TI'INAANGW 13:19 - Biblía Axweesantá Hhohho' ar Mungú 2004

¹⁹ Mose fadaá Yosefu giri huúw sleeme, adoodá' Yosefu ngira alqadín qoomár iwa slafi, asma ina oó', «Mungú kuungá' nu qo tu/tá áy, ala faduueé' ar ti'iitaak.»

TI'INAANGW 13:19 Iomraidhean Croise

IIMU/UUNGW 48:21

Aluuwo Israeli Yosefu guri báy, «Daxta aníng gwa'arar'eé' naa hamát, ala Mungú a dinkwa nee kuungá', inós kuungá' nu ki/is ay baraá yaamaá baabi'iihúng.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

Luka 1:58

Inslaawaywós nee mar'eefoowós kari axaás adór Aako ngira ló'wa gurtláy, sleémeero nee inose tari alqwalalaá/.

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Tlehhema'aá ya/Abuuse 7:15

Yakobo iri aweér Misri, iri gwaá' baraadií alé, inós nee baabi'iirene.

Tlehhema'aá ya/Abuuse 7:16

Tu'uuín kiri huúw ay Shekemu, kiri foól baraá qaymoodá' Abrahamu aa tlaáxw ar peésa dír daaqoó Hamórí wa ale, tidár baraá Shekemu.

Ebrania 11:22

Tam Yosefu sleeme a heé haratlintaaór koóm. Qoomár gwa'araarós iwa naká/, inós kángw ti'inángw múk Israeli baraá yaamaá Misriro guri alki/iít, hara'aya gari oó' adór faduuwós ki laqi.

YOSHUA 24:32

Fadaá slaqwtá Yosefu, kudá' aáng tinda huúw nee xoorór Israeli iimír yaamaá Misrír wa ale, kiri foól yaamaá Shekemu, dír yaamuudá' Yakobo aa tlaáxw dír daaqoó Hamórí wa ale baabuú Shekemu, ar parhheemaá muqslír peésa awa tsiiruú wák. Yaamuuká' aluuwo tari aalír xwaylár Yosefu.