TI'INAANGW 12:51 - Biblía Axweesantá Hhohho' ar Mungú 2004

⁵¹ Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 12:51 Iomraidhean Croise

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

1 WAAWITÁ 6:1

Kurkú tsiire tsiyáhh nee mibeeri dakaát alaá múk Israeli niwa yaamaá Misrír wa ti'iít, kurkú tsiyáhh oo waawuti'iimár Solomonuwo daanduú Israeliwo, slahhángw tsár oo ta babay slahhángw Sifu, Solomon Doó AAKOÓ MUNGÚ guna iimu/ún tlehhmuuwo.

2 QOM'I 14:12

Naagáy AAKOÓ MUNGÚ múk yaamaá Kushi guri baál geeraá Asa nee múk Yuda. Múk Kushi iri goów.

WARA'AMI 114:1

Múk Israeli niwa tláy baraá yaamaá Misriro, xwaylár Yakobo niwa tleér yaamaá ayá heewo,

WARA'AMI 136:11

Múk Israeli guri duúx baraá tla/angw'ín wa aleeró, Asma sla'aarirós i warqeeraaká ay alhhe'eesay wasle!

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 12:50

Múk Israeli tari tláy, adoodá' AAKOÓ MUNGÚ Mose nee Aroni ngira hara'ayín ngiri tleehhiyé'.

TI'INAANGW 13:1

AAKOÓ MUNGÚ Mose guri báy,

TI'INAANGW 16:1

Xoorór Israeli sleémeero iri kumít aaii'ine, niri Elimúr wa tlayé' tay hardáh xaanxoó ta bay Sini. Diirí a tla/ángw tloomár Sinai nee Elimu, ay diirí slahhángw wák ngwaa faakiyé' iimír inooín niwa baraá yaamaá Misrír wa ti'iitiyé'.

TI'INAANGW 19:1

Slahhángw tám iwa iimu/ún iimír xoorór Israeli iwa ti'ít baraá yaamaá Misriír wa ale, tana hardáh baraá xaanxoó Sinai.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 6:26

Aroni nee Mose an múk AAKOÓ MUNGÚ aa báy, «Múk Israeli duuxare' baraá yaamaá Misriro ar adoodá' daqooráy'ín i dirii'i.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

TI'INAANGW 7:4

Farao kuúng u iiárií qaasiiká, ala aníng dakw'eé' u gáwtí tleés, yaamaá Misri ngiri slaáhh ar xarasleema, muk'eé' oo Israeli ar adoodá' daqooráy'ín i dirii'i nguri duúx baraá yaamaá Misrír wa alé ar tlehhma'aá uren awa sakwasleema.

TLAHHOÓ LAÁWI 23:43

Tlehhmuuwí xwaylarhúng gan xu'utimis adór aníng baabi'iihúng ngira duúx baraá yaamaá Misrír wa aleeró, niri baraá xafáy wa hootiyé'. Aníng an AAKOÓ MUNGÚ, Munguúhúng.»

AMOS 2:10

Aníng kuungá' nuna duúx baraá yaamaá Misrír wa ale, nuri geerahaár baraá xaanxaywo har qoomár kureeri mibeeri tsiyáhh, nuri dahaás baraá yaamaá múk Amori as kiwa ala'.

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

FAARO 23:22

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a.

FAARO 26:4

«Muu faaraak iimír heé kureeraá mibeeraá tsár wa oohang, adoodá' AAKOÓ MUNGÚ Mose ngura hara'ayín.» Faarór múk Israeli oo Misrír daáhh a tí:

FAARO 33:1

Adoorí an adór xoorór Israeli ira hi'iimít iimír niwa yaamaá Misrír wa tlayé' ar daqooráy, nee kingiwa geeraharahari nee Mose nee Aroni.

Tlehhema'aá ya/Abuuse 13:17

Munguú mukuú Israeli baabi'iirén gina tsawaár, giri xoorór ur tleéhh, qoomár tawa lawaale baraá yaamaá Misriro. Inós ngiri baraadá' wa duúx ar /uuruuwós.

DABE 16:1

«Deelór ur ar Pasaáka tleehhaak qoomár slahhángwdá' ta babay Abibu, as AAKOÓ MUNGÚ, Munguúhúng, asma slahhángw Abibu AAKOÓ MUNGÚ, Munguúhúng kuungá' qoomár xweeraawo nuna baraá yaamaá Misrír wa duúx.

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

YOSHUA 24:5

Aluuwo aníng Mose nee Aroni ngiri ya/aáw, yaamaá Misri ngiri muúx ar tlehhmi'iidá' naa tleéhh baraá ayaadá' wa ale, kuungá' nuri duúx baraadá' wa ale.

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.