TI'INAANGW 13:14 - Biblía Axweesantá Hhohho' ar Mungú 2004

¹⁴ Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:14 Iomraidhean Croise

IIMU/UUNGW 30:33

Daqaní baraá alér sawene gan'amueé' aníng iri lamabu'ún, bál binda hardát as bu'utueé' nguwa artá eer. Tidá' qo kaloó koomaaká baraá aaraawo, laqaá bee/ír boo/eeká, bara dir'eéní eér, daqaní ana fiís.»

1 QOM'I 16:12

Tlehhmii'iiwós kudaá waa/oo/amo aa tlehhiít inslawaak, nee muruú xuaawaslene, nee kwasleemarós tidá' aa kaahi,

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

WARA'AMI 136:11

Múk Israeli guri duúx baraá tla/angw'ín wa aleeró, Asma sla'aarirós i warqeeraaká ay alhhe'eesay wasle!

WARA'AMI 145:4

Qari nee tidá' aluú wa iitlaw, xirfuú tlehhmi'iiwoge tiri ádbabayé', tlehhmi'iiwók kudaádá' /uuruuwók ngu laqaaqamá', kin alki/iit.

WARA'AMI 78:4

kaangwí u duquumanaaká dír na/iirene, tam qartaá aluú wa xaw ka kaangwí bawaán, xirfuú AAKOÓ MUNGÚ nee /uuruuwós, nee muruuduú waa/oo/amo oo aa tleéhh.

TI'INAANGW 10:2

As kahhó' kuungá' na/iihúng kiwa kaangwí beera', nee na/aá nangwhúng, adór aníng múk Misri ngura niqís nee layuudá' naa baraá tla/angw'ín wa tleéhh, as kahhó' kawa xua' adór aníng tar AAKOÓ MUNGÚ.»

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 13:8

Na/iihúng ki beera', ‹Adoorí an tlehhitaán tawa inslaslángw muruuwí AAKOÓ MUNGÚ naa atén i tleéhh qoomár niwa ti'imiitaan baraá yaamaá Misriro.›

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 6:1

AAKOÓ MUNGÚ Mose guri báy, «Daxta kuúng adór aníng Farao ngu /imiis a aán. Asma ar dákw /uuruú kooma inós ku harakees muu nguwa geemay. Ar dákw /uuruú kooma inós gay guus baraá yaamuuwose.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

YEREMIA 34:13

«AAKOÓ MUNGÚ, Munguú Israeli i kaahi, ‹Alqado ana qaás nee baabi'iihúng, qoomár ngiwa baraá yaamaá Misrír wa duúx, qoomár inooín tawa lawaale, ngiri báw,

DANIELI 9:15

«Hám daxta, aá Aakoó Munguúrén, kuúngudá' mukók ngwaa dux baraá yaamaá Misrír wa ale, umuuwók kway iia tleerés ay laarí. Hamí an kaahaan atén aga dakusaán, tlakweema iga tleehhaán.

Tlehhema'aá ya/Abuuse 13:17

Munguú mukuú Israeli baabi'iirén gina tsawaár, giri xoorór ur tleéhh, qoomár tawa lawaale baraá yaamaá Misriro. Inós ngiri baraadá' wa duúx ar /uuruuwós.

DABE 5:15

Ala kuúng ma gunqarutaar adór kuúng aáng tar lawaalmo baraá yaamaá Misriro, anuú AAKOÓ MUNGÚ, Munguúwók uri baraadá' wa duúx ar /uuruueé' nee ar dakw'eé' kudá' naa gáwtí tleés. Gawaá adoorihe anuú AAKOÓ MUNGÚ, Munguúwók un babaw, deelór Sabaáto harmagahheek kawa ot.

DABE 5:6

‹Aníng a AAKOÓ MUNGÚ, Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.›

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

YOSHUA 22:24

Aasla'áy. Ala gár kasa tleehhaán a atén ana xuruutaán as aluuwo alér tlede na/iihúng koorén ngi bayá'aáke, ‹Kuungá' nee AAKOÓ MUNGÚ, Munguú múk Israeli a milá?

YOSHUA 24:17

Asma AAKOÓ MUNGÚ, Munguúrén, inós an kudá' atén nee baabi'iirene taa duux baraá yaamaá Misrír wa ale, yaamaá lawaali'iima kawa /ayaán. Slám laydaá uren awa waa/oo/amór koomá' gina tleéhh dír ilaarén wa ale. Inós tari deaaén baraá lohduudá' sleémeero nira ohiimani, nee baraá tla/eeraá xoorduudá' sleémeero nira waraahhani.

YOSHUA 4:6

As kahhó' tlaa/eeká' niwa laya tleehhitiya' dír múk Israeliwo nee dír na/ii'ine de'emaá hi'iita'a, barnaxes nu yaahamiisiyá' iwa kaahiya', ‹Tlaa/eeká' awa adoomá?›

HAR'OHUUSE 2:12

AAKOÓ MUNGÚ nguna mayé', Munguú baabi'ii'ín, kudá' ngaa huuw iimír yaamaá Misrír wa ale, munguidaá hatlá' ngiri sluufmisuú ayé', kudaá mukdá' dír iisaapay'ínií dirií', nina xupapu'uuyé' geeraaíní ale AAKOÓ MUNGÚ nguri kwatiitiyé' ar tlehhmuuín kwí, iri qa/iít.

HAR'OHUUSE 6:8

AAKOÓ MUNGÚ aarusmo guri ya/aáw dír múk Israeli, iri oó', «AAKOÓ MUNGÚ, Munguú múk Israeli i kaahi, ‹Aníng kuungá' nuna duúx baraá yaamaá Misriro qoomár tawa lawaale,