TI'INAANGW 12:29 - Biblía Axweesantá Hhohho' ar Mungú 2004

²⁹ Xweeraá dakiingo AAKOÓ MUNGÚ na/aá baris sleémeero awa múk Misri gina tsuú/, iimír na/oó baris oo Farao wa tleemu, kuduú gawaá kitángw waawuti'iima, ay na/oó baris oo heé baraá tseegamórí dirií', nee na/aá baris sleémeero awa makaá ta de'en.

TI'INAANGW 12:29 Iomraidhean Croise

IIMU/UUNGW 15:14

Ala xooroodá' inooín ta sagadiyuusi, aníng a sakwasleemuút. Daqaní inooín aluuwo daqaari'iimár yaariir ngarir ti'iitiyá'.

YOBU 34:20

Nin qatliyá' ar wa'aá wák, xweeraá looár wake muu kun tawó kwatiit iri faakiis qatlooro, nee mukdá' /uureemaá koóm gun fitsfiits tam /iisara ga dír heéwí firinká.

WARA'AMI 105:36

Daaqaay sleémeero guri tsuú/, kuduú baris oo múk Misri.

WARA'AMI 135:8

Na/aá baris awa baraá yaamaá Misri gina tsuú/, awa muu nee awa makaywo.

WARA'AMI 136:10

Inós an kudá' na/aá baris awa múk Misri gaa tsuu/, Asma sla'aarirós i warqeeraaká ay alhhe'eesay wasle!

WARA'AMI 78:50

Buhhtaawós niri kumiitiyé', tam gwa'ara gaa pa/asiiká dir'ine, giri daásl ar pu/i.

WARA'AMI 78:51

Umuúqo na/oó baris oo múk Misri guna gaás, baraá xafoó múk Hamuwo umuúqo barismo guna gaás.

TI'INAANGW 11:1

AAKOÓ MUNGÚ Mose guri báy, «Slahhtá wák aa met ar ni huuw dír Farao, nee dír múk Misri, aluudae kuungá' nuri geemáy as tawa tleera' yaamuukae. Slám qoomár burna geemáy nun guus tawa tleera'.

TI'INAANGW 12:12

«Asma aníng an waaraáhh ar baraá yaamaá Misri xweeraadae, aníng na/aá baris sleémeero ngiri tsuú/ baraá yaamaá Misriro, oo hee tam oo makiito'o, nee munguidaá Misri sleémeero ngiri sakwasleemuút. Aníng a AAKOÓ MUNGÚ.

TI'INAANGW 12:28

Múk Israeli tari tláy, adoodá' AAKOÓ MUNGÚ Mose nee Aroni ngira hara'ayín ngiri tleehhiyé'.

TI'INAANGW 13:15

Asma qoomaadae Farao ina sagagawdeés, iri sií' atén tiwa geemay, as adoorí AAKOÓ MUNGÚ na/aá baris awa muu nee awa makaywo baraá yaamaá Misriro gina tsuú/. Gawaá adoorihe atén ilahhooár muruú ta tsu/i an hanmisaán dír AAKOÓ MUNGÚ, umuúqo gár baris ar yaqaamba, ala daaqayrén oo baris un waa'alhaamaán.›

TI'INAANGW 4:23

Aníng kuúng un báw, garmaaeé' geemaweek as án iwa sluufmisuú ay. Barnaxes kuúng aga sí' kuwa geemeer, qaytsiít, aníng garmaawók oo baris u gaás.› »

TI'INAANGW 9:6

Looaytleérós AAKOÓ MUNGÚ adoodá' gari tleéhh, makaydaá múk Misri ta de'en niri qatliyé', ala awa múk Israeli gár gaa eer i káhh.

ISAYA 24:22

Sleémeero kiri dinkwárí burumbuur adór múk taa tsegiít, kuri /aytiís baraá bohoongw, Inooín kin tsegiit baraá doó tseegamo alaá deelór hhaawaakahe kiri muux.

ISAYA 41:11

Ga/aaweek kudá' kuúng ugwa i buhhiye', iga mureekeés nee kaa baál. Kudá' nee kuúng ti tlaampa'aamisá', inooín a gár tawo nee ki hhaamiis.

ISAYA 51:14

Kudaádá' ta slahh'eemisi ki gaanslár tuu/, ta qatliiká, sleeme ta /eetiiká baraá bohoongw, slamí muruú /ayma ngu dakusiaaká.

YEREMIA 38:13

Yeremia nguri uuruxiyé' ar him'e, nguri duuxiyé' baraá hhalángw wa alé. Alaá tihe Yeremia iri hoót dír afeenidár xuumuusér wa ale.

YEREMIA 38:6

Naagáy Yeremia nguri /aytisiyé' baraá hhalángw Malkia garmoó waawutmo, hhalangwdú baraá doó xuumuuse, Yeremia kuri baraadá i /aytiís ar him'e. Baraá hhalangwdae ma'aay i kahhiyá', a har baa/í kilós. Yeremia iri /eét baraá baa/i.

HABAKUKI 3:5

Pu/i in geeraawós wa hi'ít. Nee gwa'ara gun aluú wa eeharaahát.

SEKARIA 9:11

Anuú AAKOÓ MUNGÚ a kah, «As tseerér alqador'eé' tidá' taa axweesaán nee kuungá', mukdá' taa tsegiít ngu baraá hhalángw ma'aá koomaaká wa duúx.

FAARO 3:13

asma na/oó baris baraá Israeliwo a kwe'eé'. Qoomár na/aá baris ngiwa tsuú/ sleémeero awa múk Misri, aníng na/aá barís ina paraátl baraá Israeliwo, umuú na/oó baris oo hee laqaá oo makiito'oro. Inooín a kwe'eé'. Aníng an AAKOÓ MUNGÚ.»

FAARO 33:4

Qoomaarihe múk Misri ta baraá folituú na/ii'ín awa baris, kudá' taa tsuú/ nee AAKOÓ MUNGÚ. Asma ar tlehhemuuwihe AAKOÓ MUNGÚ munguii'ín gina sakwasleemuút sleeme.

FAARO 8:17

Asma na/aá baris sleémeero awa múk Israeli a kwe'eé', na/aá muu nee awa makaywo, asma baldá' na/aá baris sleémeero awa múk Misri ngiwa tsuú/, inooín ina paraátl as tawa kwe'eé'.

Ebrania 11:28

Mose deelmoó Pasaáka guri gaás ar haratlintaao, muu guri hara'ayín tseere ka sliki gawaá maandár do' nee nahha, as malaykamoodá' tsu/uút na/aá baris baraá múk Israeliwo mingiwa tsuú/.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.