TI'INAANGW 13:10 - Biblía Axweesantá Hhohho' ar Mungú 2004

¹⁰ Baalaarí harmagahhaak qoomár bira xeér umuúqo kurko.»

TI'INAANGW 13:10 Iomraidhean Croise

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 12:17

Baalaadár mikaátér taa sluuftisiiká an insleerá', asma baalaasír kilae aníng slawoohúng ina duúx baraá yaamaá Misrír wa ale, as adoorí baalaasíng inslaslawaak tam qari sleémeero ar hi'iita. Dakwí in kumamiit ay kureeraá kureér.

TI'INAANGW 12:42

Xweeraá baalaadá' a xweeraá AAKOÓ MUNGÚ iwa dalaá' as múk Israeli nguwa baraá yaamaá Misrír wa duuxi. As adoorí i hariín múk Israeli xweeraá dal'ame awa baalaadá' ngiwa inslaslaya' as AAKOÓ MUNGÚ nguwa ilaiwawa/iya', inooín nee xwaylar'ín sleémeero.

TI'INAANGW 13:5

Bál barnaxés AAKOÓ MUNGÚ kuungá' naa hardahaás baraá yaamaá múk Kana'ani, nee awa Hiti, nee awa Amori, nee awa Hifi, nee awa Yebusi, ar adoodá' ngira al'axweés dír baabi'iihúng, yaamaá diihhooár ilwa nee dane ngiwa kuungá' i haniisi. Baalaarí niwa ti'ité' baraá lawaali'iimaro ka insleerá' umuúqo kurko.

TI'INAANGW 23:15

Deelór ur ar mikaátér taa sluuftisiiká an tlehhá' ar adoodá' ngira hara'ayiím. Mikaátér taa sluuftisiiká an /agá' deelo faanqw qoomár slahhangwdá' niwa ti'ité' baraá Misriro oo ta bay Abibu. Nee umuúqo heé deeloorí nga boo/eesár ayi mindiwa geeraaeé' daqáy ar dákw kaahaár.

TLAHHOÓ LAÁWI 23:6

Bál mibaá nee kooán ar slahhangwduú kilá' deelór ur ar mikaátér taa sluuftisiiká in iimu/uún. Deelo faanqw mikaátér taa sluuftisiiká an /agá'.