TI'INAANGW 13:12 - Biblía Axweesantá Hhohho' ar Mungú 2004

¹² Na/aá daaqaay sleémeero awa baris paraatlaak as AAKOÓ MUNGÚ, nee yaqaambe sleémeero ar baris ar makaá ta de'en.

TI'INAANGW 13:12 Iomraidhean Croise

NEHEMIA 10:36

Adoodá' taa gooín baraá dabeero kawa eeharaan umuú na/oó baris oo garma baraá marayrene, kun huuw baraá doó Munguúrén dír kaahamuuseedá' baraá doó Mungú wa gadiyuus, sleeme tsa/tamoó awu oo baris oo slee ngun huwaán nee deelmoó leeiro nee oo bee/iro.

NEHEMIA 10:37

Puuruú geera, nee ilahhooarén, nee mamaá xaai, nee difaái nee di/ito in huwaán dír kaahamuuse baraá kutuwoó doó Munguúrén. Slám baraá bu'ungwrene ar wák baraá mibango ngin huwaán dír múk tlahhoó Laáwi asma inooín gadiyeérír burumburiingw ngin tlehhitiyá' baraá ayeemoorene.

TI'INAANGW 13:1

AAKOÓ MUNGÚ Mose guri báy,

TI'INAANGW 13:2

«Na/aá baris sleémeero paraatleek, asma na/aá baris sleémeero awa múk Israeli nee awa makaywo a kwe'eé'.»

TI'INAANGW 22:28

«Mungú mu /ooslimaar, tam geeraharusmoowók mu lu'usaar.

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 34:19

«Umuúqo gár tindira barisi a te'eé', makaá yaqaambe baraá hikwaawoge nee baraá bee/aangoge, gár tindira barisi a te'eé'.

TI'INAANGW 34:20

Barisuú daqwaay un waa'alát ar deelomoó bee/i, ala barnaxés u sla'aká waa'alaharo, isa geeqaweek. Nee na/iiwók awa baris sleémeero in waa'alát. «Hee mindiwa dír geeraaeé' káy ar dákw kaahaár.

ESEKIELI 16:20

«Slám daaqaywók nee dasuwók kudá' naa aníng i laqwál ina hanís tawa ilahhooár muruú ta tsu/i dír slaqsi'iiwók kudá'. Xáy ka xu', sli'imaarók tí aqo gár waaqa'atíta?

ESEKIELI 44:30

Mura' sleémeero kudá' slaqo hhó' oo baris, nee bu'ungwhúng oo geera, nee umuúqo gár ta ilahhooár wa hanisa' dir'eé' ar kaahamuusér Mungú. Slamí male ale dír tara huuríngw eeri'iiká, puuruú har geera ku hanisá' dír kaahamuusér Mungú, as aníng marayhúng ngiwa tsuuq.

TLAHHOÓ LAÁWI 27:26

«I hariindaaká na/oó baris oo slee, laqaá oo bee/i kuwa paratl, asma hariimaro kwisíng oo AAKOÓ MUNGÚ.

FAARO 18:15

«Umuú na/oó baris kudá' múk Israeli ni aníng i haniisi, bar an na/oó baris oo hee laqaá oo makiito'o, a kók. Ala na/oó baris oo hee i harín kuwa tu/, nee oo baris oo makiito'ór ta harmeetin i harín kuwa tu/.

FAARO 3:12

«Ga/aaweek hamí múk tlahhoó Laáwi ugwa tsawaár tla/ángw múk Israeli sleémeero, kitángw na/oó baris oo umuú do'o baraá múk Israeliwo. Múk tlahhoó Laáwi a kwe'eé',

FAARO 3:13

asma na/oó baris baraá Israeliwo a kwe'eé'. Qoomár na/aá baris ngiwa tsuú/ sleémeero awa múk Misri, aníng na/aá barís ina paraátl baraá Israeliwo, umuú na/oó baris oo hee laqaá oo makiito'oro. Inooín a kwe'eé'. Aníng an AAKOÓ MUNGÚ.»

FAARO 8:17

Asma na/aá baris sleémeero awa múk Israeli a kwe'eé', na/aá muu nee awa makaywo, asma baldá' na/aá baris sleémeero awa múk Misri ngiwa tsuú/, inooín ina paraátl as tawa kwe'eé'.

Luka 2:23

(adór kara gooín baraá hara'ayár Aakoowo, «Umuúqo na/oó garma oo baris dír aayoorose ku bay oo hhoohhoó' dír Aakoowo.»)

DABE 15:19

«AAKOÓ MUNGÚ, Munguúhúng awér hikwaahúng nira barisiyé' nee gwaandaawér bee/angwhúng ira barís ti hanise', aweerí mar gadiyuusara', nee gwaandaaweesíng ma se'eengw tlaaqara'.