TI'INAANGW 12:50 - Biblía Axweesantá Hhohho' ar Mungú 2004

⁵⁰ Múk Israeli tari tláy, adoodá' AAKOÓ MUNGÚ Mose nee Aroni ngira hara'ayín ngiri tleehhiyé'.

TI'INAANGW 12:50 Iomraidhean Croise

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 12:49

Dabeerí i hariín dír yaamuloouusér Israeliro nee dír /eetuseedá' baraá tla/angwhúng hoota.»

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 6:26

Aroni nee Mose an múk AAKOÓ MUNGÚ aa báy, «Múk Israeli duuxare' baraá yaamaá Misriro ar adoodá' daqooráy'ín i dirii'i.»

TI'INAANGW 7:4

Farao kuúng u iiárií qaasiiká, ala aníng dakw'eé' u gáwtí tleés, yaamaá Misri ngiri slaáhh ar xarasleema, muk'eé' oo Israeli ar adoodá' daqooráy'ín i dirii'i nguri duúx baraá yaamaá Misrír wa alé ar tlehhma'aá uren awa sakwasleema.

FAARO 3:51

Mose peésaadá' mukdá' kura tuú/ gari haniís dír Aroni nee daaqaywós, adoodá' axweesantá AAKOÓ MUNGÚ i diri', nee ar adoodá' AAKOÓ MUNGÚ Mose ngura hara'ayín.

FAARO 36:10

Dasuú doó Selofehadi adoodá' AAKOÓ MUNGÚ ngira hara'ayín dír Mose gina tleehhiyé'.

FAARO 5:4

Múk Israeli adoorí gari tleéhh, mukdaádá' kuri duúx tsee/aá xafayduú hota. Adoodá' AAKOÓ MUNGÚ Mose ngwa báy ngina tleehhiyé'.

FAARO 8:19

Nee aníng múk tlahhoó Laáwi ngwa qeemuú wa haniís dír Aroni nee daaqaywós baraá tla/ángw múk Israeliwo, as niwa baraá heémár Mungú wa gadiyuusiya' nee haraki/isa ngiwa tleehhiya' as múk Israeli, as kahhó' tiqtír tlakw múk Israeli munguwa eér, as niwa tseewuyé' didá' hhoohhoo'.»

FAARO 8:20

Gawaá adoorihe Mose, Aroni nee dinku'uuma sleémeero ar múk Israeli múk Laáwi kuri paraátl ar adoodá' AAKOÓ MUNGÚ Mose ngura hara'ayín.

FAARO 8:22

Alaá kaangwihe múk Laáwi iri dáh nee tari gadiyuús baraá heémár Mungú wa ale, kina geerahaár nee Aroni nee daaqaywós ar adoodá' AAKOÓ MUNGÚ Mose ngura hara'ayín.

FAARO 9:5

Naagáy deelór ur ar Pasaáka tsiindoowo ngiri tleehhiyé', bál mibaá nee tsiyáhh ar slahhángw geera, baraá xaanxoó Sinaír wa ale. Múk Israeli adoodá' sleémeero AAKOÓ MUNGÚ Mose ngura hara'ayín ngina tleehhiyé'.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Yohana 13:17

Tí kuungá' bara xué', kuungá' tundu amohhoó bar aga tlehhé'.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Yohana 2:5

Aayór Yesu sagadiyuuseedá' gadiyuus gari beér, «Umuúqo gaaro ar naa ooi ka tlehhá'.»

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

Ebrania 11:27

Mose ina yaamaá Misrír wa tláy ar haratlintaao, tam xaraasleemaá waawutmo gaa da'ayuutiiká. Asma ina kumiít ar pihh'uuma adór heé Munguúdá' geetlaákw gu ga/áw.

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.