TI'INAANGW 12:28 - Biblía Axweesantá Hhohho' ar Mungú 2004

²⁸ Múk Israeli tari tláy, adoodá' AAKOÓ MUNGÚ Mose nee Aroni ngira hara'ayín ngiri tleehhiyé'.

TI'INAANGW 12:28 Iomraidhean Croise

2 SAMUELI 5:25

Daudi adoodá' AAKOÓ MUNGÚ ngwa báy gana tleéhh inós múk Filisti guna daásl tsu/taaro, iimír Gébár wá tleemu ay Geseri.

1 WAAWITÁ 17:5

Naagáy Eliya afór AAKOÓ MUNGÚ gari iialooeés, iri tláy, iri hotaá áy baraá duxuú Keriti kuduú bihhaá da/aáw awa yaaér Yordani.

TI'INAANGW 12:27

Daqaní ki beera', ‹Gaarí a deelmooduú bee/i oo taa ilahhooár wa gaás as Pasaákuú AAKOÓ MUNGÚ, asma inós maraá múk Israeli gina waawaaraáhh baraá Misriro, qoomár múk Misri nguwa tsuú/ ala atén taa tsu/iiká.› » Múk Israeli sage gay xupu'uús, Mungú nguri sluufisiyé'.

TI'INAANGW 12:29

Xweeraá dakiingo AAKOÓ MUNGÚ na/aá baris sleémeero awa múk Misri gina tsuú/, iimír na/oó baris oo Farao wa tleemu, kuduú gawaá kitángw waawuti'iima, ay na/oó baris oo heé baraá tseegamórí dirií', nee na/aá baris sleémeero awa makaá ta de'en.

TI'INAANGW 12:35

Adoodá' Mose nga báy ngiri tleehhiyé', múk Misri nguri firiné' xooslaá muqslír peésaaro nee ar sahaábuwo nee tlabaawo.

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

TI'INAANGW 36:1

«Besaleli nee Oholiabu gadiyeé ngi tleehhiye', dinkwa nee umuúqo hhawaatuú sagalooár kooma, oo AAKOÓ MUNGÚ aa sagalooár i haniís nee fuquraango, as xu'utír gadiyér heémaadár Mungú sleémeero ngiwa aslay, nee as sagadiyuusi'iimár hhoohhoo' ar adór AAKOÓ MUNGÚ ngira hara'ayín.»

TI'INAANGW 39:32

Gawaá adoorihe gadiyeé sleémeero ar heémár Mungú iri hhooeér, xoorór Israeli adoodá' sleémeero AAKOÓ MUNGÚ Mose ngwa báy kari tleéhh.

TI'INAANGW 39:42

Gadiyeérí sleémeero kana tleéhh nee xoorór Israeli ar adoodár kilá' AAKOÓ MUNGÚ Mose ngura ádbáy.

TI'INAANGW 39:43

Mose gadiyeedaá inooín naa tleehhiyé' gina xuuxuú' ngina tleehhiyé' ar adoodá' AAKOÓ MUNGÚ ngira oó'. Naagáy Mose inooín giri tsuúq.

TI'INAANGW 7:10

Naagáy Mose nee Aroni tari amór Farao káy, adoodá' AAKOÓ MUNGÚ ngaa báy ngiri tleehhiyé'. Aroni hhartós tidá' gari kwaáhh dír geeraá Farao nee geeraharuuse, hhartidá' iri dayshamo tleehhít.

TI'INAANGW 7:6

Mose nee Aroni adoodá' AAKOÓ MUNGÚ ngaa báy kari tleéhh.

TLAHHOÓ LAÁWI 24:23

Naagáy Mose xoorór Israeli sleémeero gari kaangwí báy. Heedaádá' AAKOÓ MUNGÚ gwa lu'us, kuri tsee/aá xáftí duúx, kuri tlaa/ér tlaquút, kway gaás. Adoorí an adór xoorór Israeli aa tléhh, ar adór AAKOÓ MUNGÚ Mose ngura hara'ayín.

FAARO 1:54

Gawaá adoorihe múk Israeli adoodá' AAKOÓ MUNGÚ Mose ngura hara'ayín ngiri tleehhiyé'.

FAARO 31:31

Mose nee kaahamusmo Mungú Eleasari adoodá' AAKOÓ MUNGÚ ngira hara'ayín kana tleéhh.

FAARO 31:41

Naagáy Mose muruuwí guri haniís dír kaahamusmo Mungú Eleasari tawa ilahhooár AAKOÓ MUNGÚ, adoodá' AAKOÓ MUNGÚ Mose ngura hara'ayín.

FAARO 31:47

Baraá qoomayduú tlaqi oo taa múk Israélírí haniisi, Mose baraá haasaánguú hikwaá mibeeraá kooane, nee baraá haasaánguú múk mibeeraá kooane, ar wák gana haniís dír tlahhoó Laáwi, kudá' gadiyumaamisá' baraá heémár Mungú wa ale, adoodá' AAKOÓ MUNGÚ ngira hara'ayín.

FAARO 5:4

Múk Israeli adoorí gari tleéhh, mukdaádá' kuri duúx tsee/aá xafayduú hota. Adoodá' AAKOÓ MUNGÚ Mose ngwa báy ngina tleehhiyé'.

DABE 34:9

Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

Ebrania 11:28

Mose deelmoó Pasaáka guri gaás ar haratlintaao, muu guri hara'ayín tseere ka sliki gawaá maandár do' nee nahha, as malaykamoodá' tsu/uút na/aá baris baraá múk Israeliwo mingiwa tsuú/.

YOSHUA 14:5

Xoorór Israeli yaamuudá' giri qasmís ar loohír tsawdo ar adoodá' AAKOÓ MUNGÚ ngira hara'ayín dír Mose.

YOSHUA 2:21

Rahabu mukdá' guri beér, «Axweesani diisíng ti meere', tlawsé'.» Ala inooín tawa tláy, Rahabu warqamoó daa/aát guri tsék dír pa/angwdií alé.

YOSHUA 4:8

Mukdaádá' adoodá' AAKOÓ MUNGÚ Yoshua ngwaa báy kari tleéhh, inooín tlaa/aá mibaá nee tsár ngina taataahhiyé', ngiri gagaariyé' dír tla/ángw yaaér Yordani wa ale, umuú tlaa/anowo as daanduú tlahhoó Israeli. Tlaa/eedá' kina gagaár ay didá' tay qatuú ay, ngiri didií qaasiyé'.