TI'INAANGW 12:27 - Biblía Axweesantá Hhohho' ar Mungú 2004

²⁷ Daqaní ki beera', ‹Gaarí a deelmooduú bee/i oo taa ilahhooár wa gaás as Pasaákuú AAKOÓ MUNGÚ, asma inós maraá múk Israeli gina waawaaraáhh baraá Misriro, qoomár múk Misri nguwa tsuú/ ala atén taa tsu/iiká.› » Múk Israeli sage gay xupu'uús, Mungú nguri sluufisiyé'.

TI'INAANGW 12:27 Iomraidhean Croise

1 QOM'I 29:20

Daudi muu sleémeero gway báy, «Gimsé', AAKOÓ MUNGÚ, Munguúhúng diidi'iisaak.» Mukdaádá' AAKOÓ MUNGÚ Munguú baabi'ii'ín ngway diidi'iisiyé', sager'ín ngiri xupu'usiyé', Mungú nguri sluufisiyé', AAKOÓ MUNGÚ nguri ilaiwawa/iyé' nee waawutmoowo.

2 QOM'I 20:18

Waawutmo Yehoshafati nee muu sleémeero oo Yuda dinkwa nee yaamuloouusér Yerusalemu AAKOÓ MUNGÚ kway i xupuú' kway sluufmiís.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

NEHEMIA 8:6

Esra AAKOÓ MUNGÚ guri xirfayeés, Munguúdá' Úr. Muu sleémeero iri ilaaóh tawa kaahi, «Amin, Amin.» Dabaaín ngaa gáwtí tleesiyé', naagáy sager'ín ngay xupu'uusiyé', AAKOÓ MUNGÚ ngway sluufisiyé', giti ngiri yaamúr oohiyé'.

WARA'AMI 44:1

Aá Mungú, atén kuúng ugwa axaasaán iiaarene. Bariiseerén ar qaro, muruú kuúng taa tlehhít qarti'ine ngwa diréní alki/iitiyé', tlehhmi'iidaá iimír bál qaro.

WARA'AMI 78:5

Asma axweesantós gana gawdeés dír múk Yakobo, nee dabe gana qaás dír múk Israelí alé, tidá' aa alqadín dír baabi'iirén, as na/ii'ín kiwa intsaahhatisi,

TI'INAANGW 10:2

As kahhó' kuungá' na/iihúng kiwa kaangwí beera', nee na/aá nangwhúng, adór aníng múk Misri ngura niqís nee layuudá' naa baraá tla/angw'ín wa tleéhh, as kahhó' kawa xua' adór aníng tar AAKOÓ MUNGÚ.»

TI'INAANGW 12:11

Bar /ayiindá' adoorí an tlehhá': An siinootiindá', ya/ataahúng in dahasá' baraá yaií ale, hhadoohúng ngin otá' baraá dabe. Fu'unaydá' kiri /agá' ar gaanslaay, gaa a Pasaákuú AAKOÓ MUNGÚ.

TI'INAANGW 12:23

Asma AAKOÓ MUNGÚ in waaraahh as na/aá baris awa múk Misri ngiwa tsu/i. Ala AAKOÓ MUNGÚ barnaxes tseerér taa slikín gawaá maandár do' nee gawaá nahhtá do' badu tsaraawo gaa ár, daqaní AAKOÓ MUNGÚ maraydá' gin waawaaraahh, tsu/utusmoodá' gu geemayká baraá marayhúngí ale.

TI'INAANGW 12:28

Múk Israeli tari tláy, adoodá' AAKOÓ MUNGÚ Mose nee Aroni ngira hara'ayín ngiri tleehhiyé'.

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:8

Na/iihúng ki beera', ‹Adoorí an tlehhitaán tawa inslaslángw muruuwí AAKOÓ MUNGÚ naa atén i tleéhh qoomár niwa ti'imiitaan baraá yaamaá Misriro.›

TI'INAANGW 34:25

«Tseerér gár taa ilahhooar'eé' wa gaás mingi hanisara' dinkwa nee mikaátér taa sluuftís, nee sleeme ilahhooadár gár taa gaás ar deelór Pasaáka ma meetisaara' ay matlaatle.

TI'INAANGW 34:8

Mose iri gaanslár tláy sagós guri xupu'uús, Mungú guri sluufiís.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

1 Korinto 5:7

Kuungá' gadaádár aáng ar mikaáte kar sluuftimaamisi, tidár tlakweema, hingeesaak dirhunge, daqaní kuungá' a hhohhoouurá'. Daqaní kuungá' a xwaantér /aben ar mikaáte tleehhitá', tidá' taa sluuftisiiká. Nee adoorí an adoodá' kuungá' hám tay dir'a', asma deelmoorén oo Pasaáka gaasaro kwaa qaroó hhe'eés. Nee inós an Kristo.

DABE 16:2

Kuungá' ilahhooár Pasaáka ar muruú ta tsu/i haniisaak baraá tla/ángw bee/angwhúng nee hikwaahúng wa ale, as AAKOÓ MUNGÚ Munguúhúng kuwa ilaiwawa/a' didaádá' AAKOÓ MUNGÚ aa tsawaár ar umuuwós kuwa ateetin.

DABE 16:5

«Ilahhooár Pasaáka ar muruú ta tsu/i ma tawó hanmiisara' baraá gixsadu sleémeero kudá' AAKOÓ MUNGÚ, Munguúhúng naa qoo haniisi.