(asma múk xoordaá hatlá xirfuuwók ngu axaasiyá' nee aleesleemuuwók nee /uuruuwoge,) heewí birna hardáh, kuúng uri firín baraá do'owí wa alé,

1 QOM'I 16:12

Tlehhmii'iiwós kudaá waa/oo/amo aa tlehhiít inslawaak, nee muruú xuaawaslene, nee kwasleemarós tidá' aa kaahi,

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

NEHEMIA 9:10

Layu nee muruú waa/oo/amoro ina tlehhít dír Farao nee sagadiyuuseerós nee dír múk yaamuudá' sleémeero, asma kuúng ana xú' adór bariiseerén ngira baramaanuusiyé'. Kuúng umuuwók kuri iia tleerés ay laarí.

WARA'AMI 105:5

Inslawaagáy tlehhmi'iidá' waa/oo/amo inós aa tleéhh, waa/oo/amoorós nee kwasleemadá' aa tlaáq,

WARA'AMI 114:1

Múk Israeli niwa tláy baraá yaamaá Misriro, xwaylár Yakobo niwa tleér yaamaá ayá heewo,

WARA'AMI 136:11

Múk Israeli guri duúx baraá tla/angw'ín wa aleeró, Asma sla'aarirós i warqeeraaká ay alhhe'eesay wasle!

WARA'AMI 136:12

Ar dakós oo /uuruú koóm nee oo aleesleemuú kooma, Asma sla'aarirós i warqeeraaká ay alhhe'eesay wasle!

WARA'AMI 89:14

Gan'amu nee sakwasleemár ganaa' an iihhafiirír waawuti'iimarók, sla'aarirók ar warqawaaká nee inkihhimu ki geehhoo', baraá umuúqo gár ta tlehhiita.

TI'INAANGW 12:15

«Mikaátér taa sluuftisiiká an /agá' deelo faanqw. Bál geeraawo muruudá' taa sluuftís sleémeero un duxá' baraá marayhunge, asma umuúqo heé gár taa sluuftís gaa /aay iimír bál geraá wá ale ay bál faanqw, heé adoosíng a tlatlahhasa baraá xoorór Israeliwo.

TI'INAANGW 12:17

Baalaadár mikaátér taa sluuftisiiká an insleerá', asma baalaasír kilae aníng slawoohúng ina duúx baraá yaamaá Misrír wa ale, as adoorí baalaasíng inslaslawaak tam qari sleémeero ar hi'iita. Dakwí in kumamiit ay kureeraá kureér.

TI'INAANGW 12:19

Baraá deeloosíng faanqwe gár sluuftimis miwa deerút baraá marayhunge, asma umuúqo heé gár taa sluuftís gaa /aay, heesíng aqo kun tlatlahhaas dír múk Israeliwo, a gaarooká inós bar hoomo laqaá bar heé Israeli.

TI'INAANGW 12:2

«Slahhaangwí daqaní a slahhángw geera baraá slahheeraá kurko dirhunge.

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 12:42

Xweeraá baalaadá' a xweeraá AAKOÓ MUNGÚ iwa dalaá' as múk Israeli nguwa baraá yaamaá Misrír wa duuxi. As adoorí i hariín múk Israeli xweeraá dal'ame awa baalaadá' ngiwa inslaslaya' as AAKOÓ MUNGÚ nguwa ilaiwawa/iya', inooín nee xwaylar'ín sleémeero.

TI'INAANGW 12:8

Fu'unaydá' ki /ayi xweeraadaá kilae, masók kaa daá/, ki /ayi dinkwa nee mikaátér ta sluuftisiiká nee naanuú manákw.

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 20:8

«Deelór Sabaáto inslaweek kawa hhoohhooes.

TI'INAANGW 23:15

Deelór ur ar mikaátér taa sluuftisiiká an tlehhá' ar adoodá' ngira hara'ayiím. Mikaátér taa sluuftisiiká an /agá' deelo faanqw qoomár slahhangwdá' niwa ti'ité' baraá Misriro oo ta bay Abibu. Nee umuúqo heé deeloorí nga boo/eesár ayi mindiwa geeraaeé' daqáy ar dákw kaahaár.

TI'INAANGW 3:20

Aníng dakw'eé' un gáwtí tleés, yaamaá Misri ngiri slaáhh ar waa/oo/amor'eé' sleémeero tidá' ni tleéhh tla/angw'ín wa alé, daqaní waawutmo nuri ya/ámár i haniis tawa tleera'.

TI'INAANGW 34:18

«Deeloodá' ur ar mikaáteedá' taa sluuftisiiká inslawaak. Mikaáteedá' ta sluuftisiiká an /agá' ay deelo faanqw ar adoodá' aníng ngira hara'ayiím, qoomaadá' taa qaroó qaás ar slahhángw ta bay Abibu, asma an qoomár kuungá' niwa baraá yaamaá Misrír wa ti'ité'.

TI'INAANGW 6:1

AAKOÓ MUNGÚ Mose guri báy, «Daxta kuúng adór aníng Farao ngu /imiis a aán. Asma ar dákw /uuruú kooma inós ku harakees muu nguwa geemay. Ar dákw /uuruú kooma inós gay guus baraá yaamuuwose.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

TI'INAANGW 7:4

Farao kuúng u iiárií qaasiiká, ala aníng dakw'eé' u gáwtí tleés, yaamaá Misri ngiri slaáhh ar xarasleema, muk'eé' oo Israeli ar adoodá' daqooráy'ín i dirii'i nguri duúx baraá yaamaá Misrír wa alé ar tlehhma'aá uren awa sakwasleema.

YEREMIA 34:13

«AAKOÓ MUNGÚ, Munguú Israeli i kaahi, ‹Alqado ana qaás nee baabi'iihúng, qoomár ngiwa baraá yaamaá Misrír wa duúx, qoomár inooín tawa lawaale, ngiri báw,

DANIELI 9:15

«Hám daxta, aá Aakoó Munguúrén, kuúngudá' mukók ngwaa dux baraá yaamaá Misrír wa ale, umuuwók kway iia tleerés ay laarí. Hamí an kaahaan atén aga dakusaán, tlakweema iga tleehhaán.

Matayo 10:12

Kuungá' bara hardaté' dír doó hee, ta oa', ‹Wayda dirhúng.›

Luka 22:19

Aluuwo mukatmo guri óh, iri sluufiís, guri parhhamiís, guri dir'ín i haniís iri oó', «Gaarí a slaqwte'eé' [ar tinda haniís as kuungá'. Adoorí tlehhiitaak as inslaslangw'eé'.»

1 Korinto 11:24

iri sluufiís, guri parhhamiís, iri oó', «Gaarí an slaqwte'eé' ar tinda haniís as kuungá'. Adoorí tlehhiitaak as inslaslangw'eé'.»

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.

Efeso 1:19

Slám kawa xua' hhoohhooaarír uroó aleesleemuuwós baraá ateéká' haratlintatia'a.

DABE 13:10

Tlaa/e tir tlaqute' ay dír i gwaai, asma inós i múk amoqwaaremiis dír AAKOÓ MUNGÚ, Munguúhúnge, kudá' kuungá' naa baraá lawaali'iimár yaamaá Misrír wa duux.

DABE 13:11

Gawaá adoorihe, múk Israeli sleémeero kaangwí guri axaas, tari da'ayuut, nee tlakweemaá adór kuká' tleehharo tari baloó ki/iiká.

DABE 13:5

Ala aaruuseedá' sleémeero nee mukduú tlata sleémeero un tsu/á', as lameemo nee al/ayma ngiwa axweesiyá' daanduú AAKOÓ MUNGÚ, Munguúhunge, kudá' kuungá' naa baraá yaamaá Misrír wa duux, nee naa baraá lawaali'iimár wa tuu/. Aaruuseedá' kuungá' nun qwaareemís baraá loohidá' AAKOÓ MUNGÚ, Munguúhúng naa kuungií hara'ayín kawa ota'. Adoorí an adoodá' tlakweema kir hingesa' baraá tla/angwhunge.

DABE 13:6

«Barnaxes hhiyaawók oo kilá', laqaá garmaawók, laqaá dasiirók, laqaá hareerók tidá' handá' ta ló'wa sla', laqaá mulqumoowók kudá' ta ló'wa sla', un mihaayín ar baraá naaqo, iwa ooin, ‹Qwaláng, munguaá hatlá' i sluufmisuú awaán.› Kudá' handá' kuungá' ta xu'uká, laqaá baabi'iihúng sleeme,

DABE 15:15

Tí inslawaak, asma aáng kuungá' a lawaale baraá yaamaá Misriro, nee AAKOÓ MUNGÚ, Munguúhúng kuungá' nuna baraadá' wa tuú/, an gár laarí aníng kuungá' nusa adoorí báw.

DABE 16:1

«Deelór ur ar Pasaáka tleehhaak qoomár slahhángwdá' ta babay Abibu, as AAKOÓ MUNGÚ, Munguúhúng, asma slahhángw Abibu AAKOÓ MUNGÚ, Munguúhúng kuungá' qoomár xweeraawo nuna baraá yaamaá Misrír wa duúx.

DABE 16:12

Tí inslawaak, adór kuungá' aáng tar lawaale baraá yaamaá Misriro, gimsé' kaahirí ló'wa harmagahhaak kawa ota'.

DABE 16:3

Ilahhooarí ma al/ayaara' nee mikaátér taa sluuftís. Deelo faanqwe mikaátér taa sluuftisiiká na /ayaak, inós kan babay mikaatér slahh'eemis, asma kuungá' ana gaanslár ti'ité' baraá yaamaá Misriro, gawaá adoorihe, deelo sleémeero kuungá' deeloodá' tawa baraá yaamaá Misrír wá ti'ité' an inslasleerá'.

DABE 24:18

Inslawaak adór kuungá' aáng tar lawaale baraá yaamaá Misriro, nee AAKOÓ MUNGÚ, Munguúhúng nuna tuú/ baraadá' wa ale. Gawaá adoorihe án kuungá' nu baw, adoorí tleehhaak.

DABE 24:22

Inslawiimé' adoodá' kuungá' aáng tar lawaale baraá yaamaá Misriro. Gawaá adoorihe án kuungá' na ádbáw adoorí kawa tlehha'.»

DABE 26:8

Naagáy AAKOÓ MUNGÚ, atén tiri duúx baraá yaamaá Misrír wa ale ar /uuruuwós, nee ar dakós kudá' aa tleés, nee ar dae tlaqa, nee ar aleesleemu, nee layu nee muruú waa/oo/amo.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

DABE 5:15

Ala kuúng ma gunqarutaar adór kuúng aáng tar lawaalmo baraá yaamaá Misriro, anuú AAKOÓ MUNGÚ, Munguúwók uri baraadá' wa duúx ar /uuruueé' nee ar dakw'eé' kudá' naa gáwtí tleés. Gawaá adoorihe anuú AAKOÓ MUNGÚ, Munguúwók un babaw, deelór Sabaáto harmagahheek kawa ot.

DABE 5:6

‹Aníng a AAKOÓ MUNGÚ, Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.›

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

DABE 6:21

Daqaní kuungá' na/iihúng ki adoorír mu/aywatsá', ‹Atén aáng a lawaalér waawutmo Farao oo yaamaá Misri, ala AAKOÓ MUNGÚ atén tina baraá yaamaá Misrír wa ba/amís ar dakós kuduú /uuruú koóm.

DABE 7:8

Ala AAKOÓ MUNGÚ kuungá' nuna slaá' asma al'axweesantadá' aáng aa alqadín dír baabi'iihúng, an gár nusa ba/amís ar /uuruuwós kudá' úr, nee nuri baraá lawaali'iimár wa tuú/, baraá dabaá waawutmo Farao oo Misri.

DABE 8:14

ma daara/utara, AAKOÓ MUNGÚ, Munguúhúng kuwa gunqaresa', kudá' kuungá' naa baraá yaamaá Misrír wa duux, qoomaadá' kuungá' tawa lawaale.

DABE 9:12

«Naagáy AAKOÓ MUNGÚ aníng iri báy, ‹Tláw, aweér ar gaanslaay gawaá tloomaro, asma mukdaádá' taa baraá yaamaá Misrír wa dúx aa hhitruút. Loohidá' ngaa hara'ayiím eeharto ngaa gaanslár geexayé', slaqsoó taa kwahhuút ngwa tleehhiyé'.›

YOSHUA 24:17

Asma AAKOÓ MUNGÚ, Munguúrén, inós an kudá' atén nee baabi'iirene taa duux baraá yaamaá Misrír wa ale, yaamaá lawaali'iima kawa /ayaán. Slám laydaá uren awa waa/oo/amór koomá' gina tleéhh dír ilaarén wa ale. Inós tari deaaén baraá lohduudá' sleémeero nira ohiimani, nee baraá tla/eeraá xoorduudá' sleémeero nira waraahhani.

HAR'OHUUSE 2:12

AAKOÓ MUNGÚ nguna mayé', Munguú baabi'ii'ín, kudá' ngaa huuw iimír yaamaá Misrír wa ale, munguidaá hatlá' ngiri sluufmisuú ayé', kudaá mukdá' dír iisaapay'ínií dirií', nina xupapu'uuyé' geeraaíní ale AAKOÓ MUNGÚ nguri kwatiitiyé' ar tlehhmuuín kwí, iri qa/iít.

HAR'OHUUSE 6:8

AAKOÓ MUNGÚ aarusmo guri ya/aáw dír múk Israeli, iri oó', «AAKOÓ MUNGÚ, Munguú múk Israeli i kaahi, ‹Aníng kuungá' nuna duúx baraá yaamaá Misriro qoomár tawa lawaale,