TI'INAANGW 12:6 - Biblía Axweesantá Hhohho' ar Mungú 2004

⁶ Deelmoosíng un amohhe'eemamisá' ay bál slahhaangwí bar mibaá nee tsiyáhh. Baalaasinge xooro sleémeero ar Israeli deeláysíng gun tsú/ tsiindoowo.

TI'INAANGW 12:6 Iomraidhean Croise

2 QOM'I 35:1

Waawutmo Yosia deelór Pasaáka gana tleéhh baraá gixsár Yerusalemúr wa ale. Deelmoó bee/i oo Pasaáka guri gaás bál slahhángw geera tawa mibaá nee tsiyáhh.

ESRA 6:19

Bál slahhángw geera tawa mibaá nee tsiyáhh, mukdá' naa baraá looháy wa waatl deelór ur ar Pasaáka ngiri tleehhiyé'.

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 12:17

Baalaadár mikaátér taa sluuftisiiká an insleerá', asma baalaasír kilae aníng slawoohúng ina duúx baraá yaamaá Misrír wa ale, as adoorí baalaasíng inslaslawaak tam qari sleémeero ar hi'iita. Dakwí in kumamiit ay kureeraá kureér.

TI'INAANGW 12:18

Slahhángw geera bál bar mibaá nee tsiyáhh, iimír tsiindoó wa tleemu, mukaatmoó taa sluuftisiiká un /agá', ay tsiindaá bál slahhaangw bar mibeeri tsár nee wak.

TI'INAANGW 12:47

Xoorór Israeli sleémeero baalaarí ngi inslasleer.

TI'INAANGW 16:1

Xoorór Israeli sleémeero iri kumít aaii'ine, niri Elimúr wa tlayé' tay hardáh xaanxoó ta bay Sini. Diirí a tla/ángw tloomár Sinai nee Elimu, ay diirí slahhángw wák ngwaa faakiyé' iimír inooín niwa baraá yaamaá Misrír wa ti'iitiyé'.

TI'INAANGW 16:12

«Aníng qununu/oó múk Israeli ugwa axaás. Inooín ki beer, ‹Qoomár tsiindoowo fu'unaay in /agá', nee matlaatleero gur'e an dala/aandá' mikaáteero. Daqaní kuungá' kari tsahhá' adór aníng tar AAKOÓ MUNGÚ Munguúhúng.› »

TI'INAANGW 19:1

Slahhángw tám iwa iimu/ún iimír xoorór Israeli iwa ti'ít baraá yaamaá Misriír wa ale, tana hardáh baraá xaanxoó Sinai.

TI'INAANGW 29:39

Oo wák matlaatleero un gás nee oo tsár qoomár tsiindo.

TI'INAANGW 29:41

Sleeme deelmooduú tsár un gás qoomár tsiindoowo, kuri ilahhooár wa hanís dinkwa nee ilahhooár balaangw nee ar wahaangw, adór kuduú matlaatle, ku dá/ baraá asla, slaahhareeraá ilahhooasíng anuú AAKOÓ MUNGÚ iri sla'atisiyá'.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ESEKIELI 45:21

«Bál slahhángw geera bar mibaá nee tsiyáhh deelór ur ar Pasaáka ka tlehhá'. Ar afiqoomoó deelo faanqw mikaátér taa sluuftisiiká ka /agá'.

TLAHHOÓ LAÁWI 23:5

«Tsiindaá baalár mibaá nee tsiyáhh awa slahhángw geera an baalár Pasaáka kuwa boo/esa' as anuú AAKOÓ MUNGÚ.

FAARO 28:16

«Slahhángw geera bál bar mibaá nee tsiyáhh an deelór pasaákuú AAKOÓ MUNGÚ kuwa tlehha'.

FAARO 28:18

Bál deelór geera dinku'uumár hhoohhoo' an tlehhá', baalaarihe ma gadiyuusara'.

FAARO 9:11

heé adoorí slahhángw tsár bar mibaá nee tsiyáhh qoomár tsiindoowo deelór ur ar Pasaáka ngi /ayi, dinkwa nee mikaátér taa sluuftisiiká nee naanuú qarqaár.

Matayo 27:20

Kaahamuusér uren ar Mungú nee bariise boo/aay kuri harakeemiís as Baraba kunguwa duuxi, nee Yesu kuwa gaasi.

Matayo 27:25

Muu sleémeero iri oó', «Tseereerós atén nee na/iirene ti i ki/.»

Marko 15:1

Looa niwa tleér matlaatleero kaahamuusér uren ar Mungú nee bariiseero, nee intsaahhatuusér hara'ayár Mosewo, nee múk doó kwasleema sleémeero niri kwasleemutiyé'. Yesu kuri tseék, kuri huúw, kway dabaá Pilató i qaás.

Marko 15:11

Ala kaahamuusér uren ar Mungú boo/oó muu gway fuqunií qás as Baraba kuwa gweeri.

Marko 15:25

Kuwa kikií' a qoomár looár tám.

Marko 15:8

Boo/aay iri hardáh dír Pilato, kuri iimu/ún firooro adoodá' /iisí i tlehhaahhiti ngiwa dir'ínií tleehhi.

Luka 23:1

Boo/aay sleémeero iri sihhiít, Yesu kuri huúw ay dír Pilato.

Luka 23:18

Sleémeero tari tseeamín tari káh, «Heewí hingeeseek, nee Baraba na gweerang.»

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 3:14

Ala kuungá' Kudá' hhoohhoó', nee gan'amuú koóm kuri sié'. Nee kudá' aa tsu/uut kuri firiindé' kuwa gweeri.

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.

YOSHUA 5:10

Qoomár múk Israeli xafay'ín nguwa tleehhiyé' amór Gilgali dír xatstá bihhaá Yeriko, deelór Pasaáka ngay tleehhiyé' tsiindoowo bál slahhaangw tawa mibaá nee tsiyáhh.