TI'INAANGW 12:48 - Biblía Axweesantá Hhohho' ar Mungú 2004

⁴⁸ Barnaxes hoomoó baraá tla/angwhúng hoót deelór Pasaáka gaa waatlakweés ngiwa inslaslay, hhawaataá do'ós sleémeero ki al/utli ala ale. Daqaní deelór ur ar Pasaáka ngi tleehhi, asma inós aqo adór yaamuloousmo. Ala heé taa al/utliiká munguwa kwatiít /aymaaro.

TI'INAANGW 12:48 Iomraidhean Croise

IIMU/UUNGW 17:11

Tundun hheehhe'eemiis, nee adoorí tay layár alqado tla/ángw aníng nee kuungá'.

IIMU/UUNGW 17:12

Umuúqo na/oó garma oo deelo dakaát ku hheehhe'eesi dirhunge, umuúqo hhawaata baraá xwaylarhunge oo taa laqwaál dó' wa alé, nee oo taa tlaáxw ar peésa, umuúqo dahaaymowo oo xwaylarogeeká,

TI'INAANGW 12:19

Baraá deeloosíng faanqwe gár sluuftimis miwa deerút baraá marayhunge, asma umuúqo heé gár taa sluuftís gaa /aay, heesíng aqo kun tlatlahhaas dír múk Israeliwo, a gaarooká inós bar hoomo laqaá bar heé Israeli.

TI'INAANGW 12:43

AAKOÓ MUNGÚ Mose nee Aroni giri báy, «Dabér Pasaáka a tí: Hoomo muruú /aymár Pasaáka munguwa /aáy lo'.

ESEKIELI 14:7

«Umuú qoomaaro, hee tam gaalá dír múk Israeliwo, laqaá dahaaymo oo yaamaá Israelír wa hoót, birta paraátl dir'eene, nee barnaxes slaqsa'aá munguaá hatlá' giri haratlintií' ar ilakaahara, nee tlakweemaaká' tari dukuutsmo dír án nee inose, aluuwo iri daqáy dír aarusmo as ngiwa xu'utír wa slai gár aníng ni kah, naagáy aníng AAKOÓ MUNGÚ, inós un mu/aywaáts.

ESEKIELI 44:9

«Gawaá adoorihe, anuú Aakoó MUNGÚ a kah, hee tumu wák oo ta pa/ángw dahmá i haniisi i kaahh tam oo xooro gaalá, oo taa hheehhe'eesiiká slaqwto laqaá muunahe, laqaá oo aníng i ilaiwawa/aaká, oo taa ya/aámár dahmií haniisi i kaahh ar didá' hhoohhoo', tam hoomaadá' ayaahúng hoot sleeme.»

ESEKIELI 47:22

Yaamuuká' in qasmisá' as tawa yaamuuhúng. Hoomaadá' baraá tla/angwhúng hoot nee ar aa laqwal baraá yaamuuhúng wa ale, ki yaamuú i qasisá', qoomár bar yaamaá qasmisá'. Mukwí i harín kuwa adór múk Israeli ar qoomeesi, nee i hariná' yaamu ngiwa tsawdoórí tleehhiya' dinkwa nee múk Israeli.

TLAHHOÓ LAÁWI 19:34

Hoomtuudá' nee kuúng an alhotá', tari adór yaamuloousmo diroge, ku slá' adór kuúng tir kilók sla'. Asma kuúng aáng a hoomtu baraá yaamaá Misriro. Aníng an AAKOÓ MUNGÚ, Munguúwók.

FAARO 9:14

«Barnaxes hoomoó ayaahúng hoót gaa slaá' deelór ur ar pasaáká ngiwa tleehhi dír AAKOÓ MUNGÚ, inós sleeme kaahi nee dabe sleémeero ar Pasaáka ngi oohi. Dabe nee kaahiro sleémeero kin eehar, barnaxes an hoomo laqaá yaamuloousmo.»

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.