TI'INAANGW 12:3 - Biblía Axweesantá Hhohho' ar Mungú 2004

³ Múk Israeli sleémeero i axweesaak ku beera', slahhaangwí bál bar mibaangw umuúqo heé doó kooma deelmoó bee/i ngu slay, umuúqo afkú do'.

TI'INAANGW 12:3 Iomraidhean Croise

IIMU/UUNGW 22:8

Abrahamu iri oó', «Garmaaeé', Mungú inósuú kilá' deelmoó bee/i oo ta ilahhooár da/tá wa hanisaan ngu sláy.» Naagáy inooín tsaraawo tari kumiít geerií alé.

IIMU/UUNGW 4:4

Abeli deelmoó geera oo makaydá' i deaaen guri gaás, wa/amedá' wahhaar gari ilahhooár wa haniís dír AAKOÓ MUNGÚ. Aakoó Mungú kuna qwal/atís nee Abeli nee ilahhooarós tidae.

2 QOM'I 35:7

Waawutmo Yosia muu guri deeloó bee/aangw nee oo aaraawo guna haniís, as tawa ilahhooár deelór Pasaáka, dinkwaaro a kume mibeeri tám, nee awe kume tám. Muruuwí sleémeero kunguna doó waawutmoó wa haniís.

TI'INAANGW 12:2

«Slahhaangwí daqaní a slahhángw geera baraá slahheeraá kurko dirhunge.

TI'INAANGW 12:21

Mose bariisér múk Israeli gari ateét, giri báy, «Tlawsé', umuúqo heewo dirhunge deelmoó gwaanda oo bu'uút múk do'ose ngu taataahhi, ngu gaasi deelór ur ar Pasaákuú wa alé.

TI'INAANGW 12:4

Bar do'koowo muu ku niiná, deelmoó bee/i ku faakiiká /aymaro, ta haragwaai nee inslawmoó tseéw, daqaní deelmoó bee/i oo wák ku slay ar harqoomoó muu. Faarór muu ka tleehhi ar harqoomoó deelmoó bee/i.

TI'INAANGW 12:6

Deelmoosíng un amohhe'eemamisá' ay bál slahhaangwí bar mibaá nee tsiyáhh. Baalaasinge xooro sleémeero ar Israeli deeláysíng gun tsú/ tsiindoowo.

TI'INAANGW 14:15

AAKOÓ MUNGÚ Mose guri báy, «Waáy, án mis i /aa/aamiín? Múk Israeli ádbaweek tawa geerií kumiiti.

TI'INAANGW 20:19

Mose nguri bayé', «Kuúng amoorén nay axweesang, atén kuúng u iiárií qaasaán, ala Mungú mindiwa amoorén i axweés, as atén mawa qatlaán.»

TI'INAANGW 4:30

Aroni axweesanaydá' sleémeero AAKOÓ MUNGÚ aa oó' dír Mose, guri dir'ín i káh, nee layuudá' sleemeéro giri tleéhh dír geeraá múk Israeli wa alé.

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

ESEKIELI 40:1

Bál slahhángw geera tawa mibaangw, kurkú mibeeri tsár nee kooán iimír tiwa loohatís, /uuruú AAKOÓ MUNGÚ una ár. Qoomaarí an kurkú mibaá nee tsiyáhh iimír gixsár Yerusalemu kawa hayóh.

TLAHHOÓ LAÁWI 1:2

«Xoorór Israeli i axweeseek, ki beer, ‹Umuúqo heewo bar ilahhooarós ngi huuw baraá makaywós wa ale, ngi baraá daqtá hikwaá wa duuxi, laqaá baraá daqtá bee/aangós nee aaraawose.›

TLAHHOÓ LAÁWI 5:6

Ilahhooár dakuús hingeesa ngi huwi dír AAKOÓ MUNGÚ, dareemír bee/i laqaá ar leei ngi huwi as tawa ilahhooár tlakweema hingeesa. Kaahamusmoó Mungú haraki/isa gan tleehh as daanduú heewí as tlakweemaadá'.

FAARO 15:11

Adoorí an adór ta tlehh dír ilahhooár umuúqo awuwo nee ar gwaanduwo nee ar umuúqo deelmoó gwaanduwo, nee ar gurtuwo.

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 1:36

Yesu kuri ár iwa hi'iimiti. Yohane iri oó', «Ga/aawaak Deelmoó bee/i oo Mungú.»

Yohana 12:1

Bál Pasaákuwo deelór aa met tawa lahhoó', Yesu iri hardáh amór Betania, amoodá' Lasaro i dirii'i. Inós a kudá' taa waaslee/atís baraá múk aa qaátl wa ale.

Yohana 12:12

Bál tsár múk yaariír nina hardáh as deelór ur. Kari axaás adór Yesu nir hardáh baraá gixsár Yerusalemu.

1 Korinto 5:7

Kuungá' gadaádár aáng ar mikaáte kar sluuftimaamisi, tidár tlakweema, hingeesaak dirhunge, daqaní kuungá' a hhohhoouurá'. Daqaní kuungá' a xwaantér /aben ar mikaáte tleehhitá', tidá' taa sluuftisiiká. Nee adoorí an adoodá' kuungá' hám tay dir'a', asma deelmoorén oo Pasaáka gaasaro kwaa qaroó hhe'eés. Nee inós an Kristo.

YOSHUA 7:14

Gimáy muu ádbaweek, matlo muu ni faakisi dír geeraaeé', tlahh'aá Israeli ti wakeetine' dír geeraaeéní ale. Tlahhoó án naa óh gur'ér maray'ín ti wakeetiin, guruú do'dá' án naa óh muu ti wakeetin.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

1 SAMUELI 7:9

Samueli deelmoó bee/i oo qaá' guri óh, guri haniís dír AAKOÓ MUNGÚ as ilahhooa, kuri daá/ adoodá' al'alé. Samueli iri /aa/amín dír AAKOÓ MUNGÚ as múk Israeli, AAKOÓ MUNGÚ iri axaás.