TI'INAANGW 13:16 - Biblía Axweesantá Hhohho' ar Mungú 2004

¹⁶ Tlehhmuusíng iri adór mulkír gawaá dakók tleehhiit, laqaá ar gawaá gitsee/a, ar ti inslawtamis adór atén AAKOÓ MUNGÚ tira baraá yaamaá Misrír wa tuú/ ar dákw /uuruú koóm.»

TI'INAANGW 13:16 Iomraidhean Croise

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

WARA'AMI 136:11

Múk Israeli guri duúx baraá tla/angw'ín wa aleeró, Asma sla'aarirós i warqeeraaká ay alhhe'eesay wasle!

TI'INAANGW 12:13

Tseereedá' an layár maraá kuungá' ti diria' ngi laqaam, aníng bar tseere aga sa ár kuungá' nun waawaraáhh as tsu/uta nuwa sleeraaká, qoomár bar tsu/uút baraá yaamaá Misrír wa ale.

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

TI'INAANGW 6:1

AAKOÓ MUNGÚ Mose guri báy, «Daxta kuúng adór aníng Farao ngu /imiis a aán. Asma ar dákw /uuruú kooma inós ku harakees muu nguwa geemay. Ar dákw /uuruú kooma inós gay guus baraá yaamuuwose.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

AXWEESANOÓ SAGALOOA 6:21

Hara'ayaarí baraá muunaáwók ti qas, baraá istók ti tsek sleeme.

DANIELI 9:15

«Hám daxta, aá Aakoó Munguúrén, kuúngudá' mukók ngwaa dux baraá yaamaá Misrír wa ale, umuuwók kway iia tleerés ay laarí. Hamí an kaahaan atén aga dakusaán, tlakweema iga tleehhaán.

Matayo 23:5

Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.

Tlehhema'aá ya/Abuuse 13:17

Munguú mukuú Israeli baabi'iirén gina tsawaár, giri xoorór ur tleéhh, qoomár tawa lawaale baraá yaamaá Misriro. Inós ngiri baraadá' wa duúx ar /uuruuwós.

DABE 11:18

«Axweesantí baraá munerhúng ti qase', nee baraá qeereemoohúng. /Aymi'iiká' tseegaak gawaá dabaahúng i ale, adór laya, nee ki dahasá' gawaá gitsee/erhúng, as tawa gár kuungá' nu inslawtamis.

DABE 26:8

Naagáy AAKOÓ MUNGÚ, atén tiri duúx baraá yaamaá Misrír wa ale ar /uuruuwós, nee ar dakós kudá' aa tleés, nee ar dae tlaqa, nee ar aleesleemu, nee layu nee muruú waa/oo/amo.

DABE 5:15

Ala kuúng ma gunqarutaar adór kuúng aáng tar lawaalmo baraá yaamaá Misriro, anuú AAKOÓ MUNGÚ, Munguúwók uri baraadá' wa duúx ar /uuruueé' nee ar dakw'eé' kudá' naa gáwtí tleés. Gawaá adoorihe anuú AAKOÓ MUNGÚ, Munguúwók un babaw, deelór Sabaáto harmagahheek kawa ot.

DABE 6:21

Daqaní kuungá' na/iihúng ki adoorír mu/aywatsá', ‹Atén aáng a lawaalér waawutmo Farao oo yaamaá Misri, ala AAKOÓ MUNGÚ atén tina baraá yaamaá Misrír wa ba/amís ar dakós kuduú /uuruú koóm.

HAR'OHUUSE 2:12

AAKOÓ MUNGÚ nguna mayé', Munguú baabi'ii'ín, kudá' ngaa huuw iimír yaamaá Misrír wa ale, munguidaá hatlá' ngiri sluufmisuú ayé', kudaá mukdá' dír iisaapay'ínií dirií', nina xupapu'uuyé' geeraaíní ale AAKOÓ MUNGÚ nguri kwatiitiyé' ar tlehhmuuín kwí, iri qa/iít.