TI'INAANGW 13:18 - Biblía Axweesantá Hhohho' ar Mungú 2004

¹⁸ As adoorí Mungú inooín gina geerahaár ar loohír harweeramo ar baraá xaanxaay, tidá' aa amór tlawtá Shamúr xu'. Xoorór Israeli iri tleér yaamaá Misrír wa ale taa amohhe'eesiyé' slaqwaraaro.

TI'INAANGW 13:18 Iomraidhean Croise

IIMU/UUNGW 50:25

Yosefu daaqoó Israeli guri lo'ór /aymiís giri báy, «Mungú niqo dirhúngií hardah, kuungá' nuwa ba/amisár ay. Kuungá' daqaní tuuar'eé' ka Kana'anírí hubá'.»

WARA'AMI 107:7

Gina geerahaár ar baraá loohír ganaa', tari hardáh ay dír gixsár ta hooti.

WARA'AMI 136:16

Inós an kudá' mukós gwa geerahaar baraá xaanxaywo, Asma sla'aarirós i warqeeraaká ay alhhe'eesay wasle!

WARA'AMI 68:8

yaamu nina daaraxaatiyé', tluwaay iri tlúw gawaá doorií wa ale, as hardahamuú Mungú kuduú tloomár Sinai.

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 14:2

«Múk Israeli ádbaweek, ta alií wayaai xafaay ku tleehhi geeraá Pi-hahiroti, tla/ángw gixsár Migdoli nee tlawi, geeraá Ba'al-sefoni, xafayhúng tleehhaak dír isaapoó tlawi.

TI'INAANGW 14:9

Múk Misri iri alaá múk Israelír wa eeharín, nee faras sleémeero nee gaarduuwo nee mukdá' gaardaá madiita nee slaqwaruuseerose. Inooín múk Israeli nguri aleeslayé' dír afaá tlawi, xafay'ín ngwa tleehhiyé' isaapoó Pi-hahiroti geeraá Ba'al-sefoni.

DABE 17:16

Dinkwa nee tihe inós masók a heé farsuú yaariír gu leelehhiitaaká as slaqwaruuserós, laqaá masók a heé muu gu baraá yaamaá Misrirí ki/isaaká, as farsuú yaariír kuwa sleera'. Asma AAKOÓ MUNGÚ taa gurbuú' iwa kaahi, ‹Ma baloó baraá yaamaá Misrír i ki/aara'.›

DABE 32:10

Inooín gina baraá yaamaá xaanxáy áy, darmuú tawo oo fur'ár xaraasl ga koóm, giri baqamín, giri amohhe'eemiís, giri xún adór maamár iltós.

YOSHUA 1:14

Tlaawayhúng nee na/iihúng nee hikwahunge ni meetiye' baraá ayaawí Mose naa kuungá' i haniís, amór gayuwí oo yaaér Yordani. Ala hhawaataá miguuse awa xoslaá slaqwarár koomá' ta geeraá hhaeeín wa giirin nee kiwa alee/iisi.

YOSHUA 4:12

Hhawaataá tlahhoó Reubeni nee awa Gadi nee tlaqtá tlahhoó Manase tina amohhe'eesiyé' slaqwaraaro, niri geerií waaraahhiyé' dír muu sleémeero, inooín adoodá' Mose ngaa báy ngiri tleehhiyé'.

YOSHUA 4:13

Mukdaádá' xooslár slaqwarár koóm a kume mibeeri tsiyáhh, niri geeraá AAKOÓ MUNGÚ ar waaraahhiyé' ay baraá xatstá iisaapoó Yeriko, taa amohhe'eesiyé' slaqwaraaro.